منتديات الموازين الرسميه - لقاء الشاعر و الصقار مسند مازن الزحزوح عضو منتديات الموازين(أبو نافع)

منتديات الموازين الرسميه (http://www.almouazeen.com/index.php)

- زيارات ولقاءات مصورة (http://www.almouazeen.com/forumdisplay.php?f=123)

لقاء الشاعر و الصقار مسند مازن الزحزوح عضو منتديات الموازين(أبو نافع)

بسم الله الرحمن الرحيم

الأخوه والأخوات الأفاضل ...سلامٌ من الله عليكم ورحمته وبركاته

فكما عودناكم دائماً بأن نكون بالقرب من أبناء ميزان المبدعين ,المخلصين ,أصاحب المواهب فأنني وعلى أثر زيارتي للرياض في يوم الأثنين الماضي قمت بزيارة خاطفه للشاعر القدير والذي أطلقت عليه مسمى (عميد شعراء منتديات الموازين) أبو نافع ..

رجلٌ يشدك من الوهلة الأولى , حسن الكلام ,خافضاً صوته ,عبارته جميله, يشدك بترحابه وببشاشته التي تملاء وجهه.

مسند بن مازن الزحزوح أسمٌ فرض أحترامه على الكل في هذه المنتديات شاعر دائماً يقول :أنه مقل في شعره في الماضي ...حيث صرح لنا انه ترك الشعر منذ ان كان صغيراً وقد أنشغل في الدنيا حيث كان عسكرياً في الجنوب يخدم وطنه ويسعى وراء لقمة العيش الكريمه,وقد كان يقول الشعر منذ صغره ولكن كما اسلفنا فأنه انشغل له بعض الوقت ثم عاد له قبل فترة ليست بالطويلة ولكنها جاءت قوية...

قابلته وكنت للأسف على عجاله وقد تقابلنا على قهوة وطيب عود ووعدناه بزيارة قادمة إن أتينا الرياض وأبو نافع يستاهل من يطأ مجلسه ويزوره.

وكانت هذه الصور التي أخذناها تزامنناً مع هذا اللقاء http://www.almouazeen.com/showthread.php?t=17084

كان الأستقبال بالقهوة العربية والتمر والأقط ...

http://www.almizany.info//uploads/im...ff3370022f.jpg

ثم الطيب بالعود ...وطيب الله فال أبو نافع

http://www.almizany.info//uploads/im...8598fa08f9.jpg

http://www.almizany.info//uploads/im...57d742ac45.jpg

تطيبنا وعينا من الله خير

ثم قلت لأبو نافع نبي نشوف الطير اللي تقول فيه:

ياطير دام أنك على الوكر وبخير=وانا بعد طيب واشوف الطبيعه
والله مافكر بالطيور المشاهير=فعولها وسط المجالس تذيعه
الفعل والبرهان وقت المعابير=للخارم الي دوب ترمق لميعه
اخذت عنك وقمت ترقاء بتغمير=من شوفتك ضاقت عليه الوسيعه
لوكان في خوتك جتني مخاسير=غير الصحاري والخطوط السريعه
نمشي على خدمتك وقت المصافير=لين الشتاء يقفي ويقفي ربيعه
وان شفت فيك خلاف نطلب تقارير=مركز فهد والي يقوله نطيعه
وان جاتنا الربطه ودق المسامير=همن علي موادعه مع وديعه
ويعد لــ النقله جميع الصقاقير=الوسم طاح مضخرات تليعه
والصلب والصمان كله مخاضير=والدبدبه وحمارها والوريعه
والطير توني جذبته بتنسير=مستانسً به عقب هاك القطيعه
ومقناصنا برجوم حاكم الى زعير=هاك الفياض الي شمال الرفيعه
وعقب التعب طحنا على الجره عصير=ربداً خريش وفالمراوغ سريعه
عقب الهدد ضاعت مع الطير تسبير=شفت الطيار وقلت هذا مضيعه
ونخيت بالكنود ربوع مناعير=عقب الوناسه جعل ماهي فجيعه
واخذت ساعه ثم جتنا التباشير=وصارت عقب هاك الترقي مطيعه
والي لقوه منثر الريش تنثير=وقالو تبيعه قلت والله مابيعه
مستانسًَ به مع ربوع مسافير=ربع على المله ودين الشريعه
شرواك يامحمد كعام المصاطير=من روس ربعً فالملاقى فضيعه

http://www.almizany.info//uploads/im...9ba7ab9157.jpg

أبو نافع يزيل البرقع عن صقره الطيب والذي يقول أنه صايد وفايد من كل الأنواع

http://www.almizany.info//uploads/im...b87ce17e7b.jpg

يقول الشاعر الكبير ضيف الله بن زراق بن مدلج طيب الله ثراه

ياعين حر طار من عالـي الأوكـا=يرفـع لـه الصقـار كـم العباتـي

يدعيـه ياغشـام عدلـي بـالأولام=وأقفتبـه الأوهــام للحايمـاتـي

http://www.almizany.info//uploads/im...93a0f5f41f.jpg

http://www.almizany.info//uploads/im...2017536a70.jpg

http://www.almizany.info//uploads/im...3d9daf2589.jpg

وصورة الصقر عن قرب وأذكروا الله يالربع

http://www.almizany.info//uploads/im...b7108a8f8b.jpg

بسم الله ما شاء الله ..طير طيب

http://www.almizany.info//uploads/im...e289168004.jpg
عميد شعراء منتديات الموازين الشاعر مسند مازن الزحزوح القحم الميزاني

أبن مصاول