منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر علي حميدان الدجيما (http://www.almouazeen.com/forumdisplay.php?f=104)
-   -   ولا المشايــــخ قصفها الموت وانــــهاهـــــا (http://www.almouazeen.com/showthread.php?t=46943)

علي حميدان الدجيما 16 - 08 - 12 01:07 AM

ولا المشايــــخ قصفها الموت وانــــهاهـــــا
 

ياكثر ماحط في راسي مشاريعي=فالليل ياكثرها والصبح ملقاها
الحيل فالليل قدامي مضاريعي=واللي كتبنا الى اصبحنا محيناها
وشيآ رسمته ليا دورته ايضيعي=يالله دخيلك من الدنيا وبلواها
دنيآ تلمع دروب الغي تلميعي=وياكثر ماشوف ناس(ن)من ضحاياها
فيها الخطايا قدم عيني مصاليعي=لو ممسك النفس كان ابليس غواها
وياكثر ملقا من الجهيل تشجيعي=اللي مولي ونفسه يتبع ارضاها
ناس(ن)تبيع الكرامه والشرف بيعي=مايلحق اللوم رجلآ ينتف الحاها
واللي منول خبل ماياصل الريعي=اليوم يروي علوم(ن)ويتمناها
صحيح هذا زمان الخبل والصيعي=ولا المشايخ قصفها الموت ونهاها
اللي سطرها يخل العاصي يطيعي=لولا الله اللي حمانا ثم لولاها
تصيدونا مثل صيد الجرابيعي=قبايل(ن)ترتكز فالروس شلفاها
لاكن حنا صنعنا المجد تصنيعي=وفعولنا فاول الهجره وفتلاها
بسيوفنا نقطع الاعناق تقطيعي=كم روس قوم(ن)عن الجثه فصلناها
وقايع(ن)شيبت روس المراضيعي=منها جبال(ن)تسما القوم بسماها
وقت الحرايب نبيع ارواحنا بيعي=من الضفر والمذله ماعرفناها
من قونا ماخضعنا للقطاطيعي=اميرنا صبحوه الترك وفناها
ولو الفعايل طماعه لطماميعي=كم من قبيله فعايلنا تمناها
لاكن حفظت بلا بصمه وتوقيعي=من هيبة اصحابها ماواحد(ن) جاها
ماهمنا هرجة اخدوش(ن)مدانيعي=افعولنا عن محرفها حفظناها
حفظ الوداعه بصندوق المواديعي=وبوسومنا قبل لاتسرق وسمناها
بقصايد(ن)تحفظ التارخ ليضيعي=ومن لاعرفها يراجعنا ويلقاها
نعطيه موجز تصوغ اله المساميعي=يموت عود(ن) مهذري ماتناساها
افعول ربعي معشين المجاويعي=امثبته بالادله ماسرقناها
والكذب ثلج(ن)تجيه الشمس ويميعي=ولا وجيه الاوادم ماعبدناها
الحمد للي خلقني ماني بشيعي=سني مطيري على النوماس سقناها
اصايل(ن)ماتريعها الكراسيعي=من بحر جده الى الكوفه وصلناها
ومن حد شمر وصلنا وادي اسبيعي=وفي نجد مافيه بير(ن)ماوردناها
تمت وقولي عليه اسمي وتوقيعي=علي الدجيما لحفظ المجد سواها

نزف المشاعر 16 - 08 - 12 02:14 AM

رد: ولا المشايــــخ قصفها الموت وانــــهاهـــــا
 
بيض الله وجهك يالدجيما وصح لسانك على القصيدة الجزلة


تقبل تحياتي وتقديري

علي حميدان الدجيما 16 - 08 - 12 04:20 AM

رد: ولا المشايــــخ قصفها الموت وانــــهاهـــــا
 
اقتباس:

المشاركة الأصلية كتبت بواسطة نزف المشاعر (المشاركة 493676)
بيض الله وجهك يالدجيما وصح لسانك على القصيدة الجزلة


تقبل تحياتي وتقديري


عافاك ربي اختي نزف المشاعر ومرورك يسعدني

حـمـودي 16 - 08 - 12 04:52 AM

رد: ولا المشايــــخ قصفها الموت وانــــهاهـــــا
 
الحمد للي خلقني ماني بشيعي = سني مطيري على النوماس سقناها

اي والله الحمدلله اني مسلم ومطيري


صح لسانك يالدجيما وبيض الله وجهك قصيده جزله يالجزل


لاااااهنت


تحياتي لك

علي حميدان الدجيما 16 - 08 - 12 05:03 AM

رد: ولا المشايــــخ قصفها الموت وانــــهاهـــــا
 
اقتباس:

المشاركة الأصلية كتبت بواسطة حـمـودي (المشاركة 493680)
الحمد للي خلقني ماني بشيعي = سني مطيري على النوماس سقناها

اي والله الحمدلله اني مسلم ومطيري


صح لسانك يالدجيما وبيض الله وجهك قصيده جزله يالجزل


لاااااهنت


تحياتي لك


مرحبابك حمودي تشرفت بمرورك

مسند مازن الزحزوح 25 - 08 - 12 05:48 PM

رد: ولا المشايــــخ قصفها الموت وانــــهاهـــــا
 
تم























































صح السا نك يبو حسين علي هل معلقه وبيض الله وجهك ومن العا ىديدين تقبل مروري




تمت وقولي عليه السم\ي وتوقيعي علي الدجيما حفضها يوم سواها

الحميدي بن فارس بن مدلج 25 - 08 - 12 07:50 PM

رد: ولا المشايــــخ قصفها الموت وانــــهاهـــــا
 
صح لسانك وعتلى شانك اخوي ابو حسين

قصيده جزله من راس جزل الله درك

تحياتي وتقديري

أبن مصاول 25 - 08 - 12 09:51 PM

رد: ولا المشايــــخ قصفها الموت وانــــهاهـــــا
 
صح لسانك يا أبو حسين وهذه القصيدة تؤكد وبلا شك أن لقب "شاعرالجزلات" هو أستحقاق وليس هبة من احد أطلقته عليك منتديات نخبة الموازين لنؤكد أن هذه المنتديات لا تحابي أحد في أي لقب.


والكذب ثلج(ن)تجيه الشمس ويميعـي=ولا وجــــــيـــــــه الاوادم مــاعـــبـــدنـــاهـــا
جداً رائع هذا البيت

يوسف الداخل 26 - 08 - 12 12:10 AM

رد: ولا المشايــــخ قصفها الموت وانــــهاهـــــا
 
صح لسانك اخوي علي قصيده جزله لاهنت

غنام الحميداني 26 - 08 - 12 02:18 AM

رد: ولا المشايــــخ قصفها الموت وانــــهاهـــــا
 

الله الله عليك

صح لسانك وبيض الله وجهك قصيده ومشاركه في قمة الروعه

تقبل مروري وجل أحترامي لشخصك الراقي دمت ودام عزك


الساعة الآن 12:18 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها