عسى من يلوم محمد الماجد ابن امطير=تكسر اضلوعه وان بغا جبر ما يلقا
على غير يوم ان البلا ما بعدها غير=غنوجن ترش القلب وتغرقه غرقا
تورطت في حب ابدويه وكيف اطير=ومن يارط ابحب البني يندرق درقا
درقني هواها والهواء مسمراً تسمير=على قلبي المجروح والجرح بي يرقا
على شانها ياهل الهواء طاوع التفكير=يسافر سفر غرب وسفر يمها شرقا
يدور الغلا والوود من بيننا تدوير=وهي ما تبي الفرقا وانا مقبل الفرقا
اصخر بيوت الشعر من حبها تصخير=واجر اللحن من حبها واطرقه طرقا
فداها العمر والعمر يمشي لها كالسير=بعد ما كوى قلبي الغلا ونحرق حرقا
غلاها غلا ماهو بأيت غلا تبحير=تبحر بصدري كنه السحب فالزرقا
ملكني جمال اعيونها ما بها تقصر=وملكني ثقيل العقل ابو صوت كالورقا
عزيزه على قلبي وهي من بنات امطير=واتسكن بجنب العرق غرباً من الملقا

المشاركة الأصلية كتبت بواسطة ابن مبلش (المشاركة 463985) صح لساااااااااااااانك يامحمد وعسى الله يحقق ماتتمناه في بنت مطير بس عندك البيت الثامن الشطر لاول خلها بدال (الغلاو-الغلا) والبيت التاسع الشطر الثاني(الزقا- كنها السحب الزرقا) تقبل تحياتي