مرّت سنة وانا من الوقت مسـروق=والسجن له رهبة وهيبـة وسجّـان
لا الصبر ينفع والهوى ماله احقـوق=والعمر لارابح ولاهـوب خسـران
مخنوق وانتي عارفـه ليـه مخنـوق=ولهان وانتي عارفـه كيـف ولهـان
لاجيت اروّق ماعرف كيف بآروق=شكلي سعيد وداخلي شخص طفشان
اللي مكانه تحت ما يطلـع لفـوق=واللي مكانه فوق ياليـت ماكـان
قد قيل لي ما كل مطرود ملحـوق=وانا تعبت اطرد ورى همّ و احـزان
اقسى كلامي لك غَزَل زين منطوق=و اعذب كلامك لي من العام هِجران
والبيع لو بعتي صَلَف خارج السـوق=اوزانك الاولى غدت غيـر الاوزان
رحتي وخلّيتي ورى ظهرك احـروق=والحال لا راضي ولاهـوب ندمـان
وانا على خبرك على عَهْد موثـوق=غريب وانتي له وطن بين الاوطـان
غنّيت لك شعري على كل طـاروق=الحان راحت ليت ماكانت الحـان
لاحت ابروق وليت مالاحت ابروق=مامن مطر والليل له ذيب سرحـان
والحين لو تدرين عن دمعـة المـوق=مسحتها بأكمام ثوبي علـى شـان
ادري وش اللي يجعل القلب مفتـوق=إنّك تحب إنسان ماهـوب إنسـان