منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر "أبن الشاعر" (http://www.almouazeen.com/forumdisplay.php?f=146)
-   -   عرش الخفوق وملكته (http://www.almouazeen.com/showthread.php?t=30466)

ابن الشاعر 07 - 06 - 10 11:21 PM

عرش الخفوق وملكته
 
ارجو من جميع الاخوه قبول مشاركتي التي اتمنى ان تلامس القلوب قبل العيون ولكم اجل التقدير

صحيح لكرمت الكريم امتلكته=وقل الوفا ماينبت الا اسود النبت
عـزاه ياعرش الخفوق وملكته=تاجـك محله لو خطيت وتسببت
ياقلب مشروهك طريقٍ سلكته=قدكان بعيونك وعر شمّخه خبت
سريت ليلن ماحسبت لحلـكته=حتى لمعـلي نجمته ليلــة السبت
اثــرالليـالي من تعـزه هلـكته=وانا احسبني من مكاديرها طبت
يوم انت من فوق المدار وفلكته=وانا معــك ادمح خطاياك ماتبت
واليوم خلك ل الزمان وكلكته=وانا بغادر ديـرة الضيـق والكبت

أبن مصاول 07 - 06 - 10 11:38 PM

رد: عرش الخفوق وملكته
 
صح لسانك يا ابو نواف وأبيات رائعه وبداية موفقه , والى الأمام يا أبن الشاعر الكبير و الشهير شقير بن عجل بن مصاول..

بالتوفيق ...وتشرفنا هذه الليلة بإنضمامك شعرياً الى منتديات الموازين الرسميه

ابن الشاعر 07 - 06 - 10 11:50 PM

رد: عرش الخفوق وملكته
 
اشكرك اخوي ابن مصاول على هالاطراء الغير مستغرب من شخصك والذي اسعدني كثيرآ وتقبل تقديري

ملكة القوافي 08 - 06 - 10 12:26 AM

رد: عرش الخفوق وملكته
 
صح لسانك أخوي ابن الشاعر

أبو بندر 08 - 06 - 10 12:45 AM

رد: عرش الخفوق وملكته
 
اثرالليالي مـن تعـزه هلكتـه
وانا احسبني من مكاديرها طبت
يوم انت من فوق المدار وفلكته
وانا معك ادمح خطاياك ماتبـت

صح لسانك واعتلى شانك اخوي ابن الشاعر قصيده اقل مايقال فيها انها من الشعر الغني بالمفردات النادره التي قل ماتتردد على مسامعنا في الوقت المزحوم بالشعر ولكن اين ابحرت بنا بهذه الرائعه يابن الشاعر شدني اسلوب هذه
القصيده التي اتيت بها وجاء في اولها توظيف مثل بالقصيده باسلوب راقي وهو الاسلوب الاستدلالي الجائز شعري
واعجبني كثيرا اعتزازك بذاتك رغم عمق الالم الذي استشفه من نوافذ هذه القصيده التي تكاد ان تكون مغلقه الاعلى
متذوقي الشعر الاصيل (يوم انت من فوق المدار وفلكته _وانامعك ادمح خطاياك ماتبت )يدع هذا البيت القارئ يعيش
جو القصيده ويتامل فيه الكم الهائل من الوفاء اخوي انقل لك اعجابي وتقديري (واهم شي اشادة الاستاذابوضيف الله)

مجري خضر 08 - 06 - 10 01:43 AM

رد: عرش الخفوق وملكته
 
صح لسانك مبدع صراحه اعجبتني كثير

الحميدي بن فارس بن مدلج 08 - 06 - 10 07:41 AM

رد: عرش الخفوق وملكته
 
صح لسانك ابن لشاعر والله لاايهينك مبدع تحياتي لك

ابن مشدد 08 - 06 - 10 10:08 AM

رد: عرش الخفوق وملكته
 
صح لسانك يابونواف وبدايه رائعه سعدنا بنظمانك لصرحنا الشامخ وننتظر الاجمل

ابن الشاعر 08 - 06 - 10 12:03 PM

رد: عرش الخفوق وملكته
 
اشكرك اخوي ساكب الحرف على ان عطرت مشاركتي بهذا الزخم من العبارات التي اشبهها ( بموناليزا ) الاطراء والتي تنم عن احساسك بما قرأت وملامستها لوجدانك . واسعدني مرورك

ابن الشاعر 08 - 06 - 10 12:12 PM

رد: عرش الخفوق وملكته
 
اشكرك اخوي مجري على الاشاده بالقصيده . ويسعدني مرورك


الساعة الآن 04:33 AM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها