|
رد : مجلس أبن مصاول ....للجميع أرحبووووووووووووو
دق دق سلام يا زاكين الأنساب .. سلام يا اهل الكرم والجود ... ايش اخبــــاركم ان شاء الله تمام ... ياجماعه نبغى هالموضوع يكون لنا بالذات فـــلـــه ..مو حقت موبايلي لا ..هههههه ... اقتباس:
|
رد : مجلس أبن مصاول ....للجميع أرحبووووووووووووو
|
رد : مجلس أبن مصاول ....للجميع أرحبووووووووووووو
|
رد : مجلس أبن مصاول ....للجميع أرحبووووووووووووو
اقتباس:
نعم نريد ان نثري المجلس بالمشاركات المميزه...دمت بخير وعز ياغالي ابن مصاول |
رد : مجلس أبن مصاول ....للجميع أرحبووووووووووووو
اقتباس:
والمنتديات بدونك انتي تكون بلاطعم ..... وانا أسعد برؤيتكم هنا ومشاركتكم لي في هذا المجلس المفتوح لكي ارى مشاركاتكم الجميلة الرائعه ...... وانتي دائم على البال وكل ما نتطلع في المنتديات نتطلع لمشاركاتك ..وها قد عدت من السفر وسوف نشعلل المنتدى مرة اخرى فكونوا حاضرين لكي نقلع الى فضاءت جديده.. اخوك ابن مصاول |
رد : مجلس أبن مصاول ....للجميع أرحبووووووووووووو
اقتباس:
اختي دلوعة المهد أرحبي الى ديونيتنا وتقهوي وتبين تاكلين موجوبك قولي تم..قولي تم.:z033: :z047: وتري امك تستاهل كل خير...... http://www.mekshat.com/pix/upload/pr..._crw_97577.jpg تقهوو يالربع....قبل ما تبرد الدله المهم أبي أقول لكم جزء من قصيدة للشاعر المدلجي ضيف الله وهي عن المسيار وقد قالها في أبن عمه ونسيبه محمد ابن سند بن مصاول (أبو متعب)حيث قال:
سير لأبو متعب ترى الباب مفتوح =سير عليه وخل صكاك بابه مالك بدار مغلق الباب مصلوح=خل الردي جعله يغثر شبابه ياللي تصك الباب مانته بمسموح=وش بك تصك الباب دون القرابه ليا صار ما عندك تماثيل ومزوح=يلقا بدالك واحدٍ ينهقا به اخوكم ابن مصاول |
رد : مجلس أبن مصاول ....للجميع أرحبووووووووووووو
بالنسبة للصور التي أظفتيها اختي دلوعه ما شفتها لأن الموقع محجوب عندي...وتسلمين على إظافتها واكيد انها زينه لأنها من بنت زينه ولا يجي منها إلا الزين..
ابن مصاول |
رد : مجلس أبن مصاول ....للجميع أرحبووووووووووووو
http://www.mekshat.com/pix/upload/im...1054444114.gif السلام علي الجميع ...... ورحمة الله وبركاته طبعاً تعرفون قصيدة تركي عطالله الميزاني في شاعر المليون (سيرة بطل) وكيف انه في نصفها أستشهد ببيت للملك الراحل عبدالعزيز بن عبدالرحمن آل سعود..
هذا قبل هيت تخطيها عيون الدليل=وهذا قبل سطوة القرم العزوم الصبور
القصيدة بصوت شاعر الوطن.. وهيت هذه كانت إحدى النقاط التي مر بها الملك عبدالعزيز قبل إنطلاقه النهائي ليسترد حكم أبيه وأجداده من أبن رشيد وعامله على الرياض... صور من منطقة هيت... http://www.almizany.com/view_uploader.php?do=get&id=187 http://www.almizany.com/view_uploader.php?do=get&id=188 http://www.almizany.com/view_uploader.php?do=get&id=189 http://www.almizany.com/view_uploader.php?do=get&id=190 وهذه هي قصيدة الملك عبدالعزيز :
واهني الترف منسوع الجديله=ماضواه الليل دون مغرزاتي قاعدٍ في البيت يبكي عزتيله=يوم شاف ركاب خله مقفياتي وردوهن هيت واخطاه الدليله=والموارد غير هيت مقضباتي روحن مثل القطا صوب الثميله=ضمرٍ تضفي عليهن العباتي آه من قلبٍ على جال المليله=لا تذكرت العصور الماضياتي عصر من ينطح مقاديم الدبيله=لابتي لا جا نهار الموجباتي من تعبث بالفرايض عزتي له=تقعده حدب السيوف المرهفاتي ويجدر بالذكر ان هناك منطقة تعرف بهيت في العراق.... أبن مصاول : هذا الموضوع غير منقول |
رد : مجلس أبن مصاول ....للجميع أرحبووووووووووووو
يعطيك العافيه على هذا الجهد ..ابن مصاول .. عن جد معلومه جديده لدي تسلم ويسلم شاعر الوطن ..فديته .. اقتباس:
|
رد : مجلس أبن مصاول ....للجميع أرحبووووووووووووو
الصور طلعت يا دلوعة المهد..بس الله يرجك أبليسك ياغاليه...هههههههههههههههههه صور معبره خاصة حقت ضيف الله هههههههههههه أستر عليه وعلى لفة الشماغ أشهد انه صميدع...
وبالنسبه للبنوته الحلوه اللي لابسه البرقع تحت شئ ...ههههههههههههههههههه وتنافسني ليش لا بس وين معاميلها؟؟؟؟ ما شوف شئ لا دله ولا بريق ولا محماس ولا نار!!! كخخخخخخخخخخخ سررتني بالصور الجميله يا غاليه ابن مصاول |
رد : مجلس أبن مصاول ....للجميع أرحبووووووووووووو
اقتباس:
إن شاء الله يكون الموضوع مفيد للجميع ......وأشكر لك مرروك وتعليقك والصور زينه وشفتها... ابن مصاول |
رد : مجلس أبن مصاول ....للجميع أرحبووووووووووووو
مشكور على قصيده تركي 2000 (مع انني لاأحبه )) لاكن علشانك يابن مصاول ابقراهاااااااا
--------------------------------------------- ابقولكم قصه يالربع فيها فائده(معكم شهر زاد) كان يامكان000الخخخخخخخخخخخ:z049: جرووووووح لا تبرأ ----------------------------------------------------------------- كان هناك طفل يصعب ارضاؤه , أعطاه والده كيس مليء بالمسامير وقال له : قم بطرق مسمار واحد في سور الحديقة في كل مرة تفقد فيها أعصابك أو تختلف مع أي شخص............ في اليوم الأول قام الولد بطرق 37مسمارا في سور الحديقة وفي الأسبوع التالي تعلم الولد كيف يتحكم في نفسه وكان عدد المسامير التي توضع ينخفض يومياً. أكتشف الولد أن التحكم في نفسه ,أسهل من الطرق على سور الحديقة في النهاية أتى اليوم الذي لم يطرق فيه الولد أي مسمار في سور الحديقة عندها ذهب ليخبر والده أنه لم يعد بحاجة الى أن يطرق أي مسمار قال له والده: الآن قم بخلع مسمار واحد عن كل يوم يمر بك دون أن تفقد أعصابك مرت عدة أيام وأخيرا تمكن الولد من إبلاغ والده أنه قد قام بخلع كل المسامير من السور قام الوالد بأخذ ابنه الى السور وقال له: بني قد أحسنت التصرف ولكن انظر الى هذه الثقوب التي تركتها في السور ((لن تعود أبدا كما كانت)) عندما تحدث بينك وبين الآخرين مشادة أو اختلاف وتخرج منك بعض الكلمات السيئة, فأنت تتركهم بجرح في أعماقهم كتلك الثقوب التي تراها. أنت تستطيع أن تطعن الشخص ثم تخرج السكين من جوفه , ولكن تكون قد تركت أثرا لجرحا غائر لهذا لا يهم كم من المرات قد تأسفت له لأن الجرح لا زال موجودا جرح اللسان أقوى من جرح الأبدان الأصدقاء جواهر نادرة , لذا أرهم مدى حبك لهم احترم ثلاث أشياء: احترم نفسك احترم الآخرين احترم تصرفاتك وكن مسئولا عنها عندما تدرك أنك اخطأت, قم بتصحيح ذلك مباشرة في رأيي الشخصي هذه صفات يجب ان يتحلى بها كل شخص يريد ان يكسب احترام الآخرين وحبهم له حلا نجد000000000000000000000000:00126: |
رد : مجلس أبن مصاول ....للجميع أرحبووووووووووووو
اقتباس:
دائماً تأتين بالمفيد يا حلا نجد وقد افدتينا أيما فائدة بهذه القصة الرائعه اخوك ابن مصاول |
رد : مجلس أبن مصاول ....للجميع أرحبووووووووووووو
:z031: قريت قصيده وأعجبتني000 وحبيت أذكرها فالمجلس ؟؟؟؟؟؟؟
يقول الشاعر ياطويل العمر0000 جبرك الوقت ترجعلـي جبـرك وجيتنـي ندمـان دمرّك الشـوق ياخايـن وجيـت تسابـق ظلالـك عرفت الحب بغيابي؟ عرفت أنك معـي غلطـان؟ تأكـد مايشرفنـي طـريـق ٍ دربــه وصـالـك تبي أخضع لأجل عينك وأنا مخضع ومهمـا كـان أقـص الـراس قـدامـك ولاأخـضـع لأمثـالـك لعبت بحسبة جروحي وكتبت أمن الحزن عنـوان (نسيت اللي يحبك موت وصـار الغيـر يحلالـك) إذا غيري تبي قربه وصـرت فـبحـره الغرقـان نصيحـه لايمـوت الحـب ومـن قلبـي هنيالـك نسيت أنك تبيع الحب وتجـزا الطيـب بالنكـران لعلمـك بانـت الصـوره وبانـت نيـة أفعـالـك (تشب النار) في قلبي وتنسى أنـي معـك أنسـان تخالط بالشقـى (هيلـك) وصـب الهـم (فنجالـك) بعد ماأنقلبت الدنيا تجينـي محتـرق!! ولهـان!! تقـول أرجـوك سامحنـي وقلبـي بداخلـه شالـك تبي قربي؟ أنا حاضر.. ولكن !! بطلبك من شان؟؟ .. تشوف شلون لـي عـزه تـرد الجـرح لأشكال أبي تبكي على شاني .. أبي تصرخ من الحرمـان .. لوأنـي بآآآخـر الدنيـا.. أبيـك تجـر مـوالـك أبيك تصير مجنوني ومـن شافـك يجـي شفقـان يقول شلـون؟ علمنـي؟ وشلـي غيّـر أحوالـك ترى (هتلر) بعد مجـده تخلـوا عنّـه (الألمـان) وأنا مـن بعـد حبـي لـك تركتـك تقعـد لحالـك تدل الدرب من دونـي وقدامـك سكـة الأحـزان .. توكـل لاتنادينـي ويعـيـن الله عـلـى حـالـك وأنا يكفينـي ذليتـك وحديتـك علـى الهجـران .. تقول الموت مـن بعـدك وأقـول هنـاك أشوالـك غسلت إيديني من حبك وأبرحل وأهجرك يافـلان .. فمـان الله وباقيلـك نصيحـه وخلـهـا فبالك ترى من يضحك (الأول) مصيره باللعب خسـران .. وأنا من يضحك (الثانـي) عشـان أحطـم آمثالـك__________________ سلامتكم وش رايكم ماهي زينه0000 |
رد : مجلس أبن مصاول ....للجميع أرحبووووووووووووو
قمة الروووووووووووووووووووووعه ...قصيدة قمة وجزلة يتضح فيه سلاسة التعبير وتسلسل الأفكار فسبحان الله..سبحان الله ما شاء الله على شاعرها..أقو انه شاعر جزل وقصيدته كلها جزاله!!
( اقتباس:
|
رد : مجلس أبن مصاول ....للجميع أرحبووووووووووووو
سلام عليكم يا الربع يالله مسهم بالخير.... انا لي كم يوم متضايق ما أدري ليش؟؟؟ واليوم جتني رسالة من رجل عزيز وهو من جيراني ..رجل وقور قد تجاوز عمره الستين وقد وجه لي فيها رسالة يتشوق لجلساتنا ويسندها على شيبة دوسري(أبو بداح أكثر من 70 سنه) ويذكر فيه أبو علي(مقاطي 50 سنه) بأنه يحل محلي ومحل الحربي(أبو محمد-75سنه) في الأحساء وقد تغيبت عنهم الآن حول الشهرين فقال جاري وهو سبيعي:
أهل المجالس وينهم يا أبو بداح=اللي لهم عندي محبه وتقدير أشوف لك شهرين مانته بمرتاح=الله يرد اللي تبيهم على خير مادام أبو علي على الزام ماراح=يفرح اليا جاه النشاما مسايير ماقفل المجلس بقفلن ومفتاح=وإلا تعذر بالعمل والمشاوير يكفي عن اللي يفوا يم الأسياح=من طيبين الناس في حرب ومطير فعندما وصلتني الرسالة كنت في العمل وأخرت الرد عليها حتى الساعة التاسعه مساء هذا اليوم وقلت هذه الأبيات في جيراني(رفاقة المجلس) الله يبيض وجيههم ولم أحصيهم كلهم بل أعزهم الى قلبي فقلت:
ياهل الحساء بالحيل والله ما أرتاح= مادام انا مبعد وفي القرب تقصير ياطير ياللي في الفضاء راح سواح=وصل سلامي للرجال المناعير وإن قلت منهم؟ قلت:من طيبهم فاح=ومن طيبهم زادو على كليب والزير اولهم اللي للمواجيب نطاح=واليا ذكرته صار في الجو تعطير هباس أبو مسلط كريمٍ ومزاح=يقدم على العليا ومن دون تأخير واذكر أبو بداح لي درع ووشاح=شيخ المراجل في الليالي المعاسير وابو علي أخوعزيز وسماح=ومن طيب ساسه حضر الطيب تحضير وأبو محمد شيخ في هرجه افصاح=من لابة يوم الملاقا مغاوير وشوف النفيعي يزود القلب بأشراح=يجلى النظر لا صار في الوقت تغبير وأبو حمود اللي من القلب ما راح=رجل كريم يدور الطيب تدوير وأبو فهد لا صرت للرجل مداح=تعجز تعابيرك ولو فيك تعبير يعل يفداهم من الناس نواح=والاش واللي صك بابه من عصير هم نقو ة والطيب يرقا ولا طاح=يرقا سنود ولا يخاف التحاذير جمعهم المولى على طيب واصلاح=ولا فيهم اللي يورد العلم تغرير يالله تجعل وقتهم كله افراح=ومن بعدهم اتصبر القلب تصبير اليا ذكرت الجار والدار والصاح=زادت همومي يا ملا دون تقدير هذا وانا مالي من المدح مصلاح=وأرجا السموحه كان في القاف تقصير وصلاة ربي عد ما بارق لاح=على النبي وعداد ماغرد الطير الأسماء بالترتيب : هباس هو هباس القريشي السبيعي. أبو بداح هو محمد الشكري الدوسري. أبو علي هو عبدالله المقاطي العتيبي. أبو محمد هو سعيدان الحربي(شايب عمره فوق الــ70) النفيعي هو عيد النفيعي العتيبي (تجاوز الستين من عمره) وأبو حمود هو متعب الطواله الشمري(في بداية الأربعينيات).. أبو فهد هو تركي الحربي(في الــ45 سنه) وهم يستاهلون كل خير ونعم الرجال جاورتهم وعرفت أن معرفة الرجال تجارة...ما بعدها تجاره أخوكم ابن مصاول |
رد : مجلس أبن مصاول ....للجميع أرحبووووووووووووو
هاااااااااااي كيف الحال
هذي اول مشاركه لي في مجلس ابن مصاول يلاااا ابي ترحيب :049: http://alfrasha.maktoob.com/up/393008594615846674.gif |
رد : مجلس أبن مصاول ....للجميع أرحبووووووووووووو
حياك يالريم ومرحباً مليون×مليون وشرفتي أبن مصاول ومرتادي المجلس بتواجدك بيننا...
ومرحباً الف ....أررررررررررررررررررررررررررررحبي تراحيب المطر صب القهوه يا ولد.... صب القهوه ياولد.. وانا اقول وش هالريح الطيبه اللي في المجلس وأثاريه مرور الريم ......يا هلا ومسهلا ياغاليه يا عازف الربابه دق لنا هالأبيات لحامد زيد العازمي بمناسبة مرور الريم لمجلسنا وتقهويها عندنا: ويا ويل حالي كل ما يحلى لها لون الغروب ...........................................تطري لي الريم اللعوب وسالفة ترحالها وعزالله اني كل ما تطري لي الريم العوب ...........................................حرمت أمد إدي على حاجه وانا مقوا لها من سافرة ريم الفلا صديت عن كل الدروب ..............................................ما هو قصور بالعذارى بس ذيك لحالها من فارقتني ما خطف قلبي من الحور محبوب .................................................و لا لقيت الجادل اللي تستحق أحيا لها لان القلوب اما وفت لحبابها ماهي قلوب ..............................................والع شرة اللي ما ترد الروح ما نسعى لها أما الوفا اللي يستر الرجال من كل العيوب .....................................والا الجفى اللي يستر اعيوب العرب في رجالها أخوك ابن مصاول |
رد : مجلس أبن مصاول ....للجميع أرحبووووووووووووو
على فكره يا ريم توقيعك رائع ......معبر جداً وجميل للغايه
|
رد : مجلس أبن مصاول ....للجميع أرحبووووووووووووو
تسلم اخوي ابن مصاول هذا بس من ذوقك وانا لي الشرف الاكبر بمشاركتي في مجلسك واعجبتني القصيده فعلا حامد زيد ابداع بس ماني الريم اللعوب والي عجبني اكثر شي بالقصيده ريم الفلاا |
رد : مجلس أبن مصاول ....للجميع أرحبووووووووووووو
أختي الريم تساهلين كل خير وإن شاء الله ما نتي لعوب ولكن هذا ما قاله الشاعر ..
ولا أنتي إن شاء الله عقل وثقل..... يقول خالد الفيصل:
من خصايص عنود الصيد كثر الطواري= وعادة الظبي يجفل لاتـحرك ظلاله ما يصيدالجوازي كـود بخصٍ وضاري= القنص بالركـاده والتسرع جهاله ولايعرف الطرد من لايعرف الصحاري= ماتعرّض سـموم ولاتعرض شـماله كـلّ دربٍ عليه من المخاليق سـاري= للسـوالف رجال وللشكاله رجاله وانت إن شاء الله عنود (الصيد)الريم ....والعنود هي قائدة الغزلان اخوك ابن مصاول |
رد : مجلس أبن مصاول ....للجميع أرحبووووووووووووو
مساكم الله بالخير يالربع والربايع وشلونكم عساكم ....طيبين
تعرفون ان القلب يحب ويهوى حتى لو كان كبيراً و بصري الشمري رجل كبير وهاواوي وقد اخذ من حياته بالطول والعرض وفي آخر حياته....قالوا له أعياله خلونا نحججه ..المهم حججوه لمكه وهناك قابل بنت وبدلا ان يحب الحجر الأسود حبها فقال:
التايــه اللي جاب بصـري يقنــه= جدد جروح العود و العود قاضــي جينــا نحــب ونطلب الله جنــه= جنــة نعيمٍ يوم يبس الحياضــي ياليـت كانت حبتــي في معنــه=يوم العيون عن الخوامل غواضــي يامن يعاونــي على وصف كنــه= اشقــح شقاح ولاهقٍ بالبياضــي لا ريحـةٍ قشــرا ولا هي مصنـه= ريح النفـل بمطمطمات الفياضــي ونهودهــا الثوب الحمر شولعنــه= حمرٍ ثمرهنٍ واقفـاتٍ غضاضــي و الخـد ذابـوح القلوب المرنـه= براق مزنٍ لاعـج اللون ياضــي ياليت لو سنــي على وقم سنــه= بايام ما بينـي وبينـه بغاضــي ايام جلــد الذيــب عندي محنـه= نصبح وزرق الريش لهن أنتفاضي وا جرح قلبــي جرح وادٍ وطنـه=غر المزون اللي وطنه وفاضــي والبيـض قبلــي محسنٍ عذبنــه= ونمرٍ على وضحا جرا له عراضـي والبيـض كــم من واحــدٍ يبسنــه= يبست شماشيـل العذوق النفاضــي عزي لمن غر الثنــايا كونــه= واركن على كبـده كوايٍ اعراضـي شوفــي بعيني و الخدم يركبنــه= بنت الشيوخ مخدميـن الحياضــي على اشقحٍ من زمل ابوها مظنــه= ركبـت عليه اتشنطحٍ بعتراضــي بمشجــرٍ من سوق هجرٍ مغنــه= على خياطه ناب الارداف راضــي واين انت يا مشفٍ على طردهنـه= انا طويت ارشاي واقفيت قاضــي أحدٍ يطيــح بنـار وأحدٍ بجنــه= وترى الحظيظ اللي له الرب راضي وقد قال بعدها:
ياليتنـا مـن حجنـا سالمينـا=كان الذنوب اللي علينا خفيفات رحنا نبي نخفف ذنوب علينـا=وجينا وعليها كثرها عشر مرات ويقال بأن هذه البنت هي شعاع بنت ابن ربيعان ابن مصاول |
رد : مجلس أبن مصاول ....للجميع أرحبووووووووووووو
^^
ماشاء الله عاد مدري انا وش صاير بس حبينه نسلم عليكم واقوول لكم اني عضوه جديده ^^ لاعاد قولي قسم الزبده ابي اختصر موضوع الترحيب لاني نفسي ما احب ارحب بحد هع فلذلك تشرفت بمعرفتكم والسلام عليكم ورحمة الله وبركاته ^^ اخييرا |
رد : مجلس أبن مصاول ....للجميع أرحبووووووووووووو
و عليكم السلام ورحمة الله وبركاته .. ومرحبا فيك يا بائعة الزهور .. .................................................. ............... و حقيقة بعد الأبيات يا " ابن مصاول" تذكرت موضوع لي كتبته و كان من ضمنه أبيات لشاعر أعجبتني و أوردتها فيه .. و أحببت أن اضيفها في مجلسكم هذا .. رضاك خير من الدنيا وما فيها ... وانت للنفس اشهى من تمنيها الله اعلم ان الروح قد تلفت... شوقا اليك و لكني امنيها ونظرة منك يا سؤلي ويا املي...اشهى الي من الدنيا وما فيها اني وقفت بباب الدار اسألها... عن الحبيب الذي قد كان لي فيها فما وجدت بها طيفا يكلمني... سوى نواح حمام في اعاليها يا دار اين احبائي لقد رحلوا... وياترى أي أرض خيموا فيها قالت:قبيل العشا شدوا رواحلهم... وخلفوني على الاطناب ابكيها لحقتهم فاستجابو لي فقلت لهم:... اني عبيد لهذي العيس أحميها قالوا:أتحمي جمالا لست تعرفها... فقلت:أحمي جمالا سادتي فيها قالوا: ونحن بواد ما به عشب ... ولا طعام ولا ماء فنسقيها خلوا جمالكم يرعون في كبدي ... لعل في كبدي تنمو مراعيها روح المحب على الاحكام صابرة ... لعل مسقمها يوما يداويها لا يعرف الشوق الا من يكابده ... ولا الصبابة الا من يعانيها لا يسهر الليل الا من به ألم ... لا تحرق النار الا رجل واطيها |
رد : مجلس أبن مصاول ....للجميع أرحبووووووووووووو
|
رد : مجلس أبن مصاول ....للجميع أرحبووووووووووووو
اقتباس:
حياك الله اختي بائعة الزهور :z025: <<<<ما اجمله من أسمى :z025: ونحن هنا وانا اخوكِ في مجلس ابن مصاول اخوان وعيال عم وبنات عم نجتمع للتحاور .... و هو منبر حر نتبادل فيه كل شئ القصص والدعبات والأفراح والهموم اليوميه والأشعار التي تعجبنا والأراء..وكل شئ مفيد بدون تقيد ببرتوكول معين بل على السجية والطبيعه المهم تشرفنا بزايارتك ومروك الخاطف وإن شاء الله ما تكون هذي آخر زياره بل أولها ..والى الأبد نحو أخوة + وصداقة ...صادقه اخوك ابن مصاول |
رد : مجلس أبن مصاول ....للجميع أرحبووووووووووووو
اقتباس:
في مجلس ابن مصاول ومرورك هو مرور القلم الراقي والكلمة المهذبة والعبارة الجميله وقد امطرتنا بالرائعة اعلاه فسلم بنانك يا غالي وأشكرك على نقلها لنا هنا ...
قالوا: ونحن بواد ما به عشب=ولا طعام ولا ماء فنسقيها خلوا جمالكم يرعون في كبدي=لعل في كبدي تنمو مراعيها الله ..الله..الله عظمه على عظمه يا أستاذ لله در الشاعر أنظروا الى جمال الصورة والمعنى ....ويقال بأنه شاعر يمني ولكن لا يعرف منهو.... سرني مرورك يا وزرينا العزيز ابن مصاول |
رد : مجلس أبن مصاول ....للجميع أرحبووووووووووووو
اقتباس:
سرني مرورك ومرحبا مليون |
رد : مجلس أبن مصاول ....للجميع أرحبووووووووووووو
|
رد : مجلس أبن مصاول ....للجميع أرحبووووووووووووو
نبي بس تنشيط المجلس من مثلك وشرواك يا أستاذ ستار2005 .....تقبل شكري يا غالي
أبن مصاول |
رد : مجلس أبن مصاول ....للجميع أرحبووووووووووووو
صباح الخير وشلونكم عساكم طيبين؟؟؟؟
اليوم جايب لكم سالفة طريفة وهي سالفة المثل اللي يقول : اللي ما يعرف الطير يشويه نبتدئ: يقال.... كان هناك شخص يحب صقرا له اكثر من ابنائه وكان الصقر ثميناً جدا وهو مصدر رزقهم بعد الله فخرج ذات يوم وكان الجو مغبر و عج (عجاج) فهد صاحب الطير طيره على جول من الحبارى فغاب الصقر واخذ صاحبه طوال نهاره يصوت ويصيح في كل مراقب ويلوح ولكن دون جدوى وبعد صلاة العصر وبعد التعب والعطش رأى من بعيد راعيا يرعى ابله فلما وصل إليه واذا هو عبد قد اشعل نار وجلس عندها فسلم صاحب الطير على الراعي وسأله عن الطير فقال الراعي لا اعرف طيرك ولكن جاءني ( طيران ) ووقعا تحت هذه الشجرة واخذا يتعاركا فقربت منهما وضربتهما بالعصا ثم ذبحتهما وها هما في النار بعد قليل ينضجان فنأكلهما . ذهب الرجل إلى النار وحفر وذا بطيره و معه حبارى قال الرجل : يا مجنون هذا طيري و هو لا يؤكل و الحبارى تؤكل قال الراعي مافيه فرق حباري صقر كلها طيور ياعمي . ندم الرجل وبكى ولكن لا يفيد البكى والندم ثم اطلق كلمة المشهوره ((اللي مايعرف الصقر يشويه)). وفعلا الي مايعرف الصقر يشويه.!!! واللي ما يعرف الطير يشويه او يشتويه.... أبن مصاول |
رد : مجلس أبن مصاول ....للجميع أرحبووووووووووووو
الاخ /ابن مصاول من يوم فتحت المجلس ودي أسألك عن الابيات المكتوبه ادناه وهي للمرحوم الشيخ
شقير بن عجل بن مصاول بن مدلج0 بخيته يوم انا صنهات ****** وشقير يوم انتي منيره دورن تغير وقتن فات ****** مير اطلبي ربك الخيره السؤال/ مامناسبة هذه الابيات وماقصتها والذي حداني على هالسؤال اطلعت على مقال لك في المرحوم الشيخ شقير وتقول انك لم تحفظ له شيء منة قصيده 00000000000 وتقبل تحيات/ اخوك راع الابل |
رد : مجلس أبن مصاول ....للجميع أرحبووووووووووووو
http://www.mutair.ws/hello.png لله درك من فتى
وتقبلوا تحيات : محمد الشــلاّحي منسق موقع قبيلة مطير [movek=right]اللهم بلغنا رمضان ووفقنا لصيامه وقيامه ايماناً واحتسابا [/movek] [movek=left]اللهم بلغنا رمضان ووفقنا لصيامه وقيامه ايماناً واحتسابا [/movek] والسلام عليكم ورحمة الله |
رد : مجلس أبن مصاول ....للجميع أرحبووووووووووووو
يعطيك العافيه ..ابن مصاول .. ابصراحه جميع قصصك مشوقه وبها من العبر المفيده ... مشاء الله مجلسك ماينطفئ ناااره ...ههههههههه... لا تبخل علينا بالمزيد ... تــــــــفـــــــــضــــــــــــــلـــــــــــــــ ـــوا الــــــــــــــــشـــــــــــاي http://www.mekshat.com/pix/upload/im...7_xxxxxxxx.jpg صوره معبره .........هههههههههههههههههههه..... |
رد : مجلس أبن مصاول ....للجميع أرحبووووووووووووو
اقتباس:
سوف أورد الموضوع قريباً هنا يا طويل العمر فلا تعجل ابن مصاول |
رد : مجلس أبن مصاول ....للجميع أرحبووووووووووووو
اقتباس:
يالله حي أبن شلاح وأبقه ..مرحباً الف يا ولد شالح....وش هالصدفه الطيبه اللي مرت بك علينا يأبو يوسف ..... دير القهوه ياولد لربع كلهم اللي حاضرين.....وسق القهوه من يمين يا ولد يالله حيهم ... ذكرتني بقصيدة أبن شلاح (محمد) يوم يقول:
أمــل الوجـــار وخلوا البــاب مفتــــوح =خــوف المســـير يســـتحي ما ينــــــادي نبغي الى جـــاء نـــازح الــــدار ملفــوح=وشــــاف البيــوت مصككــة جــاك بــــادي يقلــط لــديــوان بــه الصــدر مشـــروح=ورزقـــه علـى رازق ضعـــاف الجــــرادي يا نمــر مـا في صكـــت البــاب مصلــوح=ولا هــي بلنــا يــا مضنــــة فـــوادي تصلــح لمخلــوق يبـي يســـتر الــــروح=ناشــي عليــها معتمــــدها اعتمــــادي يا نمــر لو المرجلــه ســــدو مســــدوح=كــل نقــــــزهــا حـــر ولا بــــرادي لكنــها من دونـــها المــــر مطـــــروح=وارض تـبي مــن بــذر فعــلك ســــمادي رجـــال تقصيــــره مع النــاس مســـــموح=لا حيـــث مالـــه في القديمــة شــــدادي ورجـــال تقصيره مـــع النـــاس مفضــــوح=وكــل يقـــول النــار تخـــر رمـــــادي يالله حي القميشي ...يالله حي ولد الشيوخ يشرفنا وجودك في مجلسنا يا أبو يوسف ولا تقاطع أخوك ابن مصاول |
رد : مجلس أبن مصاول ....للجميع أرحبووووووووووووو
اقتباس:
حيالله بنت الذهبيه ...يا مرحبا ....يا مرحباً بأخت الرجال وبنت الرجال ...يالله حيها وهذي عاداتك يا بنت الذهبيه ما تجين إلا وعزبتك معك اوانيك وقهوتك الله لا يحرمنا من طلاتك يا بنت العم فأنت دائماً تأتين وياتي معك الشاي والقهوه المهيله.... علشان كذا أبي احرف قصيدة مطوع نفي وأبي أقول:
لا ضاق صدري قمت أصوت لدلوعه=هاتي حطب وارميه للجار والضيف من قبل ولد الاش يبدي بشوره=حمست من بن اليمن غاية الكيف أشكرك على هالبيالات الطيبه ولا نخلا يا دلوعة الذهبيه |
رد : مجلس أبن مصاول ....للجميع أرحبووووووووووووو
:049: |
رد : مجلس أبن مصاول ....للجميع أرحبووووووووووووو
اقتباس:
المهم أن نفيد بعضنا بما ناتي به من قصص أو أخبار أو سواف أمثال أبن مصاول |
رد : مجلس أبن مصاول ....للجميع أرحبووووووووووووو
اقتباس:
هذه الأبيات قالها الشاعر الكبير شقير بن عجل رحمة الله عليه وقد جرت احداث قصتها في الطائف .... فقد كان الشاعر هناك في تلك الفترة وكانت تقام القلطات ويشارك فيها...... وكانت فيه إمرأة مع ربعها في الطائف من الموازين..... وكان أسمها المعروف لدى شقير رحمة الله عليه (بخيته) وعندما كانوا ربعها يطرون الشعار اللي شاركوا في القلطات كانوا يذكرون لها أسم شاعرنا (شقير) وهي إمراءة عروف أي تعرف الجماعة وأبنائهم........... فقالت: لا يوجد في أبناء عجل شقير فوصفوه لها وانه أصغر أخوانه فأستغربت الأسم وقالت: ذلك صنهات!!! وليس شقير أنا أعرفه يوم أن كان صغيراً.. قالوا بل غير أسمه منذ صغره الى (شقير) ... ثم تبادر الى مسامع الشاعر هذه السالفه فقال من يقول ذلك قالوا: تقوله منيره.....!!! وكان يعرف المراءة جيداً وكان يعرفها باسمها الأول ولكن هذه الأيام غيرت أسمها الى منيره فقال زين.....وهو رجل مزاح وفكاهي رحمة الله عليه فأرسل لها هذه الأبيات فقال:
بخيته يوم انا صنهات=وشقير يوم انتي منيره دورن تغير وقتن فات=مير اطلبي ربك الخيره وقد رويت بأكثر من صيغه ولكن اصحها هذه الصيغة أعلاه ولا يعرف غيرها ...كما ان القصة رويت بطريقة أخرى أيضاً ولكن هذه هي الأقرب. أرجو ان أكون أفدتك يا راعي البل..... اخوك ابن مصاول: طبعاً المراءة كركشيه |
| الساعة الآن 01:20 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
