عبدالله


سلام مني يا عتيبه يا الذياب العاويه "="لولا عتيبه ماتت النخله على صدر الرفيق

اصدق حديث امن الحديث اللي يقول معاويه"="اليا لقيت امن الدروب ادروب لاتترك طريق


حبيب

يامرحبا يامطير وذياب الدهر متخاويه"="مير النظر يم السباع اللي على الوادي تويق

الناس تدري بالحديث اللي رواه الراويه"="وليا ومنت امن العدو لاتامن احيان الصديق

عبدالله

لا يابناخينا خوالك فيك وش هي ناويه"="تراي اشدد لي جبل وانته تشددلك فريق

(صدقني احسن شي في حرة تبوك الزاويه)"="وانته تحسبن الدعاوي كلها تمر وسويق

حبيب

الله وعلم والنوايا كلها متساويه"="ياللي تشيلون الجبل يشتالكم سيل العقيق

اليا قبلت يامرحبا ون روحت فالهاويه"="وانته ليا كثرت همومك من نصيبك لاتضيق

عبدالله

انته مع الروقه تمثل شيخنا الطنطاويه"="ياللي نسيت ان النحل لولا العسل ضاع الرحيق

انته غثاك احوا لكنك منت راعي حاويه"="ودك تولعها حريقه مير ماش اطفا حريق

الطروق الثاني البدايه عند حبيب

وعبدالله يرده على نفس المعنااا

وننتظر تحليل ابو رباح


حبيب

يامرحبا ترحيب طيب وفال عبدالله يطيب"="ويطيب فالك يا العزيزي والسفينه عابره

احيان اوردها البحر واحيان اوردها القليب"="مافيه عدن من عدود الارض ماني خابره


عبدالله

دام البقى وانت اعتبر نفسك بزنزان اتعذيب"="لا ردك الله يا السنين الاولاات الغابره

يا العازمي يا صاحبي ماهو على كيفك تشيب"="لا رده الله جات من راس المطفه نابره

حبيب

في علمنا مانختلف وانته المرض وانا الطبيب"="(اللي ليا جاه المريض ايون يكوي صابره)

العام تهدملك جبل واليوم تدفن لك شعيب"="وانته مثابر في حياتك والحياه امثابره

عبدالله

في علمنا معنة هاي اسليب وش تعني سليب"="كم واحدن معطاك حقك قبل تاطى صابره

يا العازمي في ذمتي في كشب ماتصلح خطيب "="لكن تصلح يا البناخي مستعاد امخابره

حبيب

اسياستك صح وخطا ماكل من يخطي يصيب"="واللي مايرضا بالخطا والشر يقطع دابره

هاذي غريبه منك وانته عشت فالعالم غريب"="ضيعت كم طول الحزام اللي بشبرك شابره

عبدالله

انته سنة صلح الحديبيه معك مية صحيب"=" اطيبهم اللي ذابحه فقصى عفيف وقابره

بلشت مع ناسن يحطون الرطب مثل العسيب"="يمكن على شاني يسوون الامور امكابره