منتديات الموازين الرسميه

منتديات الموازين الرسميه (http://www.almouazeen.com/index.php)
-   ديــــــوان الشاعر عبدالرحمن العــــقيلي (http://www.almouazeen.com/forumdisplay.php?f=118)
-   -   وفــــاة شـقيــــقــتـــي في حـــــادث ســــــياره (http://www.almouazeen.com/showthread.php?t=21869)

عبدالرحمن العقيلي 28 - 12 - 09 12:55 AM

وفــــاة شـقيــــقــتـــي في حـــــادث ســــــياره
 
بسم الله الرحمن الرحيم


هذه القصيدة كتبتها في رثاء
شقيقتي ( ام بندر ) التي توفيت اثر حادث
مروري في تاريخ28/7/1426هـ سائلين المولى تبارك وتعالى ان يتغمدها بواسع
رحمته,, وان لا يريكم أي مكروه في عزيز لاتحرموها من دعاءكم,,دمتم بحفظ الله سالمين,,


ياعين هلي دمعتـك ليـن تقضيـنا=لدمع في بعض المواقـف شهامـه
ياعين كنتـي بالوعـد دوم توفيـن=ودرب الوفا دايـم لطبعـك علامـه
ابكي على اختي(بنت متروك) ياعين=وصافي دموعك سارعي باغتنامـه
ياعين اخوهـا ذاق مـر العذابيـن=مـن حـر فرقاهـا تكـدر منامـه
دمعك حرمني شوفها كـان تدريـن=ولانـي بشايفهـا ليـوم القيـامـه
عاى مشارف قبرهـا يـوم تبكيـن=يوم الكفن والحنـط فكـو حزامـه
الدمع غطـى ناظـرك ماتشوفيـن=من دونها غطـاك مثـل الغمامـه
سوي على كيفـك مثـل ماتسويـن=مايلحقـك باغلـى خواتـي ملامـه
السبت في تاريخ تسعـه وعشريـن=اخر رجب سته وعشريـن عامـه
جاني خبر قال امس بين الصلاتين=عصيرقبـل الليـل يوفـي ظلامـه
حصل تصادم والجماعـة سليميـن=الا(ام بندر)ماكتـب لـه سـلامـه
بغى يتوقـف خافقـي والشراييـن=والجسم عيـت لاتشيلـه عظامـه
تدفن صلاة الظهر والظهرهالحيـن=ومشيت قبل انـه يخلـص كلامـه
ساعـه وساعـه باقيـه ماتكفيـن=قـل للمـؤذن ينتظـر فالاقـامـه
وصلت مع لحظة خروج المصليـن=والدرب باهل الخير زاد ازدحامـه
والناس واغلبهم من الربع الادنيـن=اللـي يسلـم منتبهـت لسـلامـه
ولحظة وصول الغاليه بين غاليـن=ياحي جسم(ن) خف ريش النعامـه
الله يوسـع فالقبـر ليـن ترضيـن=بمر العزيز اللـي رفيع(ن)مقامـه
وفي جنة الرحمـن فـي دار عليـن=تسكن مع اهل الحسن والاستقامـه
بين القطـوف الدانيـه والرياحيـن=وانهار من حولك وريـح الخزامـه
يشهد لها ربي والاقصى والادنيـن=وكل القرايب من خـوال وعمامـه
ارضيتي الله والبشرعنك راضيـن=يلي رحيلـك يـوم جمعـه ختامـه
جريح يا(مساعد)وانا في جرحيـن=واللـي يلومـك يستحـق الملامـه
تبغى العزا مني وانا مـن يعزيـن=كني رضيع(ن)عند حـزة فطامـه
قال المثل ماحد(ن)يوص الحريصين=اوصيك لين البـدر يكمـل تمامـه
قل للصغيره للجـرس لاتروحيـن=النـاس فيهـا يامساعـد غشامـه
من خوف لاتسئل يقال امهـا ويـن=يعنى بمعنى مختصر(ويـن مامـه)
لافيه من يسئل ولا النـاس داريـن=والهم يسـري فالضلـوع اللتهامـه
لجة ضلوعي لاذكرت الصغاريـن=من لابس الشيله وراعـي العمامـه
قل للولـد تكفـى وللبنـت تكفيـن=ممكـن يعـوض يتمهـا بابتسامـة
لاشك انـا مايكتـب الله يرضيـن=وحلو الكراء ماظنـى اقـدر انامـه
الضيف يكرم في ديـار الكريميـن=وكرامـة الله مابعـدهـا كـرامـه

أبن مصاول 28 - 12 - 09 01:14 AM

رد: وفــــاة شـقيــــقــتـــي في حـــــادث ســــــياره
 
صح لسانك يا أبو حمد وقصيدة كلها شجن ورثائية تلمس شغاف القلوب لشجنها المفرط

تسلسل في الأحداث ولا أروع وقد جعلتنا نعيش لحظات وداع أختكم رحمها الله في اللحظات الأخيره قبل دفنها وهذا ان دل فيدل على صدق المشاعر التي تتجلى دائماً في شعر الرثاء..


رحم الله أم بندر وأسكنها فسيح جنانه

الفارس 28 - 12 - 09 01:25 AM

رد: وفــــاة شـقيــــقــتـــي في حـــــادث ســــــياره
 
رحم الله ام بندر وجعل مثواها في جنات النعيم .. صح لسانك على هذه القصيدة المحزنة

أم الأمير 28 - 12 - 09 01:33 AM

رد: وفــــاة شـقيــــقــتـــي في حـــــادث ســــــياره
 
رحم الله أم بندر وأسكنها فسيح جنانه

عز الخوي 28 - 12 - 09 02:14 AM

رد: وفــــاة شـقيــــقــتـــي في حـــــادث ســــــياره
 
صح لسان عبدالرحمن العقيلي والله يرحم ام بندر ويسكنها الجنه

سالم رباح 28 - 12 - 09 07:27 AM

رد: وفــــاة شـقيــــقــتـــي في حـــــادث ســــــياره
 
رحم الله أم بندر وأسكنها فسيح جنانه

سالم رباح 28 - 12 - 09 07:27 AM

رد: وفــــاة شـقيــــقــتـــي في حـــــادث ســــــياره
 
رحم الله أم بندر وأسكنها فسيح جنانه

ملفي الميزاني 28 - 12 - 09 10:06 AM

رد: وفــــاة شـقيــــقــتـــي في حـــــادث ســــــياره
 
الله يرحمها ويسكنها فسيح جناته,,,وصح لسانك ياعبدالرحمن

الطويل 28 - 12 - 09 11:23 AM

رد: وفــــاة شـقيــــقــتـــي في حـــــادث ســــــياره
 
صح السانك يابو احمد . ورحمة الله ام بندر .

عــزيـز النفــس 28 - 12 - 09 11:46 AM

رد: وفــــاة شـقيــــقــتـــي في حـــــادث ســــــياره
 
صح لسانك أخي عبدالرحمن على القصيده

رحم الله أم بندر وأسكنها فسيح جنانه


الساعة الآن 05:34 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها