منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر علي حميدان الدجيما (http://www.almouazeen.com/forumdisplay.php?f=104)
-   -   هـذه مساجلـه بيني وبين الشاعر عبدالله عايد الديحاني (http://www.almouazeen.com/showthread.php?t=36057)

علي حميدان الدجيما 04 - 11 - 10 08:01 PM

هـذه مساجلـه بيني وبين الشاعر عبدالله عايد الديحاني
 

هذه مساجله بيني وبين الشاعر/ عبدالله عايد الديحاني عام 1423هـ يقول الشاعر عبدالله


البارحه مانمت والخلق نايمه=اثر على قلبي هجوس(ن) ملايمه
اثر على قلبي هجوس(ن) وانا الذي=ماذوق لذات الكرا من قدايمه
متذوق عيني لذت النوم تهتني=عيني تعاف النوم والكبد صايمه
عيني تعاف النوم مماجرالها=وكبدي عن الزاد المغذي مهايمه
وقلبي به الهاجوس مغير يدرجه=في مهجتي والحب بانت علايمه
امن اول(ن)بقول بصبر وعايدي=واليوم صبري مابقى الا رسايمه
صبري تعداله حدودآ ونفجر=في ضامري واليوم بانت حطايمه
سبة وليف(ن)دونه البعدحدني=دونه بعيدات المسافات قايمه
دونه بعيدات المسافات والعنا=والهم والغربال بانت نسايمه
وتجمعن في ضامري مدهل الشقا=وصبح ضميري كل من جاه رايمه
وعبر ضميري بالتعابير ونكتم=معاد له قدره ووزع قسايمه
وزع على من جاه عاني وبهذله=يقول وقتك تو بانت حتايمه
اثر على عبدالله اللي من اول=من اول(ن) مبسوط محسن عزايمه
واليوم مايقدر حدنه ضروفه=زودآ على ضروفه حياته مهايمه
اليا تذكر مامضاله وفاتله=يهل عبراته وكثرت نهايمه
يهل عبراته سطا فيه ساطي=الله يلوم اللي بهوا الزين لايمه
ويالله تبلى اللي يعذله وينصحه=وتسقيه من كاس المحبه لهايمه
حتا يذوق الحب ويذوق مابه=يذوق ماذقنا بذبة خرايمه
يذوق لوعاتن بها الياس والرجا=بين الرجا والياس وبحور عايمه
والله يعين اللي كثيره حسايفه=كثرت حواسيفه وكثرت ندايمه
كثرت حواسيفه من الوقت والعنا=يلعنك يادنيا منتي بشايمه
ومن بعدها وجهت مرسول قصيدتي=لبن الرجال اللي لها الطيب سايمه
لعلي الدجيما في معاني رسالتي=شاعر ويكسب للوفا من غنايمه
قصدي ابا جاهه وابا منه فزعته=رجال حلحيل(ن)قويه عزايمه
وختامها مني صلاتن على النبي=عداد ماهل المطر من غمايمه




رديت عليه بهذه القصيده




حييت ياخط(ن)لفاني ومرحبا=اهلآ بمن جابه وسارت قوايمه
اهلآ هلابه عد من زار مكه=وعداد ماهبت هبايب سمايمه
باللي كتبلي من جزايل قصايده=وقصايده مثل الذهب من صمايمه
يشكي ويبكي والمحبه طريحها=لطاح والله ماتشيله قوايمه
انكا تشكي يابو عايد حبايبك=نفسي على شوف الحبايب مزايمه
عشرين عام وحالتي ماتسرني=تنقص وهم القلب يفلان ضايمه
كله سبايب من تمكن بخافقي=سيطر على قلبي وثبت شكايمه
وانته يابو عايدجروحك بسيطه= يلطف بها اللي ماتعدد عظايمه
رب(ن)ليا منه نوا العبد دبره=مير اطلب المعبود والناس نايمه
يسهل امرك والنواقص عليه=افزع معك والقلب تبرا همايمه
انكان تحداك المسافه تسهلت =البعد ماهم الرجال الصتايمه
نروح لو خلك ورا بحر جده=لو كان فورباء انشاالله تلايمه
انا ترا روحي ومالي فدلك =يقولها اللي ماتردا عزايمه
اقولها واللي مايحما كلامه=لعل قلبه يوقف الله صمايمه
والحب بلوا من وقع فيه يبتلي=مجنون ليلى ماسلم غرايمه
وصقر وبن لعبون وبن سبيل =كلآ رحل والحب يشكي ضلايمه
وعقاب بن سعدون في حب خله=ذكر عذاب الحب ونكر نعايمه
وكم عاشق(ن) قبلي وقبلك وقبلهم=بانت عليه من المحبه وسايمه
وانكان تسمعني وتبغا نصيحتي=دنياك يامخلوق ماهي بدايمه
حاول تناسا الحب وترك طريقه= تراك بكره تاتجرب هزايمه
انا مجرب وانت منته بجاهل=من بار وسط السوق منته بسايمه
هذا مرد الشاعر اللي نخيته=اخذ اسمان الهرج وترك هلايمه
واللي مقفي عنك خله يقفي=لاترتجيه ولا تدور رحايمه
اللي يبا فرقاك دور فراقه=لو يشتري قربك قل النفس شايمه
تمت وصلى الله على سيد البشر=اللي هدا لدين وتمم تمايمه
محمد اللي نتبعه كلبونا=لا جا النهار اللي كبار(ن) عظايمه

مواعيـ سراب ـدك 04 - 11 - 10 09:05 PM

رد: هـذه مساجلـه بيني وبين الشاعر عبدالله عايد الديحاني
 
صح لسان عايد الديحاني

وصح لسانك يعلى

ومساجله طيب وجزله وبيض الله وجيهكم ... ويعطيكم الف عافيه

عبدالمجيد الظويفري 04 - 11 - 10 09:17 PM

رد: هـذه مساجلـه بيني وبين الشاعر عبدالله عايد الديحاني
 
ياسلااااام

صح لسسسسسسانك الشاعر عبدالله الديحاني

وصح لسسسسسانك ياشاعر الجزلات علي الدجيما


للأمانه استمتعت هنا

احترامي

علي حميدان الدجيما 04 - 11 - 10 09:36 PM

رد: هـذه مساجلـه بيني وبين الشاعر عبدالله عايد الديحاني
 
مواعيدك سراب صح بدنك يالغالي والله لايهينك على هالاطرا الجميل
تسلم تسلم

علي حميدان الدجيما 04 - 11 - 10 09:40 PM

رد: هـذه مساجلـه بيني وبين الشاعر عبدالله عايد الديحاني
 
اهلين بالشاعر عبدالمجيد الضويفري انور الديوان بوجودك
تشرفة بمرورك الرائع

ملكة القوافي 04 - 11 - 10 11:05 PM

رد: هـذه مساجلـه بيني وبين الشاعر عبدالله عايد الديحاني
 
صح لسانك أخوي علي حميدان الدجيما وصح لسان الشاعر عبدالله عايد الديحاني

الحميدي بن فارس بن مدلج 05 - 11 - 10 07:09 PM

رد: هـذه مساجلـه بيني وبين الشاعر عبدالله عايد الديحاني
 
صح لسان الشاعر عبدالله الديحاني
وصح لسانك اخوي ابو حسين
والله يبيض وجيهكم ماقصرتم
تحياتي للجميع

برق 05 - 11 - 10 07:33 PM

رد: هـذه مساجلـه بيني وبين الشاعر عبدالله عايد الديحاني
 
صح لسانك أخوي علي حميدان الدجيما وصح لسان الشاعر عبدالله عايد الديحاني

ماجد محمد القحم 06 - 11 - 10 05:28 PM

رد: هـذه مساجلـه بيني وبين الشاعر عبدالله عايد الديحاني
 
صح لسان الشاعر عبدالله الديحاني ...وصح لسانك يابو حسين رد وافي .وشافي ..استمتعة بالابداع

ابن الشاعر 06 - 11 - 10 10:37 PM

رد: هـذه مساجلـه بيني وبين الشاعر عبدالله عايد الديحاني
 
صح لسانك الشاعر /عبدالله الديحاني
وصح لسانك ياخال وانت شاعر الجزلات يابو حسين

قصيده جزله ورد اجزل
والله لايهينكم على هالمساجله الطيبه
.




الساعة الآن 02:44 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها