قصيدة ترحيبية وذلك بمناسبة زواج الرائد/ ملفي بن عتيق الزراقي
في الحفل الرائع والبهيج الذي أقيم في قاعة الأسطورة في العاصمة الرياض ولقد حضر الحفل شيوخ وأعيان قبيلة مطير وشيوخ من القبائل الأخرى وجمع غفير من المدعون ومن جمهور الشعر والمحاورة ,ولقد ألقى الشاعر القدير /خالد بن سعود بن غابش هذه القصيدة في هذه المناسبة:

في حفل أبو مشعل تزين التراحيب =جينانرحب في ضيوفه نيابه
يامرحباترحيبةٍ ريحها طيب=بالعود الأزرق من كفوف الذيابه
اعداد ماتطلع مجرات وتغيب=واعداد ماهلت مزون السحابه
بربوعنا وأصحابنا والأجانيب=ويامرحبا واهلين في كل لابه
ولعتيبة الهيلا كثير التراحيب=يامرحبا واهلين ياهل المهابه
عند الرجال الي تعرف المواجيب=عند الكريم الي عزيزٍجنابه
حرٍ تعلى نايفات المراقيب=كسبه جزيل وكل عالي رقابه
تستاهل الطالات يامنبع الطيب=والمجد عنوانك بروس الكتابه
هذاك ابومشعل عطيب المضاريب=من عزوةٍ تسطي نهار المجابه
ربعي مطير الصارمين النواجيب=ربعي هل الطالات واهل الحرابه
عدوهم خلي عشا الطير والذيب=يبقى جريح ولاتعافى صوابه
وكل القبايل يحتمون المطاليب =وكلٍ يماري في نهار الطلابه
وحقوق ربعي مابها شكٍ وريب = واكتب جزيل الشعر واعرف صوابه
وحروف شعري ماتجيها العذاريب =وليا بدعت القاف مابه غرابه