ياهاجسي حضر من الفكر تعبير = طالبك حضرلي بيوتٍ جزيله

اباامــــدح الي له معزه وتقدير = الي نعده من رموز القبيله

ناصر ولد خالد زبون المخاسير = ليا ثقل حمل الليالي يشيله

شيخ ٍ ولد شيخٍ يقود الطوابير = يوم الليالي بين عدله وميله

جده وابوه اهل السيوف البواتير = عيال فاضي متعبين الاصيله

مامثلهم وقت اللقا والمقادير = شيوخنا الي كاسبين الجميله

وقفاتهم بالطيب تفرق عن الغير = وشبورهم يوم الملاقا طويله

من طيبهم قادو جموع الطوابير = وشداد بن مدلج براس الطويله

يوم الصباح ويوم وقت المظاهير = انــــتم لنا درعٍ يـــــذري نزيله

واليوم عم الامن والناس في خير = وانتم سوات الحصن يسلم دخيله

الطيب ماجاكم بجمع الدنانير = واهل الفضائل ما عطوكم فضيله

شئٍ مورث من جدودٍ مناعير = ووقــفــاتكم بالطيب ماهي قليله

واليوم يابو بدر ياشيخ ياامير = يالي على ربعك سوات المخيله

مالك وجاهك بالليال المعاسير = تســـوقهــــن لو المسافه طويله

عز الله انك شيخ مانته معيثير = وعز الله انك عز من تنتميله

عساك تسلم من سهوم المقادير = تعيش ياراع الفعول الجزيله

والطيب لو يهرج يناديك ياامير = يقول ابن مدلج ولا ابغا بديله

الي فتح بابه للأجناب ومطير = ومن ضدته سود الليالي يجيله

ناصر ولد خالد وهو ناصر الخير = في ذمتي هذا اللقب يستوي له

وختامها مني تحيه وتقــــــدير = للي كسب كل الصفات الفضيله

المشاركة الأصلية كتبت بواسطة راس الضلع (المشاركة 101838) يستاهل المدح ابو بــــدر واكثـــر مهما تكلمنا عن هذا الرجل فلن نوفيه حقه 1-طيبه متوارثه من الماضي العريق 2- كرم متأصل 3- لايترك مناسبه لربعه الا ويكون في مقدمتهم وهي صفه قل ما تجدها عند غيره 4- بشوش الوجه ودائماً تجد الابتسامه لا تفارق محياه.....................الخ اخي بن غلاب حاولت ان اقتبس بيت من قصيدتك لا اعلق عليها فاحترت فيما اقتبس فكل بيت اجمل من الاخر ، لقد اصبت في قصيدك هذه لهذا الرجل فهو يستاهل مع مرتبت الشرف 0