منتديات الموازين الرسميه - ضادية موجهة لشاعر المدالجه وردها

منتديات الموازين الرسميه (http://www.almouazeen.com/index.php)

- الأشعار المنقولة لشعراء الموازين (http://www.almouazeen.com/forumdisplay.php?f=92)

- - ضادية موجهة لشاعر المدالجه وردها (http://www.almouazeen.com/showthread.php?t=654)

ضادية موجهة لشاعر المدالجه وردها

http://cubtan111.jeeran.com/dhaifall...%20capital.jpg

هذه القصيدة قالها شاعر المدالجة المرحوم بأذن الله تعالى ضيف الله بن زراق بن مصاول بن مدلج(أبو عبدالله) رداً على قصيدة وجهت له من قبل الشاعر بدر بن فايز بن عجل بن مصاول بن مدلج وكان يريد بهذه القصيدة صعبة القافية أن يعسر الطاروق على شاعر المدالجة الفحل ولكن كان شاعرنا قوياً في الأبيات سريعاً في الرد حيث لم يمهل القصيدة كثيراً بل رد بأسرع مما كان يتوقع بدراً....

أولا قصيدة الشاعر بدر حيث قال:

الا يا مل قلبٍ كل ما جاته همومه جض=جضيض الأسحم اللي خضه البارود ويجضي
اليامني سليت وقلت:غاض الهم..زاد وكض!=كما كض الشعيب اللي ملاه السيل ويكضي
وكل أسبابها ناسٍ على الغفله تعضك عض=وانا ماني بعارف وش عليه موزم العضي؟
وعرفت أن الحقيقه يا أبو عبدالله رداوة حض=وأنا وش في يديني ياعضيدي لا رتدا حضي
أبيها طيبه والض تستير الدعاوي لض=ومن كثر الجهاله والغشامه مانفع لضي
يسببها غشيمٍ ما يفيد إلا ترضه رض=لو أنك تتركه ما جنب إلا لونس الرضي
على ما قيل قاسي قلب واللسانه رهيف وغض=يغرك بالكلام اللي يجي بلسانه الغضي
علومه ناكسه والحسد في قلبه يمضه مض=وأنا عندي خبر جرح الشمم ما فاده المضي
عسى عمره لقضاض العمار اللي يقضه قض=على شان العرب ترتاح منه وموزم القضي
صلاة الله وتسليمه على محمد وصل وض=ولاتقبل صلاة العبد لين يقوم ويوضي

ثم جاء الرد قوياً من شاعرنا ....حيث قال:

سلامة قلبك الخفاق لا يزعل ولا يمرض=ترى من يوم جاني خطكم جاهز ومتفضي
وانامن عادتي دايم اليا شفت اللزوم أنهض=كما ينهض عقابن رفع الجنحان ونقضي
وانا لبسي من انواع الثياب الغالي الأبيض=جديدٍ صافيٍ لونه ولا طلع لمتقضي
خبير في القماش اللي يجيبه صاحب المعرض=اعرف الطيب الغالي والآخر لبس متمضي
وترى بعض العرب لو قلت له هذا الطريق أغمض=سوات الموتر اللي تنهضه بالقير ويفضي
تشوفه في السعه طيب وفي وقت اللزوم يفض=يغيب ولا تشوفه في نهار العرك والعضي
أنا ياليت لي سيفٍ شطير وبالنصاب أفضض=اليا رخيته على رقاب الرخوم يشضها شضي
وانا لو جيت في سوق البضايع والسلع تعرض=أبا ختار الذهب وشريه وأجنب عن الفضي
وابنصح من دفع خيله على المفزاع لا يركض=ترى المركاض بالعلم الغلط لا بد ينفضي
عليك بعشرة اهل العرف وأسفه كلمة المبغض=وجنب صحبة الجاهل ودور صاحبن يرضي
ترى الجاهل من العاده ردي العقل والمللفض=سوات اللي تمد اله الطعام بيدك ويعضي!!
وانا لو قلت أبا زبده طبيعيه بليا خض!!=صعيبن مطلبي ماينوجد زبدن بلا خضي
ولكن اليا صفا وقتك وزان الك الطريق أركض=تغانم وقتك الغالي وخلك حذر لا تفضي

اخوكم

أبن مصاول