ياهجوس الشعر عينيني بترجمة المشاعر=المشاعر مايفوح ندها الا ترجمتها
واعبري بي في بحور الشعر معبار البواخر=يوم تسبح والبحر مده وجزره من تحتها
حالف(ن)ما أخذ من بيوت الشعر غير النوادر=الفرائد هزلها أخليه وأخذ نادرتها
أتخير فالبيوت اللي تنومس كل شاعر=لوكانت غالية ترخص لاجات مناسبتها
ليه ما أرخصها وأنا في حفل حمران النواظر=الرجال اللي على البيداء تعلت منزلتها
رجلهم يوم السيوف الحدب ورهاف الخناجر=لاتعزوى يعزل الجمهاة من حد رقبتها
كاسبين النعم يوم(ن)الزمن قاسي وجاير=يوم بعض الناس تقصر عن هواها مرجلتها
أتشرف يوم أنا منهم وأغني وأتفاخر=ومن جهل يقرا الثلاث المعجزات وسالفتها
والفخر لمطير ربعي عزوتي ماضي وحاضر=كل ما عدت بخوت القوم متعلي بختها
والقبائل كلها بأمجادها من دون قاصر=كل قوم(ن)نارها فالوقت حية نومستها
وإكرمي من شان خاطر عين يا باقي الخواطر=كل عين صبيها مايعتلي فوق أجفنتها
حشمة للي يقودون السرايا والعشاير=الشيوخ اللي تبا تبطي الجزيرة ما نستها
مجدهم خلا لهم في نجد هيبة لن تغادر=لو تمر من السنين ألآف تبطي ما محتها
والحقيقة دعوة الطيب نسوق لها البشاير=وحشمته لو طالت العنوة علينا قربتها

صح لسانك يا بوفارس وعتلا شانك وقصيده جزله من شاعراً جزل

أي نقل تتكلم عنه أخوي عيد وهل تعرف صاحب القصيده

لـو تمـر مـن السنيـن ألآف مـا محتهـا

المشاركة الأصلية كتبت بواسطة عبدالرحمن بن غلاب الميزاني (المشاركة 231092) صح لسانك يالبناخي وبيض الله وجهك وهذي ما تكفينا منك نطمح بالمزيد يابو فارس ارجو اعادة النظر في هذا الشطر يمكن سقط منه شئ املائي

المشاركة الأصلية كتبت بواسطة الطويل (المشاركة 231441) صح لسانك يابو فارس على هذه القصيده الجزله . ولاتحرمنا من جديدك يالغالي..

المشاركة الأصلية كتبت بواسطة أبن مصاول (المشاركة 231921) صح لسانك يا أبو فارس وحمران النواظر يستاهلون كل المدح ويحرون به بلا نقص في القبائل الأخرى فكل قبيلة فيها حقها من الطيب..

والقبائل كلهـا بأمجادهـا مـن دون قاصـر=كل قوم(ن)نارهـا فالوقـت حيـة نومستهـا

المشاركة الأصلية كتبت بواسطة علي حميدان الدجيما (المشاركة 232533) الله لايهينك ياعايض على هالقصيده الجزله تحياتي وتقديري لك يالحريص

الشاعر اللي مثل علي الدجيما=شهادته تبقى على صدري وسام

المشاركة الأصلية كتبت بواسطة عايض الحريص (المشاركة 231032) أتشرف يوم أنا منهم وأغني وأتفاخر=ومن جهل يقرا الثلاث المعجزات وسالفتها والفخر لمطير ربعي عزوتي ماضي وحاضر=كل ما عدت بخوت القوم متعلي بختها والقبائل كلها بأمجادها من دون قاصر=كل قوم(ن)نارها فالوقت حية نومستها