|
وسقسين للما وسقسينه صناديقي
انا ليا ضاق صدري وامتلا ضيقي=قمت اتصفح مراسيلآ بجوالي ولقيت من يبعد اهموم المخاليقي= اللي ليا شفت مرسوله شرح بالي مثل الذهب يوم يخزن فالصناديقي=رسايلآ غاليه من صاحبن غالي لولاي معها اغيب شوي وافيقي= نطلت ثوبي ورحت امع الخلا الخالي وانا لي ايام لاحقني ملاحيقي=مغير اهوجس وهرج نفسي الحالي والناس بالهرج الاقشر نشفو ريقي= عمي ماهوعمي وخالي ماهوخالي ولاصرت طيب وقلبي في معاليقي=عزيت نفسي وربي يستراحوالي ولاني بشاكي على عدواني الضيقي=اشكي على اللي حقيقه ماله امثالي الصاحب اللي غلاه اكبر من طويقي=اللي احبه وقربه ماتهيالي على عذابي وكل اهمومي مويقي=ولازلت احبه بعد عمري ولازالي لغاب ياسرع تطفيشي وتزهيقي=انطل شماغي طفش وقطع اعقالي واناعيوني من ادموعي غواريقي=ليه سنه يالله الخيره هذا حالي وياوجد حالي على عشق العشاشيقي=اربع طباين وشبة نار ودلالي نارآ على جنبها صفرآ مدانيقي=تبعد همومي ليا صبيت فنجالي وجيبن تماتيك مايحتاج تعشيقي=مصدرينه من اليابان طوالي وعمايرن كنهن روس الشواهيقي=وعشرين مليون عندي روس الاموالي وذودن مع اهل المزاين قبل ماسيقي=اللون واحد مافيه اللوان وشكالي عفرن ليا شفتها مثل الغرانيقي=ومن الشحم شطها جايله اضلالي والحوض يبرالها فوقه سواويقي=وخمسة عماميل سوداني وصومالي وسقسين للما وسقسينه صناديقي=وتريلتن في ظهرها مجلسن خالي في عبلتن ماحلا قطف الزماليقي =وريح الخزاما وانا متعافي وسالي وحرآ مدرب ليا تل المسابيقي=تقول غصنآ يتله سايق الرالي وخوة زحول الرياجيل المطاليقي= اللي لهم في رفيع المجد منزالي فيهم شجاعه ولا فيهم حماميقي=عشرة رياجيل عن عشرين رجالي اليا اجلسو هوبلوا زين الطواريقي= يسلا بها اللي همومه مالها فالي اخير من عسكرآ فيهم مطافيقي=اغلبهم اللي عليه من الله ضلالي والريس اللي يسره شوف تطبيقي=ماهوابويه ولاهو بصغر اعيالي والله يلولا بيلحقني ملاحيقي=للعن ثوا خوته ورمي له ابدالي ورزقي على اللي يفرج ساعة الضيقي=يسوق رزقي لوني مملك ريالي |
رد: وسقسين للما وسقسينه صناديقي
ابحرتنا معاااك في هذه القصيده الجميله
صح لسانك يابو حسين صح لسانك والله الله كلش الا العسكريه الصبر زين وناخوك لين الله يجيب التقاعد بعد عمر طويل ان شاء الله . |
رد: وسقسين للما وسقسينه صناديقي
صح لسانك يابو حسين مبدع بكل خواطرك
الجميلة والله لايهينكـ ,,, |
رد: وسقسين للما وسقسينه صناديقي
_صح لســــــــــانك واعتلى شانك .... قصيده اروع من الروعه... وامنيت رجال اهل هبة ريح ... الله ينالك مرادك..
|
رد: وسقسين للما وسقسينه صناديقي
أبو حسين هذه القصيدة روعة من كل اتجاه وقد نقلتنا فيها من حالة الى اخرى بإحترافية كبيرة لا يقدرها إلا أجزل الشعراء
من ضيقة الصدر الى السرور بالرسالة ومحبة صاحبها الى التمني والأحلام ثم خوة الرجال المطاليق ثم في النهاية رئيسك الذي صبيت عليه جام غضبك في نهاية قصيدتك والله يلوم اللي يلومك في بعض الرؤساء والخويا .. أنت شاعر مبدع وإبداعك يجب ان لا يبقى في صناديقك المختومة ويجب ان يخرج للكل لنتعرف ويتعرف العامة على هذا الشاعر المبدع .. سوف تكون قريباً ضيف منتديات الموازين في لقاء خاص سوف نخصصه لك وسيدير اللقاء معك الشاعر و المشرف المميز ابن غلاب وسوف تكون ضيفنا كلنا نسألك ونتحاور معك ونأخذ مما في حوزتك من أمثال هذه القصيدة الرائعه.. أبن مصاول |
رد: وسقسين للما وسقسينه صناديقي
الله لايهينكم مروركم شرف لي وانا حاضر بماتريدون
ولكم فائق احترامي ودمتم بخير |
رد: وسقسين للما وسقسينه صناديقي
اقتباس:
عموما كلمة صح لسانك لاتكفيك ايها الشاعر المبدع وانا ذكرت عند ترحيبنا لك اثناء تسجيلك معنا بأن ابو حسين شاعر نظم ومحاوره يشار له بالبنان وها انت اليوم تثبت كلامي وكل فتره تتحفنا بما هو اجمل وشهادتي فيك مجروحه يابو حسين لكن انت اثبتت نفسك بصياغتك للمعاني التي يعجز عنها الكثير من الشعراء اتمنى لك التوفيق والنجاح 0 |
رد: وسقسين للما وسقسينه صناديقي
شكرآ لك يابو عيسى على هالشهاده التي اعتبرها وسام على صدري وعسى ان اكون عند حسن الضن واقدم ماهو مفيد قبل ان يكون ممتع للمتابع
وانت استاذ يابو عيسى |
رد: وسقسين للما وسقسينه صناديقي
اقتباس:
قلت : أستر عليه هذا والله الشنب !!! أربع طباين :049: قالت: أقول أحذف معرفه :25_f: وان ميت من الضحك :0092: قلت:إلا أبو حسين لأنه حامل لواء لا ....للواحده :0092: الوكاد ان المره البارحه ما نامت مضبوط:z01: وراسها عورها واكلت لها كم حبة بندول:z032: |
رد: وسقسين للما وسقسينه صناديقي
فرح العالم بفوز أبو حسين في أمريكا
وفرحنا بفوز منتدانا بأبو حسين شاعرنا الرائع رغم أن أمنياتك كبيرة لكنها لاتعجز الله من كل قلبي أدعو الله أن يحققها لك عاجلا غير آجل وما ذلك على الله بعزيز وياليتك تقرأ ما أتحفنا به أخينا ابن شلاح تحت هذا الرابط http://www.almizany.com/showthread.php?t=13612 |
| الساعة الآن 02:20 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
