|
رد : مجلس أبن مصاول ....للجميع أرحبووووووووووووو
تسلم يالنشمي..
عساه مجلس دااايم وعامر .. اقوول يالشيخ شرايك ترووح ترحب فيني ترى منزله موووضع ابي ترحيب وماشفت حدا لهلا لك شو هيدا الحتسي.. ادري مووود مزااجي سلملم.. |
رد : مجلس أبن مصاول ....للجميع أرحبووووووووووووو
مرحباً..مرحباً..مرحباً
وقد تم الترحيب يا بنت العز قبل انا أقرأ ردك هذا ويا هلا ويا سهلا بك اختاً عزيزه ويسرنا تواجدك بيننا |
رد : مجلس أبن مصاول ....للجميع أرحبووووووووووووو
تسلم يالغالي
|
رد : مجلس أبن مصاول ....للجميع أرحبووووووووووووو
يالبااااااااااااااا ارحبوووووووووووووووووو * بنت العز* حيااااااااااك دشي ويانا ماكو احد غير اخوانك واخواتك ... http://www.arb-up.com/files/arb-up-2008-6/LAe26948.jpg بالله وصبو هالقهوه وزودها هيل ..... شوفوا بنات مطير على ظهور الخيل .... النشاما نلاقيها ونحييها ... وينك يالي تعاديها ياويلك ويل ..... ***************** هذي يا جماعة الخير غنينيها في زواج والد اختي كان الاسبوع الماضي وجبنا فيه خيول طبعاً خالي ماشاء الله عليه عنده 40 خيل بالرياض و 22 بمحافظة جده ماشاء الله عليه وارثها من جدووو المهم حابين نغيير في الزواج نبغاه مميز عن الغير >>>خرابيط حريم ,,,, بس طلعت حلووووه مرره كلمت اختي- اللي هي ام العريس- خالي علشان تبغي تستأجر منوه اربع خيول في زواج ولدها ووافق >>عسل ما يرفض لنا طلب المشكله مين راح يركب هالخيول بناتها ما يعرفوا وانا قلت لو تقطعوني ما ركبت اتخيلوا لو طحت فشله قدام الخلق ,,, بس في الاخر قرروا اني لازم اركب لان فكرنا ندخل الخيول من دون ركاب بس ماراح تطلع حلوه فما فيه الااني اركب واكمل العدد ,,ايوه صح وحده من الخيول قال خالي انا مدربها على الرقص يعني من اول ما اسوي لها حركه مميز ما ادري وشلون اقولها لكم بس المهم ترقص الخيل انا وقتها اتلخبطت قلت هذي بالذات حطوا لها شئ علشان ما الخبط واركبها وربي لاروح في خبرها ,,لو ركبتها اذبح الخلق فيها >> اخص يالفارسه ,,, ولما جا وقت العرضه راحوا البنات يغيروا لبسهم -طبعا مو بفساتين بلبس خاص صممته لهم زوجة اخوي -انا رحت اطلب خالتي -زوجة خالي - انها تفكني من شر هالحركه ماني راضيه اني اركب جاني خوف وقتها ههههه اختي عصبة علي قالت طيب ليش ما خبرتينا من قبل قلت ما عليك خالتي جايه ذحينه والحمد لله وافقت خالتي ماشاء الله عليها تعرف تركب من دون مساعده ...متعوده لا وبعد اخذت اللي ترقص وربي الكل استغرب واعجب في هالحركه ,, الله يوفقه وعين الله ترعاه وبس قهوه دايمه ,,,,,استأذن |
رد : مجلس أبن مصاول ....للجميع أرحبووووووووووووو
اقتباس:
حلووووووووووووووووه ركوب الخيل , بس ليش ما كملتي وصرتي شجاعه؟؟ وإذا طحتي قولي لهم هذي من صلب الموضوع لأننا ياجماعه مسوين خطه لما سيحصل وهو ان الخيل تطرحني :woow: وبعدين أركضي وراه ونطي على ظهره بس انتبهي لا تكون النطه قويه فتطيحين من الجهة المقابله :0092: ولا تبين تصيرين ملح:z07: وبعدين ...عياط ...وتعيطين وإذا سألوك ليش تعيطين قولي من الفرحه لأني أول مره أنط كل هالمسافه !!! انا الليله حطمت الرقم القياسي في القفز الإحترافي لظهر الخيل ...وخلي خواتك وبنات عمك يشيلونك في بطانيه وانتي وسط البطانيه صيحي وقولي لهم نزلوني خلوني أسوي الحركه مره ثانيه:00113: في عام 2006 م ركبت الخيل في مصر وأخذت لي أسبوع وظهري معلق على حركه وحده....وكنت أضرب بطن الحصان بعراقيبي علشان يمشي وأثرني بغيت أشق بطن الحصان الضعيف وفي الأخير من كثر الضرب علق الحصان وما مشى ...وبغى من الزهق مني يمشي بالريوس ههههههههههههههههه المهم رجليني قعدن بعد حوالي أسبوع وهن يعورني :z047: سرني مداخلتك الرائعه وسلمت لنا يادلوعة منتديات الموازين |
رد : مجلس أبن مصاول ....للجميع أرحبووووووووووووو
يـأمرحبـــــأ بـآاهل الوفأ والبعـأرين... وأهل الغنم واهل التيوس النطوحة
السلام عليكم ورحمة الله وبركــــــــــأته كيف الحــــــــال . اشلوونكم طيبون اخباركم اشووفكم يالربع ترجبوون بمجلس الرجل هههههههههههههه عسائكم سلمين وش السالفة < ماشاف نفسه وهو حاط له بيت مثل خشته ههههههههههههههههههه |
رد : مجلس أبن مصاول ....للجميع أرحبووووووووووووو
اقتباس:
اولا تسلمين قلبـــــــــو دلوعه على هالترحيب المهم حركتكم مرة خطيرررة وحلووووووة ياليتني معكم مغامرة درجه اولى اعجبكم تلقين ارقص انا والخيل سامــــــــــري وناااااسه المرة الجايه اذا جاكم زواج اعزمونــــــــــا طيب نحضر ونبيض الوجه... احترى الدعوووة .... وعلى فكرة الكيك الي بالصووورة او الحلى شكله مررة حلووو اسدحي المقاديررر عساي ماطولت سي يا... |
رد : مجلس أبن مصاول ....للجميع أرحبووووووووووووو
اقتباس:
والكل يرحب بالآخرين هنا فالمجلس للجميع حياك يا نايف حياك |
رد : مجلس أبن مصاول ....للجميع أرحبووووووووووووو
السلام عليكم ورحمة الله وبركاته اليوم جايب لكم سالفة منقولة وهي سالفة دارت أحداثها بين ابن نمر القحطاني وأحد حكام بن رشيد فتقول السالفة:
كان ابن نمر القحطاني من المقربين عند ابن رشيد .. وفي احد الايام فقدت خزنة بها نقود لابن رشيد .. فأراد الوشاه ان يوقعوا بين ابن نمر وابن رشيد .. لأنهم يعرفون ان له منزلة عند ابن رشيد فقالوا ان الخزنة ما اخذها إلأا ابن نمر . وعندما علم ابن نمر عن كلام الوشاه الذي قالوه لابن رشيد بحقه قال هذه القصيدة أمام ابن رشيد ينفي ما نسب إليه وهو برئ منه .. وانما اراد الوشاه الايقاع بينه وبين ابن رشيد .. يقول ابن نمر القحطاني : الهرج لامنه كثر ضاع مجراه &&& سجوا به العقال والجاهليني مالي على الخايب دليل ابا انصاه &&& مشروهنا والله على الطيبيني والله والله يا مخالــــيــــق والله &&& يقنع بها الطالب من المطالبيني هرج وقع في عرضنا ما فعلناه &&& وانه علي ظلم من الظالميني لو الذرا من صوبنا ما فتقناه &&& ولا نويق بـــغـــــره الغافليني ثوب الخنا لو مشخص ما لبسناه &&& يكرم عليك من الخنا يا يميني أخوكم أبن مصاول |
رد : مجلس أبن مصاول ....للجميع أرحبووووووووووووو
اليوم ليس لدي شئ أقوله ولكنني سوف انقل لكم بعض الصور التي تعز علي واتذكرها بحب وبعضها اتذكرها فأضحك كثيراً..
هذه الصور في بداية عام 2008 في الأحساء http://farm4.static.flickr.com/3001/...c89035.jpg?v=0 http://farm4.static.flickr.com/3283/...756c1e.jpg?v=0 يحليل هالميزانيات ....يا بعد قلب أبوكم http://farm4.static.flickr.com/3095/...6cdc2e.jpg?v=0 هذا ضيف الله مع زميل لنا في العمل قد تقاعد قبل عامين وهو رشيدي ضيف الله مهووس بالأبل ويحلم بذود كامل منها ... هذه اللقطه في الأسفل كلما تذكرتها مت من الضحك وهي مقلب قد فعلناه في زميل لنا عتيبي الله يذكره بالخير ففي احدى ليالي الشتاء القارسة وكان الماء في تلك الأيام في بداية عام2008 يتجمد عندنا في العمل كثيراً.. ففي احدى الليالي وجدنا بعض مجاري مياه الأمطار عندنا في العمل فيها ماء والطبقة العلوية لها متجمده فدخل علينا احد اخويانا (عتيبي) وكان متحمساً وما دريت إلا آخذ كاسة من سطل البايالات وهو يناظر فيها قال : يابوضيف الله أبي احط فيها ماء وأبي أحطها برا لساعتين ونشوف؟؟ قلت: فكره حلوه يا أبو مشعل روح وانا اخوك..:shrer: وهو يصب في الكاسة نصفها ماء حتى ما غسلها من عجلته هههههههههههههه وهو يحطها على جدار قدام غرفة التحكم مقابلة للهواء البارد القارس.. ويجيني ونقعد نسولف .. عاد حنا سوينا فيه مقلب..أشرت لخويي وكان مرياً (من قبيلة المره) فاخذ الكاسة وحطها في الثلاجه حتى ثلجت في حوالي ساعة ونصف .. عاد خوينا اخذه الكمبيوتر والنت والسوالف والتشييك على العمل ونسى الكاسة اللي برا.. المهم خوينا المري بعد ان تاكد بان الكاسة مثلجة تماماً اخرجها من الفريزر ووضعها في مكانها ويجينا يعدي ... قال: يا ابو مشعل لحق على كاستك!! قال: وش فيها.؟؟؟ قال: روح شوفها بنفسك. ويروح لها أبومشهل طرررررررررررررررررررررررررررررررر ...يوم وصلها ولانها مثلجه وتطلع اعيونه :142: ويخطفها ويجيني موطي رجله وهو يصيح ويقول : اخو العيال...اخو العيال , أبك ..أبك شوف يا أبو ضيف الله ويحط الكاسة فوق مكتبي قال شوف ويقعد يصورها بجواله وانا أصوره ههههههههههه وهو مايدري http://farm4.static.flickr.com/3060/...86e9d4.jpg?v=0 أول ما جابها قعدنا نصورها انا وياه ههههههههههههه http://farm4.static.flickr.com/3233/...aeb8f3.jpg?v=0 وهذا وهو يصورها هههههههههههههههه ونسرحبه حتى قرب الزام ينتهي يوم قرب ينتهي قلنا اكيد يبي ينشرها في المجموعات الأخرى وبعدين يبي يدري انا مسوينها فيه مقلب وبعدين يبي يتفشل ويبي يزعل علينا فقلنا له الحقيقة ونحن متسلقين من الضحك :0092::0092: وفي الأخير تعشوا معي عشاي ياهلا ويا مرحبا http://farm4.static.flickr.com/3284/...7da568.jpg?v=0 صورة خاصة بابن مصاول أحب الماكولات البحرية والصينية منها واموت في شي أسمه سيزلينغ أبن مصاول |
رد : مجلس أبن مصاول ....للجميع أرحبووووووووووووو
يا صاحبي عطني من الورد ريشة&&&هدية(ن) يصخى بها صاحب المال
هذا البيت هو للشاعر / مبارك بن فرزان القشيري الشهري وهو من فرسان بادية بني شهر المشهورين بل من فرسان المنطقة الجنوبية وله الكثير من القصائد والقصص وأشهر أبياته هي التي تناقلها الناس في أرجاء الجزيرة العربية وحتى إذاعة الكويت قد ذكرت بيته المشهور ولكن الناس لا يعرفون من صاحب هذا البيت بل أن أكثرهم يقول أنه عتيبي أو قحطاني أو شهراني .(ونعم بهم ) وهذه قصة قصيدته المشهورة . خطب مبارك بن فرزان إمرأة من قبيلة بني بجاد من شهران , وكان يحبها ولكن حالت الظروف دون زواجه منها ومضت السنين فقابلها على مورد ماء في بادية الجنوب , وعرف المرأة ولكنها لم تعرفه ولم يعلم أنها قد تزوجت فقال هذه الأبيات :-
يا صاحبي عطني من الورد ريشة=هدية(ن) يصخى بها صاحب المال من شي لا ينفع ولامنـه عيشـة=اللي مثيلي ينفعه لو بعض حـال فعرفت البجادية أنه مبارك بن فرزان فردت عليه وقالت :-
يا صاحبي ما ارضى عليك الغشيشة =نبـدي لك الدلـة ولا بعدهـا فــال وأهل النخل عيّوا على تمر بيشـة =واثنين مايقسـم لهـم زاد رجـال فعرف بن فرزان أنها تزوجت ومضى في حال سبيله ليترك هذه القصة وأبياتها للأجيال تتناقلها منقوول أبن مصاول |
رد : مجلس أبن مصاول ....للجميع أرحبووووووووووووو
|
رد : مجلس أبن مصاول ....للجميع أرحبووووووووووووو
يااااااااااااااااااااااااااوك يالعكـــــــــــره
|
رد: مجلس أبن مصاول ....للجميع أرحبووووووووووووو
يالله تصبحهم بالخير .. ياعله مجلسن عااااااااااامر يابن مصاول ..
يااااااااااويل حااااااااااالي ابكم انتم وشلون تاكلون ذا الضباااان .. يالله تزيد النعمه .. بس مبين الطبخه طيبه .. ودي اغامر مرررررره واذوق العكره اللي اغلب الشباب ميت عليها .. بس شكلها مايفتح النفس.. |
رد : مجلس أبن مصاول ....للجميع أرحبووووووووووووو
اقتباس:
|
رد : رد: مجلس أبن مصاول ....للجميع أرحبووووووووووووو
اقتباس:
حياك الله ياأختنا فزولها ونور المجلس أخوك ابن مصاول |
رد : مجلس أبن مصاول ....للجميع أرحبووووووووووووو
سلام عليكم ورحمة الله وبركاته
والله ودنا نتونس معاكم انشاء الله انكم بخير |
رد : مجلس أبن مصاول ....للجميع أرحبووووووووووووو
اقتباس:
وانشاء الله ماتروح من المجلس الا انت حاباً الدنيا ومنشرح صدرك ياهلا ومسهلا بالهيلا |
رد : مجلس أبن مصاول ....للجميع أرحبووووووووووووو
اقتباس:
هذا المجلس ياطويل العمر به كل شئ غير متخصص بالمنتدى فهو نافذة مفتوحه لأي شئ يطري على بالك من علوم وسوالف ونقاشات اخويه تقدر تقول منبر حر.. فأهلا وسهلا بك.. وإن شاء مثل ما قال أبو احمد انك ما تروح إلا وأنت حاب الدنيا أبن مصاول |
رد : مجلس أبن مصاول ....للجميع أرحبووووووووووووو
خابركم تحبون العلوم الزينه واليوم جايب لكم سالفة غريبة جرت احداثها علي وانا في مصر إبان زيارتي لها خلال 29/07/2008 حتى 2/8/2008 م
وقد كان التنويه بالرحلة على هذا الرابط http://www.almouazeen.com/showthread.php?t=6838 المهم مالكم في طوالة الهرج في ليلة من الليالي وهي الليلة الأخيرة لي في القاهرة وهي الليلة التي بعدها رجعت للسعودية عبر البحرين. المهم في حوالي الساعة الــ11:00 مساءاً قد تجهزنا انا وثنين من الجماعه للذهاب للعشاء وقد أتفقنا على ان نتعشى في المركب الشهير الـــSunset فنزلنا من الدور الحادي عشر بالأنصاصير وعند باب العمارة الرئيسي تفاجأة !! انني نسيت جوالي في الشقة فقلت لخوياي خلاص يالربع انتم وقفوا تاكسي وتفاوضوا معه وانا ابي أرجع اجيب جوالي...لحد كذا والأمور تمام التمام المهم طلعت للدور الحادي عشر ووجدت هاتفي في الشقة ... اخذته ونزلت عن طريق المصعد الكهربائي . وعند نزولي كنت مسرعاً ففتحت الباب عند توقفه وهرولت للحاق باصحابي...لحد كذا والأمور طبيعيه وبعد ان إقتربت من الباب الأساسي للعمارة وإذ بي أسمع كلاماً مبهماً ياتي من خلفي .. التفت لأجد إمراة خمسينية ومعها أبنتها الصغيره (حوالي 16 سنة) يتكلمن بكلام لا أفهمه فرجعت لهما وقلت: أيه الحكايه يا حاجه ؟؟ قالت: مش تفتح عيونك يا أبني :142: كنت حاتخبطنا بالباب!!!! قلت: يا سيدتي الفاضله انا لم أرك حتى اخبطك بالباب أصلاً. قالت: نعم يا يروح امك ....أيه..أيه ما شفتناش يعني أيه!!! قلت:هذي والله البلشه!! قلت : يامدام انا آسف وحقك علي يا ستي ...قالت خلاص وهي زعلانه . المهم لم أرد ان أشغل نفسي بحركات المصاريه!! توجهت لخارج العمارة وإذا بالبواب أقصد (البيه البواب ) ههههههههه واقف ويقول لي: هم عايزين منك أيه يا فندم؟؟ قلت : هم عاوزيني امسك الباب ليهم علشان يركبوا في الأصانصير وأنا والله سائح ومش بواب !! وانا قلت الكلام هذا ما ادري وشلون هالنسره سمعت كلامي عن بعد 20 متر وهي داخل العماره وانا برا!!!!:icon9: المهم وتناديني وتقول: انت بتقول أيه وتبدى الشتايم!!!!:142: بدون مقدمات قلت: أيش الخبر يا ست ؟؟؟ وش المشكله استهدي بالله!! المهم وهي تقولي تعال هنا !!! قلت: انا ولد مصاول ولده !!! إلا انتي تعالي هنا يا كيسة الأسمنت. المهم وانا طالع من باب العماره وإذا بزوجها جاي ومشغل الأسعاف ويسب ويلعن . قلت: أستهدي بالله ..افهم السالفه ...أبك انا ماقلت شئ لهالبليه .. أبك أنت وش فيك ويقعد يزبد ويسب السعوديه وكل الخليج .. المهم ونتماسك انا وياه إلا خوياي جايين ويفرقون بيننا ويدخل للعماره والشباب يطلعوني من الباب عنه وانا كنت أبي أذبحه هاك الليل لوالا ستر الله وان خوياي فكوني من مصيبة لأنني كنت مظلوم ولم أفعل ما يستوجب كل هالقضية اللي طلعوها لذلك كان ردة فعلي قوية وكنت ذابحه ذابحه هاك الليله.. المهم يوم دخل في العماره ويروح يزبد ويقول كلام وانا أرجعله. قلت لابوك لا بومصر وراك يا ........ واتناول لي شئ أبي اطخه به وقلت له: إذا انت رجال مثل ما تقول أطلع ياحمار . والمشكلة مرته وبنته قاعدين هالحين يزودون فيه حنا عندنا في السعودية لما توقع مشكله بين رجل وآخر وزوجته او بنته حاضره تهدي في اخوها او زوجها أو أبنها !!! لا هذي تبي تذبح زوجها ولو انه هاك اليله طلع لي الظاهر أبي أذبحه ..لأنه قهرني وانا مالي ذنب لدرجة ان الناس كلهم أستغربوا من تصرفه. فتركناه بعد ان طلبوني الجماعة اللي معي اني اكف الشر وقلت علشانكم ولا هذا ..... والله ما يسوى جزمة سعودي . المهم الجماعه اللي معي يسألونني لأنهم مادروا وشلون بدات الحكاية قلت : يالربع علي الحرام حرم اني ما قلت لها شئ هالمخنزه .. قالوا أجل وش اللي حصل وش هالبلوه ... قلت : علمي علمكم وهذي اول مره تمر علي في حياتي مثل هالموقف الغريب حقاً!! وعلى كثر سفراتي وترحالي لم يمر علي موقف مثل هذا!! ولكنني فيما بعد توقعت انهم يريدون ان يتضاربوا وتقع إصابات ثم يطالبون بالتعويض .. وانا والله ما طلعني من طوري يالربع إلا لأنني كنت مضلوماً ومشدوهاً مما وقع وغير مستوعب لهذا الموقف!! لأن هذا المصري وزوجته قد طاحوا سب فيني وفي السعوديه والخليج بدون سبب مقنع ... وكانهم فقط يريدون ان ينفسوا عن أنفسهم فربما الحشيش قد انقطع عنهم !!!! ولكن اعود وأرجع وأقول: من ترك داره قل مقداره وسلامتكم أبن مصاول |
رد : مجلس أبن مصاول ....للجميع أرحبووووووووووووو
وانت سالم وغانم ياطويل العمر
اقتباس:
|
رد : مجلس أبن مصاول ....للجميع أرحبووووووووووووو
ويابو ضيف الله مادامك فتحت هذا الباب
فانتظر ومعاك الاخوه سالفة اخوك >> يوم بغى يغرق في (البحر الابيض المتوسط) والسبب خويه الميزاني !!! |
رد : مجلس أبن مصاول ....للجميع أرحبووووووووووووو
اقتباس:
على العموم انا دردشت مع كم مصري بنفس السالفة فقال احدهم وبنفس النص: الناس مشحونة عليكم يالخليجيين وبرضه هم مشحونين ولو يقدروا يتخانقوا تخانقوا مع انفوسهم !!! قلت: اجل مالوم المصري اللي ذبح عياله بالسيف ويقول علشان الروم ما تجي!!!! بس عكروا مزاجي من جد هاك الليله ولو ماني على رأس عمل ولو اني كنت متقاعد كان قعدت له مضبوط والله لخليه ينسى حليب أمه وانا ولد مصاول ...!!! المهم رحنا وتعشينا هاك العشا في الــsunset وعينا من الله خير على جو على كيف كيفك وقلت لخوياي مانركب إلا في أعلى السفينه نبي جو صاحي .... واللي زود الطفش وانا راجع هو ما حصل في جمارك البحرين اول مره اواجه مثل ذيك الزحمه لدرجة ان الجمرك السعودي ولع بواري وكانك في عرس بسبب الأزدحام الشديد وبطئ الجمارك السعودية في تخليص إجرأت السيارات... وقد التقطت لكم كم لقطه http://farm4.static.flickr.com/3132/...945e8e.jpg?v=0 صورة بالجوال توضح الزحمة وقد أمتدت من الإشارة في الجزء البحريني الى الجمارك السعودية على حوالي 300 متر فقط !!! وينقعوننا 4 ساعات الله وكيلكم دخلت الجمارك الساعه 7:00 ولا خرجت إلا الساعه 11:00 مساءاً وما كان مونسني إلا (صوت الخليج) بيض الله وجيههم وعلى برامجهم المباشره وقد تحدث معهم أحد أصحاب السيارات اللي محجوز معنا على الجسر وأشتكى من الوضع ولكن لا حياة لمن تنادي http://farm4.static.flickr.com/3199/...c4ff91.jpg?v=0 بس كله احسن من موقف المصريه الله لا يوفقها لا دنيا ولا آخره وفي الأخير أترككم مع فطوري اللي سواه لنا واحد من خويانا صباح هذا اليوم وهو يامي بيض الله وجهه http://farm4.static.flickr.com/3085/...aec7b5.jpg?v=0 صورته بالجوال قبل ساعتين تفضلوا يالربع ..تفضلوا أبن مصاول |
رد : مجلس أبن مصاول ....للجميع أرحبووووووووووووو
اقتباس:
|
رد : مجلس أبن مصاول ....للجميع أرحبووووووووووووو
اقتباس:
اقتباس:
اقتباس:
تصدق مره جلست على حدود العقبه يوم ونصف وضيعت خويي فيها مالقيته الا بالسعوديه .ههههه |
رد : مجلس أبن مصاول ....للجميع أرحبووووووووووووو
اقتباس:
عطنا السالفه من طقطق لسلام عليكم على قولة المصاريه يا ابو احمد وش اللي حصل وكيف ضيعت خويك ؟؟؟ بالتفصيل الممل |
رد : مجلس أبن مصاول ....للجميع أرحبووووووووووووو
اقتباس:
ابشر بالتفصيل الممل واللهجه العاميه بعد ( رحلت العوده من القاهــره) السالفه طال عمرك طويله ولاكن اخترت انا وخويي ان نرجع للسعوديه عن طريق البـــر وذلك لاكتشاف والتفرجه على صحراء وجبال سيناء المهم كانت رحله ولا كل الرحلات كنا مبسوطين في طريق عودتنا على باص (وكنت انا وخووي مشغولين بنظم قصيده بالقاهره قد نسيتها الان ) واثناء عبورنا صحراء سيناء شاهدنا ارتال الدبابات الاسرائليه على جنبات الطريق محروقه ومدفونه من مخلفات الحرب العربيه الاسرائليه المهم وبعد غروب الشمس دخلنا سلسلة جبال سيناء الطريق مفرد سيد واحد وجبال وتعرجات ومير ينطلق ذراااع الباص ويتعطل ههه الله لا يوريك المهم قمت انا وخووي ومدري وشلون ربطناه الذراع وقلنا للسواق اللي كان مايعرف الا القياده فقط عليك بالمشي بسرعة لا تتعدى 20 ك م في الساعه (( للمعلوميه اول مره اركب باص)).. وعند الصباح وصلنا الى ميناء نويبع ، اخذت انا وخوويي فندق ونمنا لمين العصر لان الباخره فاتنا الحجز عليها المهم حجزنا على باخرة الصباح ، امضينا ليلتنا في المينا وعند الصباح ذهبنا على الباخره وانطلقت الساعه العاشره صباحاً>>>>> كانت رحله جميله واتذكر بعد ان تغدينا في مطعم الباخره طلعنا فوق للسطح الباخره وتقابلنا مع قررروب فرنسي مكون من فتاتين وشابين وامضينا يومنا كامل نتناول اطـراف الحديث معاهم وعند غروب الشمس واذا بنا نشاهد انوار العقبه المهم لــم ننزل من الباخره الا تقريباً الساعه الثامنه مساءً استلمونا الجمارك الاردنيه الله لا يوريك انواع المعامله السيئه ووجدنا بشريه لم ارهم من قبل ماسكين سراااوات بسبب نظام الامن في الاردن .. وبسبب الزحمه لم اعد اشاهد خويي وتعرف ذيك الايام مامعنا لا جوال ولاوسيلة اتصال والمشكله الاخرى انك ماتقدر تطلع من السراء يروح عليك من كثر البشريه المهم انهية اوراقي تقريباً الساعه2 بعد منتصف الليل فاتجهت للباص الذي سبق وان اخذنا تذاكره من القاهره (تذكرة العوده) ركبة الباص ومكثت فيه حتى الصباح فاتجهنا الى الحدود السعوديه (منفذالدره) ومن الصباح حتى جاء العصر او بعد العصر بشوي ونحن في الدره وايضاء بسبب التكتلات البشريه التي امامنا ( خويي ماعنه الطير خبر ) طبعاً بعد عودتي اتصلت على بيته في حائل واذا هو موجود واخبرني بان اموره سارت على مايرام وانه وجد شباب جايين من الاردن على سيارتهم وركب معاهم .. قلت والله انا اللي خلاني ماتصرف واثقل في مشيي اقول ان الرجال وراي وكل شوي بيلحق .. اثرك سابقني .. وانتهت السالفه وللمعلوميه الزحمه التي وجدناها بسبب عودة المدرسين . |
رد : مجلس أبن مصاول ....للجميع أرحبووووووووووووو
يعطيك العافيه يا أبو أحمد على سرد احداث هذه القصة الغريبة وصراحة معاناه...واشكرك على إشراكنا في احداثها
اقتباس:
اقتباس:
اقتباس:
كلاب وأشك بان أصولهم عربية وانا أقصد من يعملون على الجمرك اما الشعب الأردني فهو طيب ومضياف. اقتباس:
اقتباس:
فلو صارت لك مشكله مع هالأردنين فمن سيكون عوناً لك هناك؟؟ الحمدلله على سلامتكم وكل رحلة وخاصة ما تكون عن طريق البر تكون مفيدة جداً مع ما يعتريها من مشاكل وتعب.. وقد جرى لي رحلة مشابهة لرحلتكم هذه عام 1999م في نفس الأسبوع اللي توفي فيه الأسد.... أخوكم ابن مصاول |
رد : مجلس أبن مصاول ....للجميع أرحبووووووووووووو
حياك يابو ضيف الله وهذه رد على تسائلاتك :
اقتباس:
اقتباس:
اقتباس:
نعم المدورة بتشديد الواو اقتباس:
|
رد : مجلس أبن مصاول ....للجميع أرحبووووووووووووو
قهوتك دايمه يا أبن مصاول يالخال <خواله المصاوله
ادري معرب الجد يا النشمي وقهوتك دايمه يا رب بس اسئلك من اللي سوىا القهوه؟ لا يكون حلا نجد ودلوعة المهد ماقصرتوا يا بنات {بنيات تعاوناا ما ذلن} ههههههههههههههههههههههههههههههههههههههههه تحياتي أخوكم :حسن المــ{ي}ــزاني |
رد : مجلس أبن مصاول ....للجميع أرحبووووووووووووو
حياك يا حسن وسرني زيارتك لنا في مجلسنا فأهلاً وسهلاً بك
والقهوة مسويها أبو احمد أما الربايع يمرن علينا وبعض المرات يجيبن معهن ترامس شاي وقهوة وبعض المرات يجيبن حلا وحركات ... وانت بس تقهو وعين من الله خير وترى ضيف الله ارسلته يذبح لنا طرف يالبناخي .....تقهو ..تقهو....يالله حيه |
رد : مجلس أبن مصاول ....للجميع أرحبووووووووووووو
مساكم الله بلخير كيف الحال با الربع وين القهوه والرطب ايههههههههههههه ابن مصاول عنده العزيمه مسيك بلخير واخبارك يا ابن مصاول واخبار الشباب والبنات
|
رد : مجلس أبن مصاول ....للجميع أرحبووووووووووووو
اقتباس:
حياك الله والذبيحه نطبخها لنا يوم ونص الظاهر انها تبي تتبخر هههههههههههههههه والربع والربايع كلهم بخير ابن مصاول |
رد : مجلس أبن مصاول ....للجميع أرحبووووووووووووو
صبحكم الله بالخير وعساكم طيبين إن شاء الله وشلونكم مع رمضان يالربع؟؟
والله الأيام اللي راحت حر ولكن الحمدلله عديناها بدون ضماء ولا جوع ولله الحمد .... خابركم تحبون العلوم الطيبه واليوم جايب لكم كم بيت وردهن وهن طريفات عن المحبين والقلوب الخضر يقول شليويح العطاوي:
يفدى عشيري من عظامه تشله=من الحظر وألا ساكنين البراري وإبن رشيد الشمـــري فدوت له= مـودع قطاعين الشواوي وقاري نقلوا الناس الخبر لبن رشيد قالوا هالخبل هذا يفداك بحرمة نظر فيهم إبن رشيد وضحك وكانوا يحسبونه بيغضب وألا يغزي على العطاوي لكنه خيب ظنهم عند ماقال
ياواصلً منــــي شليويح قلــه= قله بوجهي عن جميع المزاري والله ماألومـــه لو فداني بخله=حيث إن جاري له من الود جاري قبله لطيف الروح حالي يسله=ســـل السلوك المبهمة بالأباري صراحة موقف محب قوي جداً من العطاوي ورد رجل حكيم من بن رشيد وسلامتكم ابن مصاول |
رد : مجلس أبن مصاول ....للجميع أرحبووووووووووووو
ايه زانت علومكم يالربع ، وقصيدة ابن مصاول الي اوردها عن القلوب الخضر زااااانه بالحيــــــــل بالحيل .
ورمضان هالسنه توقعت انه بيجينا فيه عطش وجوع من طول النهار بس الحمدلله لا عطش ولا جوع والامووور تمــر على مايرااام |
رد : مجلس أبن مصاول ....للجميع أرحبووووووووووووو
السلام عليكم ورحمة الله وبركاته عساه مجلسِ دايم يا بن مصاول أنا عضوة جديدة اتمنى تقبلوني بينكم حبيت أسلم عليكم وأبارك لكم بالشهر وعساكم من عواده :z025: . . |
رد : مجلس أبن مصاول ....للجميع أرحبووووووووووووو
اقتباس:
مرحباً بالدره من الأرض الى المجره |
رد : مجلس أبن مصاول ....للجميع أرحبووووووووووووو
هلابك بن مصاول أكثر وليّ الشرف بأنضمامي لكوكبتكم الرائعة أرق تحية . . |
رد : مجلس أبن مصاول ....للجميع أرحبووووووووووووو
حياك الله اختي الدره ولو حنا ماحنا صايمين كان قلت لك تقهوي بس عارفه الصيام ...وصوموا تصحوا
http://www.mekshat.com/pix/upload02/...3_dsc01854.jpg |
رد : مجلس أبن مصاول ....للجميع أرحبووووووووووووو
من زمان مادخلت مجلس ابن مصاول مشاغل الدنيا ماتنتهي
لكن معي لكم قصيده روووعه في معانيهااا اتمني ان تتذوقوهاا: يقول من يبـدع طواريـق الالحـان اللّـي مسـوّي للقصيـد انتفـاضـه ماقـال متمـرّد ولاقــال بـطـران لكن مجال الشعـر خاطـر وخاضـه يعـرف معانيّـه ويعـرف لـلاوزان والورد ينبـت فـي مراتـع فياضـه اشوف بعض الناس مبلي ومرضـان امّا علـى كيفـه ويزعـل وراضـه ولاّ تماريبـه ولـو كـان غلـطـان وانا ماهدم البيـت عقـب انتهاضـه ومهما تسوّيبـه معاريـف واحسـان الغيـم مايجحـد اذا البـرق ناضـه ابني ولي فـي ديـرة العـز بنيـان دارٍ مسيّـس فـي عـزازٍ نهاضـه وارقى على متن السحايب والامـزان ولابحث ورى المستسوره واللفاضـه ولااتبع ورى المقفي ولو كان من كان يقفـي وتدبـر خطوتـه وارتكاضـه آي المنافق : كـاذب وطبـع خـوّان والسمن وسط الدخن يصبح خواضـه والصاحب اللي حسبته مثل الاخـوان عقّب على حلـو الامانـي حماضـه يتبـع علـوم فــلان ولاّ فلنـتـان لافات هرجٍ جـاب هـرج استعاضـه اصك بـاب ويفتـح قفـول بيبـان ولابـان درب الحـق زاد اعتراضـه يعشق دروب الغيّ واعمى في الالوان يمثّـل ولا تمثيـل رشـدي اباظـه يسلك دروب التيه من دون عنـوان ماعمر ميّـز سودهـا مـن بياضـه والصقر دايم ماكـره فـوق ضلعـان ولاّالدجاجـه حيلهـا حيـل بـاضـه ياغاويٍ درب السنـع هنـت لاهـان درب السنع واضح وعسرٍ مخاضـه كانك تعرف من السنـع ذرّة ايمـان حيّ الضمير وعـبّ بالخيـر حاضـه وكانك بعـد هـذا تجيهـل وعميـان اللـي شبيهـك ودّنـا بانقـراضـه هذي وقايـع ماجـرى كـان ماكـان قلـت الحقيقـه كلّهـا باستفـاضـه الشاعر فيصل بن عسكر |
| الساعة الآن 10:43 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
