منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر "أبن الشاعر" (http://www.almouazeen.com/forumdisplay.php?f=146)
-   -   جديدي . للهم ملفى كل ما غابت الشمس (http://www.almouazeen.com/showthread.php?t=32279)

ابن الشاعر 20 - 07 - 10 09:40 AM

جديدي . للهم ملفى كل ما غابت الشمس
 


للـهم ملـفى كل ماغابت الشمـس=والا النهاراسج واطوي دروبه
واهيم في دنياً بها خاطري عمس=ولا يسـترالرجـال ياكـود ثـوبه
البارحه يوم الجفن عانق الخمس=حذفت في سمرالمناديل طوبـه
غـديت انا وياك ياهاجس الامـس=كالشمع يشبع جايعه من جنوبه
تنهش من اطرافي واجاملك يانمس=ارتاح بك واسرفت فيني عقوبه
واللي ورا الشبـاك ياليلي الدمس=في غـيبتـه كل المـرايا كـذوبـه
يختال فيه الورد والعطروالهمس= وتهيـم به نحل الحنايا عذوبه
والهامــه اللي تاجها مابعـد لمس=ماطاح لول عقودها لو حكو به
والخافق اللي كل مايصبح ويمس=يكتب على جدران غيبتك توبه
كن المشاعر زادهـا غيبته حمس=ماحسب الا وش خطاه وذنوبه




ابو العز 20 - 07 - 10 09:56 AM

رد: جديدي . للهم ملفى كل ما غابت الشمس
 
صح لسانك ابن الشاعر مبدع وننتظر جديدك

الحميدي بن فارس بن مدلج 20 - 07 - 10 09:56 AM

رد: جديدي . للهم ملفى كل ما غابت الشمس
 
صح لسانك يابو نواف على هالقصيده الجزله ياسلام عليك

من تالق الى تالق الله يعطيك الف عافيه تحياتي لك

ماجد محمد القحم 20 - 07 - 10 10:10 AM

رد: جديدي . للهم ملفى كل ما غابت الشمس
 
صح لسانك اخوي ابن الشاعر على هذا النص الرائع ...تقبل مروري

سعود بن مجاهد بن مصاول 20 - 07 - 10 10:23 AM

رد: جديدي . للهم ملفى كل ما غابت الشمس
 
صح لسانك يابونواف قصيده في قمة الروعه ومن القصائد الجميله التي سمعتها وانا اقرا النص احسست بانني من كتب القصيده وسبق وان قلت الشعر القوي هو الذي يفرض نفسه وشهادتي فيك مجروحه بيض الله وجهك امتعتنا
تقبل تحياتي

محمد ماجد الميزاني 20 - 07 - 10 10:53 AM

رد: جديدي . للهم ملفى كل ما غابت الشمس
 
صح السانك يابن الشاعر وفيت وكفيت طال عمرك قصده معبره تشكر عليه

ابن الشاعر 20 - 07 - 10 11:09 AM

رد: جديدي . للهم ملفى كل ما غابت الشمس
 
اقتباس:

المشاركة الأصلية كتبت بواسطة ابو العز (المشاركة 334882)
صح لسانك ابن الشاعر مبدع وننتظر جديدك

صح بدنك اخوي ابو العز وابشر باللي يرضيك

ابن الشاعر 20 - 07 - 10 11:13 AM

رد: جديدي . للهم ملفى كل ما غابت الشمس
 
اقتباس:

المشاركة الأصلية كتبت بواسطة الحميدي بن فارس الميزاني (المشاركة 334883)
صح لسانك يابو نواف على هالقصيده الجزله ياسلام عليك

من تالق الى تالق الله يعطيك الف عافيه تحياتي لك

صح بدنك يابوخالد وصحيت ..
واشكرك على مرورك واطراءك الذي يعني لي الشئ الكثير
ولاهنت استاذي ...

ابو سلطان الشمشم 20 - 07 - 10 11:20 AM

رد: جديدي . للهم ملفى كل ما غابت الشمس
 
صح لسانك اخي الكريم " " ابن الشاعر " "

كلمات فيها من الثقل الغوي الكثير والكثير قل من يجيد مثل ذلك
عندما تقرأ البيت الأول وهو مطلع القصيده .
يبادر لمخيلتك بأن قصيده بدأة ببيت يتضح منه سطحية معنى القصيده وبساطة معناها . فسرعان ما تشدك كلمات البداية وكل حرف يجبرك لمتابعة ما بعده .
فلما أنهيت قراءة القصيده . حاولت أجد مدخل لكي افهم ما يدور ويتكلم عنه شاعرنا لأني ببداية الأمر حسيت بسطحيتها فأذا بشاعرنا القدير :
أخفى ما دار بتفكيره وقت كتابة هذا النص .
وجعل سهولةالبداية مفتاح الغموض وطبق على نصه مقولة السهل الممتنع .
فلو ركز القارئ بما تعني القصديه وجد أنها تلامس كل ما يمر به أي قارئ
فأن توجهت للحزن فتجد شاعرنا لبسها ثوب الألم .
ولو توجهت للغزل لوجدة فيها عذوبة وتأمل وأمل منقطع النظير
ومن ينظر للعزّ والافتخار فيجد عزة شاعرنا طغت بكلمات لن يفهما سوى من تأمل ذلك .

وخلاصة ما توصلت أليه بهذا التعليق البسيط عن هذه الكلمات الرائعه وجدتها تكون معك وين ما تكون بما تمر به .ولم أستطع أيجاد فلسفة شاعرنا لمكانه بين طيات هذه الابيات .


تقبل مرور

أخوك : ابو سلطان

ابن الشاعر 20 - 07 - 10 11:21 AM

رد: جديدي . للهم ملفى كل ما غابت الشمس
 
اقتباس:

المشاركة الأصلية كتبت بواسطة ماجد محمد القحم (المشاركة 334887)
صح لسانك اخوي ابن الشاعر على هذا النص الرائع ...تقبل مروري

صح بدنك اخوي ماجد
واشكرك على مرورك المتواضع ولاهنت استاذي ...


الساعة الآن 06:33 AM.

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها