الا يالحبيب ابلا ممازح ولا تعبيط=دخيل العيون السود حبل الوصل مده
حرام الجفاء والصد والهجر والتحنيط=وحراماً عليك الي معك تنقلب ضده
علامك تفحط بي كذا فالهواء تفحيط=وتجرح خفوقاً صادقاً معك في وده
وانا العاشق الي ما نوى فيك بالتفريط=من القلب احبك لو نيتك مسوده
ترى بحر حبك قد توسطت به توسيط=وبهذلني التوسيط مع جزره ومده
حبيبي احيط احيان واحيان لا ما حيط=بسبت جمالاً فيك متعدين حده
لاكن انت اضنك يالغضي ناوي التمغيط=تغيرت واجد ياهواء البال لك مده
انا انسان يالغالي لي احساس ما ني حيط=ابعطيك كلمه والغطاء منك لي رده
اذا كان حبك بأول الوقت لي تخطيط=فلا انته كفو للحب والله ولا قده
وذا كان تلعب لعبت المزح والتوريط=انا الاعب الي يلعب النار في يده
وذا كان ما بيديك حلن ولا تربيط=انا في يديني حل ملعون ابو جده
واذا كان تقصد شي ياحلو ياخطيط=ترى الحق مهما ضاع راعيه بيرده
اقوله ونا برنامجي كامل التضبيط=تعلمت به كيف اتخارج من الشده
نبي كل شئً كاش ونخلي التقسيط=ومن كل باباً ريح نرتاح وانسده
حبيبي بلا تجريح خل الجروح اتخيظ=وذا ما تبي قل ناوي الهجر والصده
تبيني هلابك ما تبيني مهف امقيط=مهف ومراح امقيد ورشاه في عده

الله يامحمد
صح لسااااااانك ملاييييييين ولاهنت
:049:
وبعدين وين الناس لا جوال ولامنتديات
لكن عالعموم
نص فآخر يامحمد فلله درّك

إحترامي