الشاعر شعـوره مـن الله وهايـب=يجيه في حـزات ويغيـب حـزات
يطفي بجوف القلـب نـار اللهايـب=ويشفي جروح الصدر في كل الاوقات
وانا ليـا كثـرت علـي المصايـب=رفعت انا كفوفي لـرب السمـاوات
الله ماغيـر الله يـسـد الطـلايـب=اللي بامره يحيـي عظـام وارفـات
وياوقتي اللي شفت فيـك العجايـب=ومن هولها ايامك تلعثمـت باسكـات
الطفل يصبح من عنا الوقت شايـب=شاف اختلاف الناس عن كل مافـات
والظلم صار الظلـم بيـن القرايـب=كلن هجر خله على غيـر مشهـات
حتى الهوى خانته بعـض الحبايـب=ماكنهـم عاشـو بلحظـات لــذات
والبارحه جتنـي همومـي سرايـب=حتى رثيت الحال بابيـات وابيـات
وين انت عني ياهوى البـال غايـب=مرت ثلاث شهـور دون اتصـالات
عجل قبل نسكـن لحـود النصايـب=ونـوادع الحييـن نقبـل للامـوات
هذا هو شعـوري وهـذي طلايـب=مااظن في دنيـاي بعـدك سلامـات

-------------------------------------------------------------------------------- الله الله ياراشد كل مره تفاجئنا بنص ناري صح لسانك حتى ترضى ابيات قمه في الروعه

-------------------------------------------------------------------------------- صح لسسانك يابو مناور شاعر كبير وخبير جعلت حروفك تتحدث معنا بلغتك الخاصه لا هنت ولاهان منطوقك احترامي

-------------------------------------------------------------------------------- وانا ليـا كثـرت علـي المصايـب--- رفعت انا كفوفي لـرب السمـاوات الله ماغيـر الله يـسـد الطـلايـب--- اللي بامره يحيـي عظـام وارفـات اخوي راشد نص فريد من نوعه قوي في ابياته فعلا هكذا الشعراء الكبار اذا كتبو بداية القصيده فيها قمة التوكل على الله كما هو واضح في البيتين اعلاه اعجبتني كثيرا ومن ثم تناولت هجر القرايب ثم وجدك على الفراق جمعت بين هذه الامور وربطت بينها باسلوب جميل تجعل الذي يقراء القصيده يدخل باجوائها ويستمتع بمفرداتها حبكه شعريه وجزالة ابيات مع ملاحظه صغيره (هذا هو شعوري وهاذي طلايب) تكررت دمت بخير

ويــن انــت عـنـي يـاهـوى الـبـال غـايــب
..... مــــرت ثــــلاث شــهــور دون اتــصـــالات
عــجــل قــبــل نـسـكــن لــحــود الـنـصـايـب
..... ونــــــــوادع الــحــيــيـــن نـــقـــبـــل لــــلامـــــوات
هـــــذا هـــــو شــعـــوري وهــــــذي طـــلايـــب
...... مـااظــن فــــي دنــيــاي بــعــدك ســلامــات




الله الله
صح لسانك يا راشد العبداني
قصيدة تفيض شفافية ..
حتى بدت وكأنها حديث روح بين الشاعر وذاته ...