ياهمّي ليـا سيّـرت مالـك عـذر وأسبـاب=تعـرّف المشاعـر لـك صحيفـه وكتـابـه
احسّك رحاتً مستديره لهـا ألـف احسـاب=طحنـت الضميـر ونـار بلـواك شبـابـه
تصبـر خفوقـي مـن سوايـاك فيـه وذاب=ولافيه عام يمر والحزن ماصابه
لا نامـت عبـادالله بليلـه قمرهـا غــاب=هجدني سحـاب ادمـوع عينيـن صبابـه
تـرادم طفَلّهـا ثـم خيّـل علـى الأهـداب=رموز الوفـا فـي عبـرة الشـوق لأحبابـه
لاجيت امتطي صهوة حصاني حشى ما أرتاب=لـو المفـردات وحـوش وأفكـاري الغابـه
اصخّر بيوت الشعر وأجـذب لهـا الجـذّاب=وأطيـر فـراش الـورد لأجـل ايتغنـابـه
وأنا احسب ضلوعي دون قلبي ذرا وحجـاب=وأثرهـا لجـرح القلـب معـبـر وبـوابـه
اعيـش بحيـاة ً بايسـه عيشـة الاغـراب=ولا فيه سِلّـم وصـل حتـى انـي ارقابـه
ياعـزي لبيت العز ونشيلت الاطـنـاب=كمـا كـف ناقـص منـه خنصـر وسبابـه
رحل منـه غالـي ذكرياتـه قلـم وكتـاب=عـزاي القلـم والشعـر فـي مـدة اغيابـه
ترى القلب طير ويشبكـه فالشبـك مخـلاب=ياكـم حـر صـاده فالشبـك راس مخلابـه
لـو الآدمـي يعلـم خفايـا الليالـي شـاب=ثنـا وإرتكـى بالحـق مـاجـاه طـلابـه
الا يالله اغفـر كـل زلات عـبـدً تــاب=خضع لـك ذليـل وخوفـه الذنـب وعقابـه

الله..الله..الله شعر راقي جداً

صح لسانك يالعقيلي ولا فيك حيله أبد