منتديات الموازين الرسميه

منتديات الموازين الرسميه (http://www.almouazeen.com/index.php)
-   الشعر العام والفصيح (http://www.almouazeen.com/forumdisplay.php?f=34)
-   -   رحلة (http://www.almouazeen.com/showthread.php?t=703)

meedo_132 12 - 07 - 07 02:47 PM

رحلة
 
بديت بسمك يامغيث الملاهيف
في رحلتي واني العزيز السميعي
مجري سفينتنا بليا مجاديف
فيها ركب كافر وسني وشيعي
عمري مسافتها من السيف للسيف
من شاطي المولد لميناء البقيعي
رحله بدت بي والاظافرغضاريف
امشي بأثر قومن سلفهم نجيعي
يوم الحوادث بالليالي مضاريف
جاهل وعندي كل شي طبيعي
في ضل عودن سهل البيت للضيف
عيد الركاب ان شح راعي القطيعي
وقت المجاعة والمعيشه تناتيف
منصا الجماعة مدهلن للجميعي
زبن الدخيل اليا شكاله من الحيف
يصخر له الصعبات حتى تطيعي
وان دقت الغاره بقومن مذاريف
والخيل بالشردان راحت مزيعي
والهيج من دون البكار المشاعيف
حطب المهند والثميدي يميعي
في ساعتن غيها تضيق المحاريف
والخيل تصبح حيل عقب الضريعي
يارد على حاض المنايا اليا عيف
ستر الصبايا للعديل شفيعي
يومن الليالي تنشف الريق تنشيف
والاش ما ينفق ببنت الشجيعي
ودار الزمان بعلم ولي التصاريف
قدر فراق منه قلبي وجيعي
بالموت فرق له قلوبن مواليف
وفرقا الفريق امره عليه فضيعي
وخيل سحابن والدفاتر له الريف
زهام رعاده لبرقه لميعي
مشيه ركود ولا تهزه عواصيف
ركز خياله وان تعدى يريعي
وهلت دموع اقلام حزني ذواريف
غيثن تسقابه دماث وفريعي
يوم القلم جالي على غاية الكيف
بين اصبعيني ضامنه ما يتيعي
اخلد الواقع عن الكذب والزيف
واسجله بالذاكرة لا يضيعي
سيرت حياتي ياروات السواليف
وداعت التاريخ والله وديعي
لي قصتن تذهل عقول العواريف
يشري بهل العاقل سنين ويبيعي
الوقت في ميله سهوم شواحيف
تطرح سهومه كل صامل بتيعي
ومن لا رفو ميلت زمانه كوانيف
لو جاء يعدل ميل ما يستطيعي
قلبي يهز من الضلوع المهاديف
لو ما تهادى شالهنه جميعي
عليه من سود الليالي مواحيف
عجف السنين يشيبن الرضيعي
ماني بشكاين للتعب والتكاليف
لا والله اطا فوق عظمن منيعي
اسج رجلن لاحيتها الحناتيف
حافي قدم وادك شوك النقيعي
ودربي طويل وخالي النزل ومخيف
ياوي دربن وايقت به كل ريعي
ان صار لي بالدرب عوق وصواديف
جسرن على الشدات بالي وسيعي
الطيب عزم وشوح جد وعجاريف
دربن يودي للمكان الرفيعي
يملكني الطيب ببذل المعاريف
واحارب اللي ينكرون الصنيعي
والقلب توميبه هبوب الشفاشيف
تلعب به الحايه وعوده نسيعي
تلفي عليه هموم بقعا جناديف
مستوطنات القلب صيف وربيعي
وختامها ماهل مزنن مراديف
على نبين جاء للأمه شفيعي

سلطان القحم 12 - 07 - 07 03:11 PM

رد : رحلة
 
ان صار لي بالدرب عوق وصواديف
جسرن على الشدات بالي وسيعي
الطيب عزم وشوح جد وعجاريف
دربن يودي للمكان الرفيعي
يملكني الطيب ببذل المعاريف
واحارب اللي ينكرون الصنيعي

صح لسان شاعرها .. وتسلم يمينك اخوي .. meedo_132 .. على هالنقل .. تقبل مروري.

دلـــوعــــة الـــمهـــد 13 - 07 - 07 08:06 AM

رد : رحلة
 


صــــــــــــــــ لسانك ــــــــــــــــــــــــــــــــــــــــــــح

صــــــــــــــــ لسانك ــــــــــــــــــــــــــــــــح

صــــــــــــــــ لسانك ـــــــــــــــــــــــح

صــــــــــــــــ لسانك ـــــــــــح

مــــيـــدووو

ابو سعران المريخي 14 - 07 - 07 01:07 AM

رد : رحلة
 
صح السان الشاعر يعطيك العافيه على النقل

أبن مصاول 17 - 07 - 07 09:00 AM

رد : رحلة
 
بديت بسمك يامغيث الملاهيف=في رحلتي وانت العزيز السميعي
مجري سفينتنا بليا مجاديف=فيها ركب كافر وسني وشيعي
عمري مسافتها من السيف للسيف=من شاطي المولد لميناء البقيعي
رحله بدت بي والاظافرغضاريف =امشي بأثر قومن سلفهم نجيعي
يوم الحوادث بالليالي مضاريف=جاهل وعندي كل شي طبيعي
في ضل عودن سهل البيت للضيف=عيد الركاب ان شح راعي القطيعي
وقت المجاعة والمعيشه تناتيف=منصا الجماعة مدهلن للجميعي
زبن الدخيل اليا شكاله من الحيف=يصخر له الصعبات حتى تطيعي
وان دقت الغاره بقومن مذاريف=والخيل بالشردان راحت مزيعي
والهيج من دون البكار المشاعيف=حطب المهند والثميدي يميعي
في ساعتن فيها تضيق المحاريف=والخيل تصبح حيل عقب الضريعي
يارد على حاض المنايا اليا عيف=ستر الصبايا للعديل و شفيعي
يوم الليالي تنشف الريق تنشيف=والاش ما ينفق ببنت الشجيعي
ودار الزمان بعلم ولي التصاريف=قدر فراق منه قلبي وجيعي
بالموت فرق له قلوبن مواليف=وفرقا الفريق امره عليه فضيعي
وخيل سحابن والدفاتر له الريف=زهام رعاده لبرقه لميعي
مشيه ركود ولا تهزه عواصيف=ركز خياله وان تعدى يريعي
وهلت دموع اقلام حزني ذواريف=غيثن تسقابه دماث وفريعي
يوم القلم جالي على غاية الكيف=بين اصبعيني ضامنه ما يتيعي
اخلد الواقع عن الكذب والزيف=واسجله بالذاكرة لا يضيعي
سيرة حياتي يارواة السواليف=وداعة التاريخ والله وديعي
لي قصتن تذهل عقول العواريف=يشري بها العاقل سنين ويبيعي
الوقت في ميله سهوم شواحيف=تطرح سهومه كل صامل بتيعي
ومن لا رفو ميلة زمانه كوانيف=لو جاء يعدل ميل ما يستطيعي
قلبي يهز من الضلوع المهاديف =لو ما تهادى شالهنه جميعي
عليه من سود الليالي مواحيف=عجف السنين يشيبن الرضيعي
ماني بشاكن لتعب والتكاليف=لا والله اطا فوق عظمن منيعي
اسج رجلن لاحيتها الحناتيف=حافي قدم وادك شوك النقيعي
ودربي طويل وخالي النزل ومخيف=ياوي دربن وايقت به كل ريعي
ان صار لي بالدرب عوق وصواديف=جسرن على الشدات بالي وسيعي
الطيب عزم وشوح جد وعجاريف=دربن يودي للمكان الرفيعي
يملكني الطيب ببذل المعاريف=واحارب اللي ينكرون الصنيعي
والقلب توميبه هبوب الشفاشيف=تلعب به الحايه وعوده نسيعي
تلفي عليه هموم بقعا جناديف=مستوطنات القلب صيف وربيعي
وختامها ماهل مزنن مراديف=على نبين جاء للأمه شفيعي

أخوي ميدوووووووو قصيدة أكثر من رائعه بل فريدة من نوعها ليتك تمدنا بأسم قائلها حتى نعرفه لأن من يقول مثل هذه الدره يجب أن يخدم أعلامياً...

نسقت القصيدة وصححت كثيراً من الأخطاء الإملائيه.....

ان صار لي بالدرب عوق وصواديف=جسرن على الشدات بالي وسيعي
الطيب عزم وشوح جد وعجاريف=دربن يودي للمكان الرفيعي
يملكني الطيب ببذل المعاريف=واحارب اللي ينكرون الصنيعي
هذه الأبيات أعلاه تسوي القصيدة كلها....

وهذا البيت:

ودربي طويل وخالي النزل ومخيف=ياوي دربن وايقت به كل ريعي

مكسور....وهو ليس من الشاعر فالشاعر من الواضح انه شاعر مجيد ولكن اعتقد انه من النقل..

مشكور اخوي ميدوووو وما قصرت

أخوك ابن مصاول


الساعة الآن 07:01 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها