بسم الله الرحمن الرحيم



هذه القصيده موجهة للاخ العزيز : نادر العزيزي

القنص

نبغا لنا يومن علئ غير الايام=قنص وتجول وسط نجد العذيه
مع خوتن فيهـآ يطبن الاسقام=تبري الجروح المرمسات السطيه
خوه شرف با المرجله جد ولزام=ماهي بخوة هاص ولا شريه
سمح القبال مطوعن كل الاخصام=نعم الرفيق ونعم ربعه سويه
نبعد عن الديره وعن شوف الاقزام=وشوف الفياض الخضر ورضه نديه
في ديرتن مداجهـآ زيد وحزام=ولا داجهـآ رجل الصبي والرعيه
فيها الحباري والضبا ضمن الاقسام=والخافي اعظم فى الجبال الذريه
وليا وصلت لمقصد النفس يا دهام=وبثيت نبض الدار من كل نيه
وقف وجهز وانت للخير مقدام=وزهب سلاحك ورم هاذي وذيه
وطاح الغداء عن باس قطعان الاغنام=والنفس يانادر لها قابليه
شفلك مكان وشب نارك تشعام=شبت سمر ماهي شبت قشيه
نزل دلالك واضبط البن مدام=من بن صنعاء حط لنا شويه
نبا نطير يافتى راس الاعسام=فنجالهـآ فنجال ماافيه زيه
من كف شغمومن اليا قا م ماقام=فني قنص مافيه رجلن حليه
حرن ورث طيبه من اخوال واعمام=مجابها من سوق طيبه عريه
وجده وابوه محطمت كل الارقام=وعزيز ربعه ينطحون السريه
ومن بعدها يا زين توثيق الاعلام=في مجلسن فيها السوالف طريه
ماهي سوالف قيل حاسد ونمام=على خويه مثل نارن لظيه
الا علوم العز في دين الاسلام=وهرجن على الطاعه ونفسن زكيه
والشعر لنا فيه مسرى ومجهام=انصخر القيفان والنار حيه
من بينا ولا على الناس صيام=ولا نلحق الغايب قصور وخطيه
تم الكلام وراع القنص مولام=وهذا هواء نفسي وهذا هنيه
وصلو على اللى بين الدين بحكام=نبينا الفاضل له ازكى تحيه

الشاعر / متعب بن عايض بن باين الزنغوب

صح بدنك اخي الكريم

وتسلم على المرور الرائع

مشكورين جميعن على مروركم

وتعليقكم الرائع


ودمتم بصحه وسلامه