|
قصيدة الجكسار 2010
السلام عليكم ورحمة الله وبركاته اليكم (__ قصيدة الجكسار 2010)__ لعلها تنول على استحسانكم ياراكب الي يطوي الدرب ممشاه = جيبً على كيفي بكل اتجاهي الفينه وعشره دواء من تمناه = كل ابدوياً عنه ماهو بساهي جكسار لند كلوزر وحي طرياه = اخر مديل وفل كامل وزاهي كايف ولونه لؤلؤي من مزاياه = شرابه الممتاز والزيت راهي هزاز دفلك كل صعباً بياطاه = ثماني اسرندل وقيرين ناهي مشيه يسر العين في كل الاوجاه = في بر والا في مدن ياإلاهي يحُسب حسابه فالطرق وقت مجراه = واليا اتجه والله لياصل مداهي وليا وقف تملا عيونك حلاياه = ياحي ميقاف الجيوب الزواهي من مصنعه وارد ماحطت مراياه = مطلوب بالهاتف ماجا بشتياهي لاقمت فرض العصر والكل صلاه = واخذت لي فنجال دله وشاهي بديت فوقه والنشاما تحلاه = مبداً يشوق من قدر مشتراهي ماكنه ألا شخص والعز يزهاه = مشغول ومكلف بشغله ولاهي
تقبلو تحاتي اخوكم الشاعر محمد بن ماجد الميزاني
|
رد: قصيدة الجكسار 2010
صح لسانك يا أبو ماجد والـــVXR هو موتر العز ....والله يرزق عبيده وكل يحصل مبتغاه
|
رد: قصيدة الجكسار 2010
صح لسان الشاعر المبدع
محمد ابن ماجد الميزاني |
رد: قصيدة الجكسار 2010
مبدع اخوي محمد ما قصرت يعطيك العافية
|
رد: قصيدة الجكسار 2010
اقتباس:
شكراً على مرورك لجميع قصائدي الشعريه وهذا اندل انما يدل على وفائك الزائد تحياتي لك |
رد: قصيدة الجكسار 2010
اقتباس:
|
رد: قصيدة الجكسار 2010
محمد بن ماجد صح لساانك حتى ترضى
والله ما ألومك يا طويل العمر في حب الجكس .. الجكس فتنه تمشي على الأرض .. |
رد: قصيدة الجكسار 2010
اقتباس:
والف شكر على مرورك العذب لك مني اجمل تحيه |
رد: قصيدة الجكسار 2010
صح لسانك يا محمد
وصف جميل ودعايه مقبوله للجكسار لاهنت تحيتي |
رد: قصيدة الجكسار 2010
صح لسانك
ومافيك حيله يوم وصف الجيب مشكور ويعطيك العافيه |
| الساعة الآن 12:11 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
