قلبي وطن شعبه هموم وغرابيل=وضلوعي الحدب النحاف احكمنه
في داخلي نزعه وسطو وبهاذيل=وأخشى النزاع وثورته يشلعنه
ودعت ويل وجيت مستقبلً ويل=لاقلت هانت عودً وصفقـنه
ثورت وطن ماتنشـرح بالتفاصيل=طول نزاعه وأرهب أنسـه وجنه
يعجز به الراوي عن الوصف ويهيل=مره شتا وأمـرار ملهاب كنه
والجرح مايبرى ولامن تساهيل=والأحتلال وصار مافيه منه
وأن هب غربيّ الهوى يطفح الكيل=فكري ذعاذيع الهـوى يمزعنه
أسبح مع الأفكار وأسـج وأميل=وروس الأصايل تحت حكم الأعنه
وشبيت من راس الفتيل القناديل=وحللت حمضه وأكتشفـت الأجنه
وغنيت بـأطيب ماتجيـب التماثيل=وحرب القصيد اقرع طبوله وأشنه
للي يجلس جيل ويقـوم له جيل=هذا وهو توه صغيرً بسنه
لو الجمال يسيل فا الأرض ليسيل=ويروي تراب الارض زينه وفنه
ماأظن لاشفت أريش العين ماأعيل=والحب لأ أهل الحب قوتً وسنه
تبغى الصراحه .. ودي بشي ماقيل=بس المهم أجمل قصيدي يجنه

المشاركة الأصلية كتبت بواسطة مجري خضر (المشاركة 295689) قلبي وطن شعبه هموم وغرابيل=وضلوعي الحدب النحاف احكمنه في داخلي نزعه وسطو وبهاذيل=وأخشى النزاع وثورته يشلعنه ودعت ويل وجيت مستقبلً ويل=لاقلت هانت عودً وصفقـنه ------------------=--------------------- وأن هب غربيّ الهوى يطفح الكيل=فكري ذعاذيع الهـوى يمزعنه أسبح مع الأفكار وأسـج وأميل=وروس الأصايل تحت حكم الأعنه وشبيت من راس الفتيل القناديل=وحللت حمضه وأكتشفـت الأجنه وغنيت بـأطيب ماتجيـب التماثيل=وحرب القصيد اقرع طبوله وأشنه للي يجلس جيل ويقـوم له جيل=هذا وهو توه صغيرً بسنه

بس المهم أجمـل قصيـدي يجنـه

قصيده في قمة الروووووووووووووعه
والابداع
صح لسانك أخوي
ألف شكر