بيعتي للجيب غلطه مطبعيّه=رحت ادور مثل جيبي مالقيت
واشتريت الجمس وازعجني حتيّه=لعنبو من صممه كيف اشتريته
جابه المكتوب والمقسوم ليّه=والله اني يعلم الله مابغيته
مايناسب لي لو انه هديّه=منه اعاف ليا نطحته واقتفيته
ان مشابي وان وقف ضيق عليه=مايشجع بالطريق اللي مشيته
واهني اللي مركبه واهنيه=وفي حياته ماوقف قدام بيته
تانكيه شرط مايملاه ميّه =سرع مافضاه لو اني مليته
والله اني ناويلي فيه نيه=كان مابعته ورى لينه رميته
ماحسبنا للكثير وللبليّه=والله اللي عالم باللي نويته
ياحلال القوم موعدنا شويّه=حاسبن له بالدقايق مانسيته
غيرك ابختار والخيره خفيه=اختياري جيب ماغيره هويته