ماخْبل من ابن الذيب غير الشبرمي=من بعد ما كانت قصايدهم جزال
كانت تشفّق حرفها كبودٍ ظمي=واليوم داسوا في كرامتها النعال
يا حيف صاروا مثل تحريك الدمي=بيدين جاهل ما يميّز بالمقال
في غلطته ما حاسبوه الفهمّي=اليا وطا حيد الجهالة بالجدال
بانت معادنهم بصرف البرطمي=من دون ما تصل المزارق والقتال
في كل موقف بان طبع الادمي=ما بين زين وشين يبقى له مثال
والشعر له وجهين وجه الميسمي=والثاني الما للظما عذبٍ زلال
والناس لا بكمٌ ولا صمّ وعمي=سمعو وشافوا فالوسائل ما يقال
والله لامْسك كل كلمة في فمي=ان كانها ترد لكمة لي عدال
واعرف متى يحين صرف المحزمي=فالموقف الغصّاب يا حظّي تعال
واصرف من الموت الحمر وارمي رمي=ما خاب رمي الحق لا جاله مجال
العود الازرق في محلّه ينتمي=للطيب والغالين ما فيه احتمال
واليا وضعت الجمر فوقه يحتمي=واليا انحرق يزداد طيبه للرجال
ثابت ولاهو مثل سوق الاسهمي=تنزل نسب لا صار فالدنيا اختلال
والحرّ لا شاف الطيور الرخّمي=يبقى مكانه عاليا عن الهزال
واليا نزل لها يجي لها سمي=لو قيل صقر وْلاعْتلى روس الجبال
ماخْبل من ابن الذيب غير الشبرمي=من يوم داسوا شعرهم تحت النعال

نعم هم داسوا شعرهم تحت النعال للأسف..