محاورة قمة بين الشاعر الكبيرسوار الذهب والشاعر علي خلف الهجله
 

عبدالله غازي

وش هو اللي يجمل في عيون الناس
لو بغى خادم الدنيا يخدم الدين

وأنت ياجفن ياللي مايجيك نعاس
لايقولون فركة خشم لطمة عين


علي خلف الهجله

كان تنشد تبى درب السنع لاباس
بس اخاف انها حبحب على السكين

شي من الناس يصبح مثل ابو نواس
يتوطاك ويقول إلك انا مسكين


عبدالله

البصيره معارف والعباد اجناس
وعرف ابو وحده من عرف ابو ثنتين

وياشكاوي الصدور وشكة الوسواس
البحر ماحضن شمسك ياذا القرنين

علي

يعلم الله يالولا وضعنا حساس
لاأرفع الرايه اللي طول سور الصين

ولو نعاين حديثك لااسحب الحراس
مير ماني بغاوي واتبع الغاوين


عبدالله

قبل اشوف السحابه ماارسل العساس
لاعلى الاولين ولاعلى التالين

ولوحبال الرجا تقطع حبال الياس
إستمرت على بعدين يابعدين


علي

إرفع الراس حتى تكسب النوماس
لاتخلي بناها بالحجر والطين

وش نبى بالطبيب لياطلع هلاس
والمرض فالضلوع وفأسفل الرجلين


عبدالله

كل همي من الشجره وحد الفاس
وانت وش بك ورى خاطرك ماهو زين

خاتمة خير هات اكياس ود أكياس
صدّق أنك من اول كنت شكمانين


علي

ياذهبنا دخيلك لاتصير نحاس
بعد قلنا عظيم وصامل الزندين



عبدالله

إعتبرها ذواقه والذواق لحاس
أولة شاكرين وتالية باغين

رد: محاورة قمة بين الشاعر الكبيرسوار الذهب والشاعر علي خلف الهجله
 

الله الله الله


الله يعطيك العافيه يا حماد

( فيه لعبه ثانيه من نفس المحاوره اتنمى اضافتها)