|
رد : مجلس أبن مصاول ....للجميع أرحبووووووووووووو
مرحبااا ,, اشلونكم شخباركم .. اليوم جبت قهوتي معاي حياكم http://pic.alfrasha.com/data/media/51/hrhj.gif |
رد : مجلس أبن مصاول ....للجميع أرحبووووووووووووو
اقتباس:
عاش من جاب الفناجيل والدله.... يالله حيها وحي ما جابت..... يالله حي الريم ...... نبي نتقهوى من قهوتك يا غاليه بس لا تغيبين عنا كثير.... وفيه ناس فاقدينهم ما ندري وين راحوا؟؟؟ يا اخي أسأل ؟؟؟ على ما قالت اصاله!!!:0062: أبن مصاول ... |
رد : مجلس أبن مصاول ....للجميع أرحبووووووووووووو
اليوم جايب لكم سالفة بيت الشعر اللي يقول:
تعدو الذئاب على من لا كلاب له=وتتقي صولة المستأسد الحامى
يقال أن أبي الأسود الدؤلي حج ومعه إمرأته (وكانت جميله) فبينما هي تطوف بالبيت إذ عرض لها عمر بن أبي ربيعة ...أي تحرش بها فأتت أبا الأسود فأخبرته !!! فأتاه أبا الأسود فعاتبه..... فقال له عمر ما فعلت شيئا :woow: فلما عادت إلى المسجد عاد فكلمها:0016: فأخبرت أبا الأسود :65_f: فأتاه في المسجد وهو مع قوم جالس فقال له :
فإني ليثنيني عن الجهل والخناء=وعن شم أقوام خـلائق أربع :z057: حيـــــاء وإســلام وبقــيا وأنــني=كريم , ومثلى قد يضر وينفع فشتان ما بيــني وبيــــــنك إنني=على كل حال استقيم وتظلع فقال له عمر : لست أعود يا عم لكلامها بعد هذا اليوم :z014: ثم عاد فكلمها :0025: فأتت أبا الأسود فأخبرته :019: فجاء إليه فقال له :
أنت الفتى وأبن الفتى وأخو الفتى=وسيدنا لولا خـــــــــلائق أربع نكول عن الجلى , وقرب من الخـــنا=وبخل عن الجدوى ؛ وإنك تبع ثم خرجت وخرج معها أبو الأسود مشتملا على سيفه , فلما رآهما عمراً عرض عنها , فتمثل أبو الأسود :
تعدو الذئاب على من لا كلاب له=وتتقي صوله المستأسد الحامى.
وسلامتكم ....اخوكم أبن مصاول موضوع منقول مع بعض تصحيحي وتنقيحي |
رد : مجلس أبن مصاول ....للجميع أرحبووووووووووووو
تعدو الذئاب على من لا كلاب له وتتقي صوله المستأسد الحامى.
دائماا النساء بلوى..............تسلم على الحكايه الرائعه(متاثره..في افلام كرتون) .................................................. .................................................. ........................... :z025: نبي نسير على الاجواد ونبارك له في شهر رمضان...للجميع ليسى مثل بعض ناس بشريط الاهداء يباركون فقط للموازين000 http://www.almizany.com/view_uploader.php?do=get&id=238:z025: فيه قصيده اعجبتني وحبيت أذكرهاا في المجلس000وش نسوي نزعل وذا ضاق الصدر سيرنا على(( ابن مصاول)) ......القصيدة:: مـنقـووولـ .. انا وان طال وقتي ماتوقعتك تناساني انا والله ماظنيت غير اني نظر عينك *** علامك ؟ وين هالغيبه ؟ ترا وسوس لي شيطاني أبسأل ياترى حرفي ؟ بقا منقوش بايدينك ؟ ...........................((أهداء ........ *** وابسأل يوم صديتي .. منو حطيتي الجاني !! وابسأل منهو اللي كان يجري في شرايينك ؟ *** زولك فالحلم جاني .. وضمـّيــته وبكـّـاني .. وناظر لي وصرخ لي وقال : وينك يابحر وينك !! *** أنا المجروح ..والباكي .. أنا المظلوم .. والعاني أنا اللي ماشكا يومك طعنتيه بسكاكينــك *** أنا والله بشر مثلك .. ترا مو وارد الماني جرفتيني .. كرفتيني .. وكملتي برجلينك .. *** اقول .. انقلعي يالهبله .. ترا بحر الهوى جاني وقال "شفيك متبهذل؟" وقال " اترك مجانينك " *** ودرّســني وفهمــّـني وهلـّـت دمعت اعيانــي أثاريني بوهم عايش .. وعايش مع شياطينـــك *** وذكــّـرني بذكر ربي ورميتـه بين أحضـاني ياجعل الموت يانايف ياخذني قبل عينــــك *** حبك يالغـلا وحبــّـي كما ( حصني ) عشق ( ضاني ) زهمه وقال : يالغـــالي أنا مشتاق لحضينــــك *** ولايدري الحمل إنّ الثعالب طبعهــا فانـــي ولاتفرق أبد عنـده . ظهرت بزينـك او شينك *** (صدر ينزف ) ( وتر يعزف ) .. ولكن خانت الحاني (غلا ساحر ) ( غدر باهـر ) .. كسبتي بيني وبينك *** نبي نرجع !! نجـرّ المـاضي اللي حيل أشقــاني نبي نقلب صحايفنا وابقرا جيمك وسينــــك *** أبترك أول استفهام إمشي نتلو الثــــاني !! أبسأل !! ماسألتيني .. وقلتي وش سبب لينك ؟) *** تعالي نروح للثالث سؤال بــــ ( منهو يفداني ؟؟ ) رفعت ايدي وجاوبتك .. ضـلوع القلب فادينـــك .. *** سألتي سينك الرابــع . وقلتي : ( من تحداني ؟؟ ) تشوفيني .. مغير اجاملك وااقول يازينـــــك .. *** ترا سهم الغدر يابنت .. هالمرّه تعدّانــي .. ماعادت تفرق بقلبي ولو يجيني مثلينــك .. *** أنا ماعاد ابي حبـّـك ولو من موتي أحيانـي أقص ايديني ياشيخه لو القى يديني راجينــك *** أنا عفتـك .. أنا عفتـك .. وقولي : نايف انساني قلتيها .... كتمتيهــا ... ترا والله ناسينــــــــك .. *** والا منـّــه طرا في بالك تردّين لاحضانـــي !!! تبي تلقين قدّامك أميـــره تسوى ضعفينــــــك *** ومع السلامه ورمضان كريم:drive1: :drive1: .. حلا نجد.............. |
رد : مجلس أبن مصاول ....للجميع أرحبووووووووووووو
اقتباس:
قصيدة قمة في الأحاسيس والعواطف الجياشه والذوق الراقي من اخت راقيه ودائماً لا تظيف إلا الرائع من الشعر ....فلله درك يا ام عرنان .... ورمضان كريمhttp://www.almizany.com/view_uploader.php?do=get&id=239 أبن مصاول:drive1: :drive1: |
رد : مجلس أبن مصاول ....للجميع أرحبووووووووووووو
مساكم الله بالخير يالربع وشلونكم عساكم بخير ..... والله اليوم ابن مصاول مصخن شوي ....وعنده انفلونزا في الحلق ولاهو قادر يتحكا بس احسن ان السالفه كتابه وليست كلام وحكا هههههههههههههههههه يقول المتنبي :
وزائرة كان بها حياء=فليس تزور إلا في الظلام بذلت لها المفارش والحنايا= فعافتها وباتت في عظامي الحمى أعاذنا الله واياكم منها تعلب في اجسامنا..... المهم ماشغلكم بكثر الكلام خلونا ندخل في سالفة اليلة وهي من التراث وتدل على وجوب الأخذ بوصية الأب وان يكون الرجل عروف بما يعنيه الكلام المبطن... يقال يا طويل العمار هذي السالفة تدور حول رجل شايب صاحب مال وجاه وله ولد وحيد ويوم اقتربت وفاته وعلى فراش الموت نادى ولده وقال ياوليدي بوصيك بثلاث وصايا ابيك تحفظها وتعمل بها . قال ولده:ابشر يابوي قال الأبو:الوصيه الاولى ابن لك بيت في كل ديرة والوصيه الثانية ام البنتي وام الكنتي وام المسمار الي ينتي لا تزوجها والوصيه الثالثة لاتخون من آمنك لو كان خاين وذا ضاقت عليك السنين وحتجت شي عليك بصحيبي فلان في الديرة الفلانية قله انا ولد هاك الرجال ون شالله مايقصر معك. بعد هذي الوصايا الثلاث توفى الأب وحتار الولد في وصايا ابوه . راح الولد وبنى له بيت في الشمال والجنوب والشرق والغرب المهم سوى مثل ماقال له ابوه وبنى بيت في كل ديرة. بعد كم شهر نوى الولد الزواج وكان في الديرة عجيز ولها بنت مزيونة مطلقة ولها ولد من زوجها الاول ويوم سمعت انه يبي الزواج جته وقامت تمدح في بنتها له وعن زينها لين اقنعته في الزواج من بنتها وفي نهاية تزوج الولد بنت العجيز المطلقة . وبعد كم سنه قالت العجيز لبنتها يابنتى افطنى في العلم الى اقوله لكِ انا مازوجتك الرجل هذا إلا طمع في ماله وبيكِ تتسلطين عليه وتحفظين كل ماله لولدك كل ماجاب مال من تجارتة تاخذينها منه و تحفظينها لولدك بنيتى يابنتي لا تنسين ولدك قالت البنت ابشري يمه. مرت السنين وكل ماجاب الولد مال وربح من تجارته اخذتها زوجته وحجتها انها تبي تحفظ ماله وسوت الزوجة خزانة في ركن المجلس وبنت عليها تكنز فيها الاموال وهو مايعرف عن الخزانة شي . مرت السنين والولد احواله المالية صارت تعبانة وراح وباع بيته الى في الشمال ويوم جاب فلوس البيت اخذته منه زوجته مثل العادة وتكنزه في الخزانة وتعطي زوجها قدر يسير من المال يتصرف فيه . انتهت السنة ورجع الوضع على ماكان راح الولد وباع بيته الى في الجنوب وعلى هذي الحال الين باع كل مايملك من بيوت وزوجته تاخذ منة وتكنز في هالخزانة وكل ماسألها زوجها وين المال الى اعطيتك اياه تعذرت انها صرفته في لاوازم البيت . مرت السنة وطلع الولد ماعنده مايملك شي من مال وتذكر وصيةابوه يوم يقول اذا احتجت شي وضاقت عليك الدنيا عليك بصحيبي فلان. ويوم من الايام بلغ الولد زوجته وقال لها انا مسافر ادور رزق الله شد على مطيته وحط زهابه عليها وسافر لديرة صحيب ابوه. ويوم وصل ديرة صحيب ابوه قلط عنده وقال انا ولد هاك الرجال وابوي يطلبك الحل توفى وقبل وفاته وصاني بثلاث وصايا. الاولى قال لي ابن لك بيت في كل ديرة والثانية ام البنتى وام الكنتى وام المسمار الى ينتى لا تزوجها والثالثة لا تخون من آمنك لو كان خاين وسويت مثل ماقال لي ابوي بنيت لي بيت في كل ديرة وتزوجت حرمة مطلقة ولها ولد وبعد زواجي منها تغيرت احولي المادية وصرت بعد كم سنة ماملك شي وجيتك انا ومالى الا الله ثم انت. قال صحيب ابوه: هلا فيك وحياك الله والله يرحم ابوك عزالله نعم الصاحب لكن وش لي اذا رديت مالك لك قال الولد: والله لصير ولد لك طول حياتي قام صحيب ابوه ونادى بناته الخمس وقال للولد اختر من هن وحدة زوجتن لك. اختار الولد وحدة منهن . قال صحيب ابوه: اللهم انى وهبتها لك ( كلمة كانت تقوم مكان عقد النكاح ) وقال له ابيك تحفظ الي بقوله لك ابيك ترجع لديرتك انت وزوجتك واذا سالتك زوجتك وش جبت من سفرتك من مال قل لها ماجبت الا هذي العبدة الخادمة الصماء البكماء. ونتى يابنيتى قالت بنته:سم يبه روحى واضربي جسدك بالفحم لين يصير لونه اسود وبيك اذا وصلتم بيت زوجك لا تكلمين ولا كلمة على انك صماء بكماء وابيكِ تسمعين وش تقول زوجة زوجك من كلام في غيابه وتخبرين بها زوجك اذا رجع. قالت البنت :ابشر يبه. قال صحيب ابوه: ونت ياولدي امانة الله وامانتك لا تكشف ستر بنتى ( المقصود بة الجماع ) لين ترجعون قال الولد :ابشر ياعمى سافر الولد هو زوجته يم ديرته ويوم وصل بيته قابلته زوجته وقالت له:بشرعساك في طرقتك جبت لنا مال قال الولد: لا والله ماجبت من عند صحيب ابوي الا هذي العبدة الصماء البكماء ابيها تخدم لنا قالت زوجتة:وحنى عندنا شي ناكله عشان نصرف على هذي الخادمة قال الولد:الشكوة لله هذا الي حصلته في طرقتى( رحلته) المهم صارت الخادمة كل شي تقوله زوجة عمها من كلام لمها اتخبر به عمها الى هو في الاصل زوجها . ويوم من الايام جت العجيز ام زوجة الولد لبنتها وقالت لها يابنيتى المال كله انتى كانزته في الخزانه الى في ركن المجلس لولدك ورجلك مايملك شي ولا نستفيد منه شي ابيكِ تطلبين الطلاق منه عسى انة يطلقكِ وتقولي له انت ماتملك شي يالفقير تصرف علينا وذا طلقكِ زوجتك زوجك الاول صار ميسور الحال والخادمة جالسة جنبهن تسمع وش يقولون. المهم يوم جا تالي الليل راحت الخدامة يم عمها( زوجها) وقالت له كل السالفة قال الحين عرفت وين ضاع كل مالى . يوم اصبح الصبح جت زوجته يمه تشتكي الحالة والفقر وتطلب منه الطلاق قال لها زوجها ماعندي الا ابيع البيت واليوم العصر ابجيب الدلال وابيع البيت راحت الزوجة وبلغت امها العجيز وقالت لها يايمه زوجى يبي يبيع البيت والبيت كانزه المال فيه لولدي تصرفي لا يفوتكم البيت قالت امها: ابشري ابروح يم زوجك الاول اخليه يحضر المزاد على البيت عشان يشتريه راحت العجيز يم زوج بنتها الاول وقالت له: يابو فلان زوج بنتى يبي يبيع البيت والبيت بنتى كانزه المال فيه لولدك لا يفوتك البيت زود فيه لين تشتريه تكفى يابو فلان قال : ابزود في البيت لين اشتريه المهم يوم جا العصر وحضر الدلال يبيع البيت حضر الولد وتجار الديرة وحضر زوج بنت العجيز الاول بدا المزاد وكل مازودا تجار الديرة زود عليهم زوج بنت العجيز الاول لين وقف البيت علية وشراه قال الولد : عندي شرط وهو ماسلمه البيت الا بعد ثلاث ايام لين احصل بيت ثاني اسكن فيه قال المشتري( زوج زوجتة الاول) :مايخالف . رجع الولد للبيت وطلق زوجته وطردها يم بيت امها وراح ودخل المجلس وكسر ركن المجلس ويوم كسره حصل الجنيهات والفلوس والذهب مكنوز فيه قال لزوجتة( الخادمة) :عطينى خيشة اشيل فيها المال قالت زوجته:ابشر المهم اخذ الولد المال كله الى في الخزانة وحمل الولد على المطية وشال المال عليها وقفل البيت وراح يم الدلال وقال يافلان خذ مفاتيح البيت عطها المشتري ونا ترى لقيت بيت في جنوب الديرة وسرى الولد هو وزوجته من الديرة متوجهين يم عمه يوم جا الصبح ودخل المشتري( زوج بنت العجيز الاول) هو والعجيز وبنتها وولدها البيت حصلوا المال الى فيه كله ماخوذ وصاحب البيت مايدرون وين راح اختفى من الديرة. المهم يوم مشوا الولد وزوجته حوالى ثلاث ايام بالياليها ومروا غديرا مليان ماء نزل الولد عن مطيته وبركها وقام وشب ناره وسوا قهوته وراحت زوجته يم الغدير وتسبحت فيه ونظفت ماعليها من فحم وصارت مثل قمر اربعطعش وجت تمشي لين جلست عند زوجها. وقالت له: انا زوجتك رحت معك وجيت وماعطيتنى حق من حقوقي عليك قال زوجها يابنت الحلال ابوكِ قال لى امانة الله ثم امانتك لا تكشف سترها من يوم تروح لين ترجع. قالت له: والله اذا ماتعطينى هذا الحق انى ماعيش معك طول حياتي قال زوجها: الشكوة لله المهم يوم وصلوا ديرة عمه قال عمه: من طول الغيبات جاب الغنايم قال الولد: ابشر ياعمي بالغنايم والمال والحلال كله قال عمه: بشر عساك ماكشفت ستر زوجتك قال الولد: لاولله ياعمى هي الى غصبتنى على نفسها امس قال عمه: ياخاين الامانة قم ياصبى دخل يده مع فتحة الجدار هذا ورح من الجهة الثانية واقطع يده يوم دخل الولد يده مع فتحة الجدار جت زوجته وطلعت يد زوجها ودخلت يدها مكان يده وقالت: يابوي لو قطعت يده كيف تبيه ياكلنى ويصرف علي. قال ابوها: شفت ياولدي انت مامسكت من وصايا ابوك شي يوم يقول: ابن لك بيت في كل ديرة قصدة معرفة الرجال تعرف على الرجال الطيبة في كل ديرة تحتاجهم ويوم يقول: ام البنتي وام الكنتي وام المسمار الي ينتي لاتزوجها قصدة لاتزوج الى لها بنت من زوجها الاول وكل شوي رايحه يم بنتها تمشط شعرها او تفقد احوالها ولا تزوج ام الكنتى الى تزوجت واحد قبلك وكل شوي تعايرك وتقول لك لو كنت مثل فلان فلان كان يسوي كذا وكذا وام المسمار الي يانتي لاتزوج الى لها ولد وكل حلالك تحفظه لولدها عليك بالبكر الى قلبها على قلبلك وانت شفت بنتى وش سوت لجلك اما قول ابوك: لا تخون من امنك لو كانا خاين وانت خنتنى يوم قلت لك لا تكشف ستر بنتى لكن تراك مسامح ياولدي مدام حلالك رجع لك ون شالله تكون استفدت..... منقوله ...من مفضلتي أبن مصاول وتوته توته خلصت الحدوته |
رد : مجلس أبن مصاول ....للجميع أرحبووووووووووووو
يسلموو اخوي ابن مصاول على الحدوته بصراحه تهبل وكلها حكم اختك ,, الـــريـــم |
رد : مجلس أبن مصاول ....للجميع أرحبووووووووووووو
اختنا الريم لا شكر على واجب أختي العزيزه.....وأن شاء الله تكون الحدوته سلتكم <<<هذا هو اهم شئ ثم ياتي بعدها إستخراج العبرة منها..
ابن مصاول |
رد : مجلس أبن مصاول ....للجميع أرحبووووووووووووو
يازين سوالفك يا أبو ضيف الله والله أنها مونسه ومفيده في نفس الوقت لا عدمناك يا ولد العم .
من لامني في معزت واحدٍ غالي = عساه ما يهتني زاده ومشروبه أخوك أبن مدلج1 هذا ابن عمٍ عزيز ومنزله عالي = وقدره بصدري كبير وزاد محسوبه في رفقته ما نطاوع كل عذالي = لو المقاريد قالو فيه وحطوبه لا يابن مصاول عسى تفداك الأنذالي = الي ليا حل طاريهم على الكوبه تكرم ويكرم عريب الجد والخالي = عن موقع النذل يالطيب وماجوبه ( أبو مقرن ) |
رد : مجلس أبن مصاول ....للجميع أرحبووووووووووووو
اقتباس:
زانت ايامك يا ابو مقرن وشرف لي مرورك في مجلسنا وصح لسانك ياغالي والقلوب شواهد :049: وقصيدة رائعه وما قصرت فيما قلته في شخصي البسيط.... وآسف لعدم تمكني من الرد في وقت مبكر لإرتباطي بأعمال الصيانةالمختلفة في مناطقنا البتروليه في حرض ثم وعكة صحيه ولم أرى ما كتبت هنا إلا اليوم وقد جاريتك بهذه الأبيات:
بديت باسم اللي عليم بالأحوالي=الواحد اللي جميع الخلق رضيوبه رب كريمٍ أو سامع كل الأقوالي=وماغيره احد عباده قد تجرو به ومن بعد ذا شفت انا منظوم يحلالي =من ولد عم بنات الريح مركوبه أستاذ عرفٍ وللتاريخ حمالي=ومن صافي الشعر يحلا كل مكتوبه من وارد الفكر جابه مثل همالي=ويشرب من العد اليا من طاب مشروبه واليوم زانت لي الفكره ولا بالي=من بعد شفت المعاني زين مصبوبه مليت من راس فكري وسط فنجالي=من دلة توها صفرا ومربوبه وسندتها لبن مدلج مزبن الجالي=له مع هل الطيب منزال وتجروبه وأشكي له الهم الأول هو مع التالي=والصحبه السيئه ماهي بمرغوبه ولاهمنا كثر ماجانا من أخبالي=مادام خطواتهم عوجا ومعطوبه ومادام عندي رجال تهد الأجبالي=مثلك وشرواك ...تنام النفس مطروبه عسى الاعادي يجي من فوقهم جالي=حتى نشوف البقايا جرد محطوبه وسلامتكم واعذروني على التقصير أبن مصاول |
رد : مجلس أبن مصاول ....للجميع أرحبووووووووووووو
اقتباس:
أما الوعكه الصحيه التي ألمة بك فلم أعلم عنها ونقول لك الحمدلله على السلامه وعسى هلوجه ما يشوف مكروه . وصح لسانك على هذا الرد الجميل يا وافي في كل الخصال . أخوك أبن مدلج1 ( أبو مقرن ) |
رد : مجلس أبن مصاول ....للجميع أرحبووووووووووووو
ماتشوف شر يابن مصاول
منول ناوي افطر عندك ه الليله في مجلسك في محاسن ارامكو حسب من نقلي المعلومه بأنك هناك0 ولكن خيرها بغيرها والجايات كثر من الرايحات |
رد : مجلس أبن مصاول ....للجميع أرحبووووووووووووو
اقتباس:
وشرفني مرورك أخوك ابوضيف الله |
رد : مجلس أبن مصاول ....للجميع أرحبووووووووووووو
اقتباس:
الشر ما يجيك ياراع البل وسرني مرورك وتعليقك الجميل والله يحييك في (محاسن أرامكو) يا غالي في أي وقت وانت بس قلنا متى تشريفك لنا وستجدنا في أستقبالك هناك.. أخوك ابو ضيف الله (حرض) |
رد : مجلس أبن مصاول ....للجميع أرحبووووووووووووو
اليوم جايب لكم سالفه والحكمه في نهايتها ....منقوله
كان ياما كان وفي سالف العصر والأوان حيث الصرقعه والجنان وقمة الزحفان في صبحية العرس قام العريس قبل العروسة ودخل إلى المطبخ وحضر ما لذ وطاب من الطعام مستخدما أفخر الأواني وأغلاها ثم ذهب وصحى زوجته ولم يسمح لها بمغادرة السرير لتذهب إلى المطبخ وتتناول الفطور بل أحضر لها الفطور إلى السرير وبعد أن تناولت الفطور لم يسمح لها بمغادرة السرير لتذهب إلى الحمام لتغسل يديها بل أحضر لها الماء والصابون إلى السرير ثم قال لها ما رأيك حبيبتي أن نشرب فنجان قهوة في غرفة الجلوس فوافقت وبالطبع لم يسمح لها بأن تحضر القهوة بل حضرها بنفسه ثم جلس يغازلها فقال لها : ما رأيك حبيبتي هل أعجبك هذا البرنامج ؟ فأجابت : طبعا هذه هي الحياة الزوجية والا بلاش فقال لها : حسنا بما أنها أعجبتك عليك كل يوم ان تطبقي كل ما رايته... ههههههههههههههههه وش رأيكم؟؟ أبن مصاول |
رد : مجلس أبن مصاول ....للجميع أرحبووووووووووووو
قمه في التوجيه السليم وتعليم مهذب للغايه يالله لا تغير عليهم .
شكراً يا أبن مصاول على هالحدوته . تقبل مروري أبن مدلج1 أبو مقرن |
رد : مجلس أبن مصاول ....للجميع أرحبووووووووووووو
اقتباس:
تحياتي لك أبن مصاول:اللهم اني مفطر :z032: |
رد : مجلس أبن مصاول ....للجميع أرحبووووووووووووو
http://www.3rbe.com/vb/upload/11/8787_1169798287.gif حبيت يكون لي مشاركه في مجلس ابن مصاول مالقيت احلى من ابداع المتألق دائما حامد زيد ونقلت احدى قصائده ,, قرم وفقير ,, منـك العـذر وعـلـي المـعـذرة لاتحسب حساب هجـر ولا هجيـر كـل ذنــب بتذنـبـه بستغـفـره واحـد مايعـذرك مافـيـه خـيـر دور بصـدري وطـن واستعمـره عندك مـن الضلـع الأول للأخيـر عيش فينـي ودمـر اللـي تدمـره واعتذر لي واعتبـر سـرك فبيـر لاتبشـرنـي بـجـرح وتـذخـره لاتعشمنـي بـحـزن وتستخـيـر ولاتنومـنـي بلـيـل وتـسـهـره ولاتنـام الا ونـا جفنـي سهـيـر خلنـي مثـل النـجـوم مبعـثـره عيـش فينـي لاشهيـق ولا زفيـر لاتقـول العفـو عـنـد المـقـدرة خل قلبك صلـب وحسابـك عسيـر المسـامـح والـزعـل للمـبـزره والا أنا لانـي زعـول ولا صغيـر ودي أدري كيـف للحـزن أثمـره ودي أقطف مـن قساوتـك العبيـر ودي أجفـل مـن فراقـك وأحـذره ودي أعرف لو فقدتـك وش يصيـر لو تقدر خاطـري صـدق أكسـره لـو صحيـح تحبنـي لاتستشـيـر أزرع بقلبـي سـبـب يستنـفـره أثبت أنك غيـر وأن النـاس غيـر شاعـرك ماكـل بنـت تجرجـره حارت بـه عقـول نـاس ماتحيـر النسـاء ماحركـن فيـه اشـعـره ثـار عشـق ومالقـى شـي يثيـر أن سكـت كـن الوقـار بمنـبـره وأن تكلـم زمهـريـر بزمهـريـر مايحضـر الا القلـوب مجمـهـره ومايغيـب الا وعشـاقـه كثـيـر أن هجرتـه تستـقـر بمحـجـره وأن تبعت رضـاه ماعينـت خيـر اسكنـه لكـن بـعـد ماتهـجـره ابتسـم لـه بـس لاشفتـه كسيـر حـن لكـن حـن لاجبـت اخبـره حـب لكـن خـل حبـك بالأخيـر لو عطيته وجهك أعطـاك اظهـره صد عنه ويتبعـك مثـل الضريـر لاتـحـاول تكسـبـه ماتخـسـره صير ثلج يصير لك مثـل السعيـر ماتميـل الا الغـصـون المثـمـره ومايسيل من الجـروح الا الغزيـر من قبـل لاتنقهـر منهـى أقهـره قبـل لايستحقـرك خلـك حقـيـر استفزه،شتـتـه، فــج انـحـره اعشق،أكره،عاتب،أشره،حن،غيـر أنثـره ،لملمـه ، لملمـه ، أنثـره صد ،كابر، طير لـو تقـدر تطيـر مـن متـى ونـا تحرالـي مــره تثبت أنـي لاوقعـت أوقـع كبيـر أبك أنا مقطوع من غصن اشجـره لاصديـق ولارفيـق ولا عشـيـر ابـدوي شيـب الصبـر اشـعـره ماعرف ريش النعـام ولا الحريـر أن غفـا كـن السحـاب يـدثـره وان صحا يفرش من الرمضا حصير ماخـذ مـن قسـوة البيـد أكثـره ومن شموخ البـدو شـر مستطيـر جنتـه صحـراه والشـوك أزهـره والسـراب بنظرتـه مثـل الغديـر أن فـزع يامشجـعـه يامظـفـره من خلـق الله وهـو قـرم وفقيـر كـان ماتقـدره قــول ماتـقـدره صير غالـي صـدق ولاا لاتصيـر الغـلا اللـي ماتزعزعـه اهجـره كـان قلبـك لايجـار ولا يجـيـر شوف لـك واحـد بليـد استحقـره واجد اللـي يعشقـون بـلا ضميـر بس أنا لو جبـت لـي ميـة مـره ماتحـرك فـي شعـره لـو تطيـر واتمنى انها تعجبكم مثل ما اعجبتني اختكم ,, الـــريـــــم |
رد : مجلس أبن مصاول ....للجميع أرحبووووووووووووو
أبداع الشاعر الكبير حامد زيد لن يتوقف أحد أمامه بدون ان يمطره بسيل من التصفيق تلج له جنبات مجلس أبن مصاول كيف لا وهو منقول بيد مراقبتنا المبدعه دائماً وأبداً (الريم) ....
ماتميـل الا الغـصـون المثـمـره=ومايسيل من الجـروح الا الغزيـر
وإن من الشعر لحكمه ...فأشكر المبدعه الريم وصح لسان حامد زيد أبن مصاول |
رد : مجلس أبن مصاول ....للجميع أرحبووووووووووووو
تسلم اخوي ابن مصاول بس انا ما اقدر اوقف عند ابداعاتك المثمره دائماا انا الي اشكرك لاني بصراحه من خلال مشاراكتك ضفت لي الكثير واتمنى ان تقبل شكري اختك ,, الــريــم |
رد : مجلس أبن مصاول ....للجميع أرحبووووووووووووو
:013: >>>>>>>>>>>>
مستعجله وعند الباب ..وماعاد أدخل عندك..............للصبر أخر.. زعلانه؟؟ لاكن اسمع ..الشاعر وش يقول: ذيبٍ عوى وأنا على صوته أجيب .. ومن ونتي جضت ضواري سباعه عز الله إني جاهل ٍ ما أعلم الغيب .. والغيب يعلم به حفيظ الوداعه يالله يا رزّاق عِكف المخاليب .. يا محصي خلقه ببحره وقاعه تفرج لمن صابه جروح ٍ معاطيب .. وقلبه من اللوعات غادٍ ولاعه إن ضاق صدري لذت فوق المصاليب .. مانيب من يشمت فعايل ذراعه :z07: حلا نجد |
رد : مجلس أبن مصاول ....للجميع أرحبووووووووووووو
اقتباس:
ثاني حاجه صح لسان الشيخ : شالح بن هدلان فقد أجاد بهذه القصيدة أيما أجاده... ثالث حاجه أستلمي الرد:
يقول ابن زراق شربه غثاريب=من يوم شفت أن الحلا به قطاعه أقول يابنت الرجال الأعاريب=والله ما نرضى بكم بالطماعه من القرابه او بعيد الأجانيب=حتى أيش لو هو من قريب الجماعه أيضاً ولا نرضى بكم كلمة العيب=ياغاليه قولي وأنت مطاعه ترى الزعل ماله بقلبي مناديب=أيضاً ولا له عندي أية قناعه!! المنتدى لا صار فيه الأصاحيب=يرتاح بالي ساعة بعد ساعه هاتي علومك يافتاة الأعاجيب=وفلي حجاجك وكتبي بإندفاعه أخوك ابن مصاول |
رد : مجلس أبن مصاول ....للجميع أرحبووووووووووووو
اقتباس:
تسلمين يا غاليه ونحن نستشف الإبداع من مداخلاتك الرائعه فلا تحرمينا من طلاتك الجميله..... اخوك ابن مصاول : آسف لتخطي الرد عليك ولكني ما انتبهت لأن الموضوع أصبح في صفحة جديده |
رد : مجلس أبن مصاول ....للجميع أرحبووووووووووووو
تغرق شهيد أرحم ولاتموت عطشان
طيحة شموخ ولاوقوف متمايل ودك أليا جيت فى كل ميدان لوماأنت الأول بالصفوف الأوائل قصيده لحامد زيد بأسم (كحيلان) رائعه كما عهدناك يا ام عرنان وقلب أبيض مثل لهطت القشطه على قولة المصاريه .....وتسلمين على هالرائعه يأم الروائع اخوك ابن مصاول |
رد : مجلس أبن مصاول ....للجميع أرحبووووووووووووو
:showoff: :0021:
قلبي مايطاوعني...........:003: وسمعوااااااااااااااا هذي القصيده الزينه بلحيل عندي ماأدري سامعين فيها ولا لا؟................... يقول الشاعر: أنا ليا منى بغيت أكسب أنسان أسعى له بكل السبل والوسايل أعرف كيف أرد الأحسان بإحسان وكيف أحصد بذور الفضايل فضايل أكسب عدو وأحرق به قلوب عدوان أشعل فتيله بس أطفى فتايل أن خفت ضعف أخاف من ضعف الإيمان وأن عفت حمل أعاف حمل الجمايل تغرق شهيد أرحم ولاتموت عطشان طيحة شموخ ولاوقوف متمايل ودك أليا جيت فى كل ميدان لوماأنت الأول بالصفوف الأوائل لاصرت تحلم أحلم تكون سلطان وإن جيت تقنع أقنع بحلم زايل وأنا كثر مالى من الناس خلان اللى صفولى بالشدايد قلايل شايف حسد قل شايف أشكال وألوان قابلت ظلم إلا لقيت الهوايل مرات ربك يرزقك خوة إنسان واحد ويسوى فى عيونك قبايل والوقت غربه وآخر الدرب عنوان والعمر رحله والتجارب رحايل .........اه اه ثم اه اه ه ه ((شايف حسد قل شايف أشكال وألوان قابلت ظلم إلا لقيت الهوايل )))):0012: :0012: حزينة نجد |
رد : مجلس أبن مصاول ....للجميع أرحبووووووووووووو
السلام يا أحباب اليوم جايب لكم سالفه وهي كما يقول راويها:
قصة قديمه جرت على شخص اسمة عبدالله بن مفرح الدوسري الملقب (بالشمالي)اصيب يوم بمرض الجدري ولزم الفراش حوالي شهرين وكانت ناقته اسمها( الهدية) قد حست بغياب صاحبها ودائماً تجيءيم بيت الشعر وترفع رواق البيت براسها وتطالعه وتحن وبعد مدة توفي صاحبها فصارت الناقة كل ماوردت تجيء الى البيت وتنهض الرواق براسها ولاتجده ثم تسري فسارت ابنته ساره تعقلها حتى لاتسري في الليل ومضى نصف شهر وهي " تهجرع"بالحنين وكان عندهم جاراسمه حصيبان وفي ليله من الليالي توقظ وهي "تهجرع" بالحنين عند مشب النار وهاضت قريحته بأبيات طويله من الشعرمنها يقول:
مل قلب هيضه حس الهديـه=هجرعت بالصوت من عقب الشمالي ياذلول القرم حمـاي الرديـــه=اصبـــري عقبـه علـى سقـم الليالـي ذكرت بالحب من عينه شقيه=ذاكـــــر فـــي نجــد خلان وغالـــــــي عقب فقده ما توالف للرعيـه=طرده ساره على روس المفالــي عزتـي للقرم حطولـه بنيـــه=عزتي للقــرم من قبر هيالــــي عادته بالكون يثنـي للرديــه=ينسم الحفيــات ريـــف للهزالــــي منقووول وسلامتكم قوله تهجرع أي تهجل على ما اظن مع أختلاف اللهجات بين النجديون واهل الجنوب أبن مصاول |
رد : مجلس أبن مصاول ....للجميع أرحبووووووووووووو
السلام على الأعضاء الكرام ومرحباً بكم في مجلس ابن مصاول واليوم جايب لكم أبيات نرددها دائماً ولا نعرفها بالتمام.....فلنتابع القصائد وقصتها...
**غازي وصالحة ** السلام عليكم ورحمة الله وبركاته كان هناك شاعرة تدعى ( صالحة العيسائيه العتيبيه ) ولها أخ يدعى ( غازي ) وكان شاباً وقد رأت عليه امارات العشق لفتاة ما , وكانت كثيراً ما تنهاه وتحذره من أن يقلد السفهاء , وتحثة على مكارم الأخلاق . وقد سمعته في أحد الأيام ينشد قائلاً
يامرحبا باللي على بيتنا مرْ = ردّ السلام ولا معى فيه حيلة يا مرحبا عدّت حصا ( كشب ) وأكثرْ = وعدت جراد ٍ طاير ٍ من مقيلة يا حلو زولة يوم لبس المشجر ْ= ياطى بمصبوب القدم في شليلة فلامته أخته صالحه بهذه الأبيات :
انهاك ياغازي عن الحب الأقشر= انهاك عن درب الهوى وتغدى له راع الهوى يا مال جوع المجدرْ= ترى الهوى ماهو خطاة الحليلة ترى الهوى حسك الوبر حلوة الدّرْ= ليا برّكن حيرانها بالسليله ترى الهوى رمح ٍ على حارك اشقر = اللى على الركاب يكسر شليلة ترى الهوى عزمه ركيب اذا مر = عن بيت خمع ٍ ما ينشط مقيلة خل الشحم والسمن للربع يكثر = مع منسف ٍ داف ٍ عليهم تشيلة من ضيننا والا فضين المتجر = عطهم ثمنهم نقد والا بحيلة ماهى بنت اللي نعوله لهن كر = اللى على متنه مدافق صميله المصدر : شاعرات من البادية تأليف / عبدالله بن محمد بن ردّادس الجزء الأول -- صفحه / 250 ابن مصاول: أرجو ان اكون أظفت وأفدت |
رد : مجلس أبن مصاول ....للجميع أرحبووووووووووووو
اليوم جايب لكم سالفة قصة المثل المشهور (دقه بدقه ولو زدت لزاد السقا)
قصتنا هى قصة أب أرسل ابنه في تجارة وأوصاه أن يحفظ عرض أخته ولم يفقه الابن وصية أبيه، وكان يأتي والده سقاء للماء ولم ير منه ما ينكر .. ويوماً فتحت له الفتاة الباب فلما وضع الماء التفت إليها وقبلها والوالد يطل عليها من الشرفة . فلما عاد الابن من سفره سأله الأب: ماذا فعلت في سفرك ؟! قال: بعت واشتريت!! فقاطعه الأب وقال : ما عن هذا سألتك!! فصارحه أنه وجد فتاةً في السوق فقبلها فقط . هنا أخبره الأب بقصة السقا مع أخته وقال له : دقة بدقة ولو زدت لزاد السقا . الغرض من القصة : لفت نظر العابث باعراض المسلمين دقة بدقة ولو زدت لزاد السقا . وسترى ما تفعله ببنات وأعراض المسلمين في أختك وزوجتك وقريبتك. فالجزاء من جنس العمل . أنتهى... ابن مصاول |
رد : مجلس أبن مصاول ....للجميع أرحبووووووووووووو
قصه جميله أخي أبن مصاول وهي بمثابة وعض في نفس الوقت نسئل الله العفوا والعافيه والصلاح لنا ولأولادنا والمسلمين اجمعين .
تقبل مروري أبن مدلج1 |
رد : مجلس أبن مصاول ....للجميع أرحبووووووووووووو
اقتباس:
ومرحباً الف بك في مجلسنا ولو كنا أفطرنا كان قمنا بالازم بس تعرف الناس صيام وفي النهار الواحد بس قاعد يترقب ولا يتذكر الإفطار إلا قرب الغروب....وكان اكلنا هالإفطار http://www.al-fateh.net/image/108/dinner.jpg وكان شربنا هالمهيله.. http://mh473.jeeran.com/DALLAH.jpg دمت بخير |
رد : مجلس أبن مصاول ....للجميع أرحبووووووووووووو
هذه قصيدة قد نضمتها اليوم وموجهها لأبو مقرن ...وهي تعبر عن نفسها آسف إن لم ترتقي الى ذائقتكم:
يقولون القلوب الخضر ما تقدر على المزيون=وانا مالومهم لا شافوا المزيون فزوله؟ يعين الله هواوي القلب من حبه غدا مجنون=وصويب الحب مايبرا مادام النفس مجبوله اليا شفت الغزال اللي تبسمها دلع وفنون=يطير العقل من راسي واقول العقل وشهو له؟ يلومون العواذل كل من هو فالهوى مسجون=وجعل من لامهم يصبح ومنه الروح معلوله تذكرنا يا أبو مقرن زمان الحب والمضنون=وليال كلها قمرا نعيش الحب بسهوله ترى حب الوفا.. ماهو محبة وسطها ملكون=وترى بعض الأحبه قلوبهم قشرا ومنقوله تشوف اللي يتسلى بالعذارى كاذب ملسون=قلوب حايره وسط الطريق ودوم مشلوله وأنا اليا صرت أبا أتخير أبا آخذ جادل مقرون=خشوف قد تعدى حسنها في مجمل الدوله اليا صارت خدودٍ حمر وزايدها بياض سنون= وعيون الترف لا ناظر سيوف الهند مسلوله ومع طول أرقبتها صوتٍ يشابه أصيل لحون=ومن زايد ترفها وسطها قد زادت حموله عمرها في بحر عشرين أبد مابيهم يزيدون=ومنطقها عسل صافي لذيذ الطعم ماكوله وأبوها شيخ قومٍ دايمٍ في جانبه مصيون=حصان من ظهور اللي على المظهور كزوله تنومس من عشقها وصار أهو في حبها مفتون=واليا صارت تسولف تنثر الأطياب من حوله ويصير القلب في حب العذاري دايم مرهون=على وضح النقا دايم... نردد دوم ونقوله هذا يوم اننا كنا نحب وحبنا مجنون=محبه ساكنه وسط الفؤاد بعرضه وطوله ومن بعد الزواج أصبح فؤادي ساكن مرهون=وجزنا من هوا الغيد الحسان وهذا ما قوله طبعاً القصيده من البحر الطويل على لحن: ألا واشيب عيني يوم قالوا لي فمان الله**تحققت انهم من بعد لاماهم مقفيني |
رد : مجلس أبن مصاول ....للجميع أرحبووووووووووووو
أخي أبن مصاول سوف أرد على قصيدتك في ما بعد لأنني لست منسجم لجو القصيد هذه اليومين والقصيده طويله وتبغالها تأني ورد يليق بقصيدتك الرائعه أقبل عذري وحترامي لك ،،،
أخوك أبن مدلج1 |
رد : مجلس أبن مصاول ....للجميع أرحبووووووووووووو
أخي أبن مصاول أقبل مني هذه الهدية لمجلسك العامر بسم الله الرحمن الريحم ( قال لا تبيع رخيص قال لا توصي حريص ) هذه حكاية مثل دارج مع الناس وأغلبهم لا يعلم ما معناه فتعالوا معي لنتعرف على هذا المثل يحكى أنه قد مر ملك من ملوك الزمان ومعه وزيره في ذات يوم يتفقدان شؤن الرعيه في أحد المدن التابعه لهم وقد مر بهم ( سقاء ) ينقل صفيحتين مملوئتين بالماء بعصاً قد وضعها على كتفه والماء يتدفق منهن على جسده في عز البرد وجسمه يرتجف من شدة البروده وكانت هذه هي وسيلته لكسب لقمة العيش له ولابناءه طول أشهر السنه وكل سنه فشاهده الملك وهوا يسير أمامه في الطريق فاستوقفه وسأله وقال له لما رأى حاله . سته ما تكفي عن سته قال السقاء لا ما تكفي قال الملك لماذا قال السقاء أدين دين وأخلص دين وأرمي في بحر قال الملك لا تبيع رخيص قال السقاء لا توصي حريص .فمضى السقاء في طريقه فالتفت الوزير إلى الملك وقال له ماذا دار بينك وبين السقاء أخبرني أنني لم أفهم شيء قال الملك كيف لم تفهم شيء وأنت وزير الدولة والسقاء الفقير المسكين قد فهم كل ما قلت على نحو ما سمعته بيني وبينه فهدده وقال أذهب إلى يوم غداً ثم أرجع الي بحل قصة السقاء وإذا لم تأتي بحلها فأنني سوف أفصلك من الوزارة وأضعه في محلك فذهب الوزير ولم يجد وسيله إلا ان سئل عن السقاء حتى وجده وصارحه بالأمر وقال له انه مهددني بالفصل إذا لم أتيه بحل معاني الكلام الذي دار بينك وبين الملك فطلب عليه السقاء أجرة الحل فاعطاه الوزير الاجرة التي أغنت السقاء عن مهنته السقايه طوال حياته . أرجو من أخواني أعطائي رأيهم في هذه القصة وتفسير كلام الملك والسقاء الذي دار بينهم علماً انني أعرف حل هذه المسئلة وشكراً لكم ،،، أبن مدلج |
رد : مجلس أبن مصاول ....للجميع أرحبووووووووووووو
|
رد : مجلس أبن مصاول ....للجميع أرحبووووووووووووو
اقتباس:
حياك الله اختي دلوعة المهد وقد رديت على هذا الموضوع بإسهاب في هذا الموضوع http://www.almizany.com/showthread.php?t=1702 أبن مصاول |
رد : مجلس أبن مصاول ....للجميع أرحبووووووووووووو
اقتباس:
|
رد : مجلس أبن مصاول ....للجميع أرحبووووووووووووو
الإجابة على سالفة أبن مدلج1
1-سته ما تكفي عن سته: هنا يقصد فصل البرد وفصل الحراره(شتاء وربيع)(صيف وخريف) قال السقاء لا ما تكفي!! قال الملك لماذا؟ 2- قال السقاء :أدين دين؟ الإجابة(أولاده الصغار ) 3- وأخلص دين؟ الإجابة (امه وأبيه) 4- وأرمي في بحر؟ الإجابة (يقصد ما يصرفه على زوجته) 5- قال الملك: لا تبيع رخيص!!الإجابة(بهذه العبارة يقصد ان حرسه سيذهبون ليستدرجون السقاء أن يعطيهم الحل فالملك هنا ينبهه أن لا يقول لهم الحل إلا بسعر غالي. -6قال السقاء: لا توصي حريص .الإجابة (مفهومه ولا تحتاج الى شرح) أبن مصاول |
رد : مجلس أبن مصاول ....للجميع أرحبووووووووووووو
:z047: سلام ياربع وش اخباركم؟؟؟؟؟؟؟؟؟؟؟؟؟
ياسلام القصايد بين الخوان وحنا...........فراغ؟؟؟:ranting: ياحليلك يابن مصاول بس تكتب القصايد الحلوه لخوك ابن مدلج..... المهم انا اهديكم هذه القصيده......... الاياقلب لاتشره عليه ولي متى غيره ؟ يغيب براحته خله يروح بعالم النسيان كفاك تدور أعذار لغيابه فضها ســــــيره تماديت بغلاه ومن تمادى بالغلا خسران ابد مافيه بالدنيا بشر يستاهلك غــــيره يغيب ولارجع ماكنك الا العاااااشق الولهان انا ماقول لاماقول منت بشايف (ن) خيره وانا ماني بقايل صاحبك وافي ولاخــــوان يقولون القمر لاغاب يضويله على ديــره وانا اقول الحبيب ان غاب يضويله على خلان اجل شسباب هاالغيبه وابي شسباب تأخيره وابي ليه الجفا ياقلب وانت بغيبته حيران شهر واكثر ولاطرش عن غيابه معاذيره ياليته لوتعذر بالظروف ولا يمه غلطان تعبت ولاطراله يتصل قل علها خــيره وش انت متعب (ن) حالك على واحد قليل احسان يجي ميت وله لامن شكا وقته وتعزيره وإذا قفى على وجهه حبيبك " ناقة عريمان " اقول انه موالف له بشر خلاك تقزيره؟ واقول انك على هامش حياته مابقى لك شان مع اللي ماله سبوق اتركه شف واحد(ن) غيره وانا شوري عليك تلحًقه في سبعة الشيطان ذبحك الطيب ياقلب تعذب من مقاديره يعن كنك خفوقي خابرك ماتعرف النكران تقاضى لعنبو جــد الغلا ماتنفع الذيره ترى من لاتقاضى ياخفوقي هالزمن ينهان حبيب (ن) ماصفى لك طيع شوري بدل بغيره وانا شوري عليه تلَحقه في سبعة الشيطان للشاعر الكبير حمد السعيد اتمنى تحوز على رضاكم....... شكل ابن مصاول والمطران يبون يشنقوني.:z018: ((علشان القصيده لى اخوطلال...بس والله حلوه)) حلا نجد |
رد : مجلس أبن مصاول ....للجميع أرحبووووووووووووو
اقتباس:
يالله انك تحيي حلا نجد ...........مرحباً مليون في مليون ياغاليه ...مشتاقين يا قاطعه وين الغيبات؟؟؟؟؟ وحنا نشنق اللي يشنقك يا أم عرنان والقصيد الجميل جميل سواء من عدو أو صحيب وإنتقائك دائماً جميل اقتباس:
إبداعات...إبداعات...إبداعات...إبداعات...إبداعات... إبداعات...إبداعات... يا ام عرنان ..... أخوك ابن مصاول |
رد : مجلس أبن مصاول ....للجميع أرحبووووووووووووو
مساء الخير يالربع ويالربايع...وشلونك؟؟ عساكم طيبين؟؟؟
اليوم جايب لكم لغز طيب وهو: وسامحونا على كل حال .لاتستصعب السؤال تراااااه سهل جداًجداًجداً شغل تفكيرك شوي(( اجمع+,واطرح- )) شباب اذا حليتووه لكم جوووال وشمااغ البسام وخيشة رز ابو كـآس شغلوا لكم الآلة الحاسبة أول شيء يبي لك تفكير وورقه وقلم على شان تحسب ولاتحووس رااسك س/ بــــآص فيه 10 أشخـآص .. .. .. وصلوا عند المحطه الأولى وركب معاهم 3ركاب .. .. .. .. .. وصلوا لمحطه بعدها ونزلوا 7 ركاب .. .. .. .. .. .. .. .. .. .. .. .. وصلوا لمحطه غيرهاا وركب 44 راكب .. .. .. .. .. .. .. .. .. تمشو شوي ووقفوا عن محطه ونزل رااكب يشتري ببسي وضااع ونلزا اثنين من اهله يدورونه ومارجعوا .. .. ... .. .. .. .. .. .. .. .. .. تقدموا للمحطه اللي بعدها ركب 11 راكب .. .. .. .. .. .. .. .. .. .. .. .. تقدموا للمحطه اللي بعدها وركب 3 ركااب .. .. .. .. .. .. .. .. .. .. ووصلوا للمحطه اللي بعدها وركب 14 رااكب .. .. .. .. .. .. .. ... .. .. وبعدين وصلوا لمحطه نزل 19 راكب .. .. .. ... .. .. .. وتقدموا لمحطه غيرهاا وركب 22 راكب .. .. .. ... .. .. .. .. .. .. .. .. .. .. وتقدموا للمحطه اللي عقبهاا ونزل 3 ركااب .. .. .. .. .. .. .. .. .. .. .. ووصلوا لمحطه ولقوا ابو الببسي اللي ضااع والاثنين اللي انلزوا يدورونه .. .. .. .. .. .. .. .. .. .. .. وصلوا لمحطه بعدها ونزل 4 ركااب .. .. .. .. .. .. .. .. .. .. .. .. تقدموا شوي ركب 13 رااكب .. .. .. .. .. .. .. .. .. .. .. تقدموا بعد شوي نزل 7 ركاب .. .. .. .. .. .. .. .. .. .. .. تقدمو بضع دقايق وركب 14 رااكب .. .. .. .. .. .. .. .. .. .. .. عند آخر محطه نزل 11 رااكب .. .. .. .. .. .. .. .. .. .. ... السؤال يقووووووول .. .. .. .. .. .. .. .. .. وش أسم سوااق الباااص ؟؟؟؟؟؟؟؟؟؟ ؟؟؟؟؟؟ ؟؟؟ ؟ |
| الساعة الآن 07:46 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
