راكب اللي لاأشتغل تالي الليل وسرى=منوة اللي قلبه من الهوى ماهو خلي
جيب لكزس كامل اوصاف مركوب اومرى=ماصنعوله فالمواتر شبيه ولاحلي
لؤلؤي اللون صنّع على يدين إخبرى=والمراتب بيج من جلد ماهي مخملي
فزته لافزّ مع قار والإ مع ثرى=كنها فزت من الطيب ابن عادي علي
ليا نخاه اللي من الهم حاربه الكرى=ودق صدره له وقال ابشر إنه ينجلي
وإن مشى كن المواتر معه ترجع ورى=والله الوالي يحفظه ولاغيره ولي
وإن وقف ميقاف شيخٍ على العليا ظرى=من هل الطالات وأهل المقام المعتلي
اشهد إن اللي شرى مثل هذا إنه شرى=وأنصحه لايفكر يبيع لو إنه غلي
خل عين اللي يعزك ويفرح لك ترى=وخل كبد اللي يعاديك تطبخ وتغلي
ودي آصل ديرة اللي على بالي طرى=غالي(ن) زعلان ويقول ياكبر إزعلي
وشوف جرحك عقب صدك بيبطي مابرى=وانت غالي في حياتي واعدّك من هلي
ياحسيّن الطبع والله ورب ام القرى=ماني بمجبور للحلف واسمع مايلي
والله إن قلبي وقلبك يامحبوب إخشرى=بالغلا لو نار فرقاك تصلاني صلي
ولاتعاتبني وحاول تناسى اللي جرى=لاحقين عتاب بعدين والمخرج ملي

المشاركة الأصلية كتبت بواسطة االوتين (المشاركة 452231) صح السان شاعرها يعطيك الف عافيه على نقلك اخوي

المشاركة الأصلية كتبت بواسطة ولدالدويلة (المشاركة 452288) صح لسانك وبيض الله جهك ويعطيك قصيده في قمة الروعه

المشاركة الأصلية كتبت بواسطة عنود الصيد (المشاركة 452301) صح لسان الشاعر ويعطيك العافية اخوي فائز

المشاركة الأصلية كتبت بواسطة الفارس (المشاركة 453738) صح لسان الشاعر وبيض الله وجهك على النقل واللكز موتر ما يركبه غير الشيوخ