الرفيق اللي ثلاث شهور متغير علينا = مايكلمنا ولايرسل لنا حتى رساله
والسبب مامن سبب والضيق الاقشر مبتلينا = اجذبوه بضيقهم يمكن عمامه يخواله
يحدى الامرين يما ضيق ولامايبينا = لاقيله ناس صحبتهم مثل شد الوكاله
علمينا يالليالي وش حصله علمينا = يزعل ويرضا بكيفه بس لايقطع وصاله
الله اكبر يالليالي ماعطتنا لوعطينا = كل رجالن تمشينه على كيفك لحاله
والله اكبر يالزمان اللي على الغيض يحدينا = يزعل الرجال لين يوسق الثاني عقاله
ثم بعنا بعد ذلك بالحسايف وشترينا = مثل ماقالوا شرا الرجال عله من حلاله
والله اكبر لو حد الايام ننسا ماكلينا = كان نكسر شوكة الضلوم وتموت العداله
ولو نحاول نغتني عن بعض الاشيا مغتنينا = الكرم والمرجله والوجه الابيض والشكاله
تلزم الرجال مهما كان ولا الخايبينا = لاتجملهم ولايلقون فالاربع جماله
والفقر اكبر مصيبه لرجال الطيبينا = كم رجالن يبا الطاله ومنكوبن ارياله
وياسلام الله على اللي حازها دنيا ودينا = يدقم الشارب على السنه ولا يحلق سباله
خاتم القرأن ومغيب رياض الصالحينا = يعبد المولى ومومن بالنبوه والرساله
والملوك اللي تسجل من يسار ومن يمينا = ماتسجل غير كلمة لاإله الا جلاله
والعطا مايعطي الا المعوزين المعسرينا = لين حتى تعطي اليمنى ولا تعلم شماله
والختام المسك والعنبر وكاد وياسمينا = والنقط فوق الحروف وكل حرفن في مجاله
والسؤال اللي يحير كل رجالن فطينا = التغير فالزمان الشين ولا في رجاله

ولونحاول نغتني عن بعض الاشيا مغتنينا
الكرم والمرجله والوجه الابيض والشكالـه
تلزم الرجال مهمـا كـان ولا الخايبينـا
لاتجملهـم ولايلقـون فالاربـع جمـالـه

صح لسانك يابوحسين
وبيض الله وجهك

بيض الله وجهك وصح لسانك يابو حسين

على هذه القصيدة الرائعة في هدفها وفي ألفاظها وفي جزالنها





الملكان يسجلان الخير والشر ( مايلفظ من قول إلا لديه رقيب عتيد )






بل التغير في الرجال وإلا الزمان على وضعه وقد أقسم الله به في قوله تعالى (والعصر ...) وهو الزمان والدهر ثم أخبر سبحانه

( إن الإنسان لفي خسر ) ثم استثنى سبحانه من ذلك ( إلا الذين ءامنوا وعملوا الصالحات وتواصوا بالحق وتواصوا بالصبر)

نسأل الله أن يجعلنا وإياكم وإخواننا المسلمين منهم ونهى النيي صلى الله عليه وسلم عن سب الدهر وهو الزمان فقال صلى الله عليه وسلم

< لاتسبوا الدهر فإن الله هو الدهر > أي المتصرف فيه

والدليل وجود الرجال المحافظين على الكرم والمرجله والوجه الابيض والشكاله وعلى رأسها الدين

صح لسانك يابوحسين وقصيده رائعه

تقبل اعجابي ولك فائق احترامي