|
ياللي ملكت القلب
ياللي ملكت القلـب حتـى تمكنـت=الحال من فرقاك صـارت خطيـره وشفيك عني مختفي ماتبينت=خليتني مـا بيـن ضيقـه وحيـره من كثر ماأحبك على حبك أدمنـت=واللي يحبك ويش تالـي مصيـره أسرح مع الهاجوس وارجع كما كنت=واعوم في دوامة مستديره ماكن اشوف من البشر قدمي الا انت=تفتح لي الأوهـام قصـه مثيـره أليا ذكرتك ضاق صـدري وحزّنـت=الهـم دايـم والسعـاده قصـيـره ليتك تجي وتشوف بالعين لاهنـت=حالي وفـي مثلـك تضيـع البصيـره لاجيت أروح يسار عنّـي تيامنـت=حيرتني واقول بالامـر خيـره وش عاد أسوي لو معي ماتضامنت=في حق نفسي جات غلطـه كبيـره أنشهد أنك فـي عذابـي تفننـت=حتـى الكبيـره تعتبرهـا صغيـره . |
رد: ياللي ملكت القلب
صح لسانك يالحميدي
|
رد: ياللي ملكت القلب
استاذي القدير الحمييدي ... اثريتنا برائعة من روائع قصائدك الرومانسية فيها تعبير راقي للحب بكلمات بسيطة ومترابطة المعاني سلسة الاسلوب وهادى ليس بجديد دووووووم تمتعنا ... لك مني جزيل الامتنان والشكر دمت بخير وعافية
|
رد: ياللي ملكت القلب
صح لسانك يا أبو خالد وقصيدة نخبويه من شاعر النخبه , أبدعت فيها كالعاده حتى أننا كنا نتمنى ألا تختم القصيده .
هناك أشعار رائعه و سهلة الوصول للمتلقي مثل هذه نحرص على قراءتها والأستمتاع بها. تقبل مروري و أستمتاعي بقراءة هذه المميزه |
رد: ياللي ملكت القلب
صح لسانك أخوي الحميدي بن فارس بن مدلج
|
رد: ياللي ملكت القلب
صح السانك ابو خالد
|
رد: ياللي ملكت القلب
اقتباس:
صح بدنك اخوي العلي لاهنت يعطيك العافيه |
رد: ياللي ملكت القلب
اختي أسعدني مرورك العطر ومشكوره على كلامك واعجابك بالقصيده
الله يعطيك الف عافيه وصح بدنك اختي الهاشمية تحياتي لك |
رد: ياللي ملكت القلب
اخوي المبدع/الحميدي صح لسانكـ ورفع الله شانكـ إبداع،إبداع،إبداع في قمة الروعه مره ثانيه اخوي الحميدي اقولكـ صح لسانكـ حتى ترضى أخيراً تقبل مروري مع وافر تقديري وإحترامي |
رد: ياللي ملكت القلب
صح لسانك اخوي الحميدي على هالابيات الرائعه والجميله
|
| الساعة الآن 09:41 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
