منتديات الموازين الرسميه

منتديات الموازين الرسميه (http://www.almouazeen.com/index.php)

- الأشعار المنقولة لشعراء الموازين (http://www.almouazeen.com/forumdisplay.php?f=92)

- - ياصاحبي وينك (http://www.almouazeen.com/showthread.php?t=42199)

ياصاحبي وينك

مساكم خير انقل لكم هذه الابيات للشاعر الشاب ماجد مهنا باين الزنغوب اتمنى ان تنال على اعجابكم

ياصاحبي وينك وانا وين هالحين = كلاً على دربه يسوق الركايب
ماشافتك عيني لك شهور وسنين = وليا تلاقينا ركزنا الحرايب
ياصاحبي والدمع من محجر العين = ينزل وكنه ماطرات السحايب
البارحه والناس هجع وممسين = ذكراك ماغابت ولو كنت غايب
اتلى العهد به راح في يوم الاثنين = يوماً لفى كله عليه مصايب
واليوم له ياصاحبي فوق عامين = وقلبي بعد ماقفا من الشوق ذايب
وقلبي اللي كن يطعن بسكين = زادت همومه والجروح العطايب
حبه سرى فدم وسط الشرايين = وريحه يفوح اليا اقبلن الهبايب
حلفت لكتب في سموه دواوين = واكتب لجل عينه ولو كنت شايب
قالو تتوب وقلت بعدين بعدين = حتى على راسي تحط النصايب
قالو علامك قلت حب الشقيين = النفس ماطابت ولا الجرح طايب
قالو تشوفه قلت هووين هووين = ودي بشوفه لكن الحظ خايب
قالو نعرفك منت تابع مقفين = قلت اسكتو ماني عنه دوم تايب

رد: ياصاحبي وينك

صح لسان شاعرها قصيده جزله
ولايعنى عدم مرور الاعضاء
عليها بانها قصيده سيئه
بل ابداع ابداع واتمنى من الجميع
أن يقفون وقفة اعجاب لهذه القصيده
الجزله وشاعرها
اشكرك اخي متعب على انقل المميز كالعاده

رد: ياصاحبي وينك

صح لسان شاعرها وسلمت يد ناقلها

رد: ياصاحبي وينك

قصيده رائعه تسلم اخوي على نقلك
يعطيك العافيه~~

رد: ياصاحبي وينك

صح لسان الشاعر ماجد مهنا اخوي متعب القصيده جميله جدا جدا ولو ان لي تحفظ على تحول صيغة الخطاب في القصيده حيث بدأت القصيده بتوجيه العتاب للمقصود بالقصيده ثم حولت الشكوى للمتلقي وهذا أخرجنا من الجو اللذي رسمه في بداية قصيدته ستكون أكثر جمالا لو استرسل لكان النص اكثر جمالا اذا كان هوالمقصود فلوسمحت لي اخي متعب ...
اتلى العهد بك رحت
واليوم لك
وقلبي بعد ماقفيت بالشوق ذايب
حبك سرى
وريحك
في سموك
لجل عينك

الا توافقني الرآي في ذالك وطبعا اخوي متعب انا أحترم شاعرية الاخ ماجد ولاأنتقصها ولاكن لجمال مفردات هذا النص تعمقت بقراءته وطبعا الاشكاليه بحرف الهاء فقط والا النص ومفرداته قليل من الشعراء من يجيدون حبكها فلها طابع جمالي خاص وهذا رأيي الشخصي ويمثلني لكي لايظن البعض اني تطاولت على قصيدة الاخ ماجد تقبل أعجابي بالنص لك تقديري
دمت بخير

رد: ياصاحبي وينك

صح لسنانك ياخوي متعب على القصيدة الجميلة جدان وبتفيق ناشالله