البارح العين مانامت ولاساعه=ضاقت بي الارض لو الله موسعها
واللي قهرني وزاد القلب بأوجاعه=من حاجة جات ماكنت متوقعها
اصدّق الناس واثر الناس خداعه=صحيح الأنذال ماتترك طبايعها
والنذل مهما حصل مايترك أطباعه=دائم اموره مع العالم يرقعها
والطيب بيرِ غميق مالها قاعه=تصدّر الناس مايبست منابعها
وياعنك من لا نشأ عمره على الطاعه=خسران في الدين والدنيا مضيعها

رد عليه الشاعر وعضو منتديات الموازين / الحميدي بن فارس الميزاني

ياسعود ماتعرف الرجّال واوضاعه=ماتعرف الناس لين أنك تسمعها
من لا يميز دخوله قبل مطلاعه=تصعب عليه الأمور ولا يجمعها
ترى الردي دائم المرقاع بكراعه=يحط رجله بحفره مايطلعها
يجيه يومِ يعض الكف واصباعه=يركض بدنياه لين انه يودعها
وان كان طماّع كل الناس طمّاعه=الناس وأرزاقها ربي موزعها
لكن تعوذ من الشيطان وأتباعه=وعلاقة ماتنومس روح وقطعها

صح السنتهم. الشاعر/ سعود بن مجاهد والشاعر والعضو القدير/الحميدي بن فارس على هالبيات التي تغنيك عن عشرة قصائد.الف شكر لك يالطويل . دائما تنقل ماهو جديد وجذاب ويلفت الانظار..........