ياطاير الشعر وقع بالسماء لاتروج = مادام طيري بجنحانه كفخ ثم راج
أبطرق من المعاني من جميع الفجوج =و أوقد من أفكار شعري للعسيره سراج
منطق لساني يكفي عن جميع الهروج = دربً يدل الضرير ولا اختلط مع عجاج
مير اقربي وارقصيلي يالغزال الغنوج = أنا بغني لو ان الصدر من فوق صاج
بنت الهوا في زمنها ماتريد اي زوج = قامت تقلب علينا قلبان المزاج
أحيان تنفر وبعض أحيان مثل الخلوج = وأيام علقم وبعض أيام مثل العلاج
بعض العرب شوفته للصدر مثل البهوج = وبعض العرب ماتميز بينهم والنعاج
ماكل بيتً مساييره تجي فوج فوج = وماكل من يكتلي مخباه بالراس تاج
وشلون باب الدخول اليوم صاير خروج = وشلون ياكل فروخ الحر فرخ الزراج
اللي بنا قصر والسيسان ياناس عوج = اسهل صقوطه ترى من كسر قطعة زجاج
والادمي بالزمن يطمح بخضر المروج = يسعى لجلب القراح ولا يريد الهماج
والله حكم بالشريعه حفظنا للفروج = يالله تخيب وجيهً طامره للسياج
هذي قصيده فرس عنيتها بالسروج = لاثار عج الرمك تصهل بطيش وهياج
واخر كلامي صلاتي عد ماهاج موج = على اطيب الخلق وافضل من على الارض داج

يا سليل حمايه البارق....

المشاركة الأصلية كتبت بواسطة الوسام (المشاركة 49930) عبدالمجيد صح لسانك وبيض الله وجهكـ ... وتستاهل الناموس .. = سلايل < تصحيح املائي:0087:

يقال سليل المجد وليس سلايل المجد فسلايل جمع وقس عليها سليل حماية البيرق وحياك يالوسام ونفخر بتواجدكم بيننا