منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر جساس الميزاني (http://www.almouazeen.com/forumdisplay.php?f=105)
-   -   ضدالرصاص وكل شغله بفنا (http://www.almouazeen.com/showthread.php?t=9429)

جساس الميزاني 26 - 12 - 08 11:43 AM

ضدالرصاص وكل شغله بفنا
 
الله من قلبن اهمومه سرنا = مسرى السباع اللي مع الليل جياع
من كثرهمه فالضلوع استكنا = كنت ازرارن ضاغطن فوقه اصباع
الله على اللي جمركه من وطنا = جكسارن ابيض ماركب فوقه اشراع
صمم من اليابان تخصيص لنا = لويدفع الراعيه مليون ماباع
ضدالرصاص وكل شغله بفنا = وسع الغماره عشره امتاروذراع
لمبات طبلونه انجوم اسهرنا = ومصممله بوصله جنب مذياع
عشره اقيوره لامشاعشقنا = خمسه تماتيك ابتصاميم صناع
توانك خمسه تشيل الف طنا = يمشي بها شهرين لوسايقه ضاع
وديتره مصنوع تملاه دنا = وجنب الاديترخانه الغسل الامتاع
عشره شكامينه سويرطننا = يسمع صداها من ورا اجبال ورياع
وصوت المراوح لحن كاضم يغنا = ولمبات نوره كنها اعيون خداع
اليانتهض ثم الكفردرجنا = يشبه لفرخن شايف الجول نزاع
سواقه اللي فالطلب ماتونا = سبع السباع اللي مع الليل قطاع
لاعسعسة خم الدجا ماتونا = نايف طبيب الجرح من عقب الوجاع
لكن ماني تاركن عزوتنا = باخذمعي مخلد ومعه ابن رفاع
وخالدوتركي يبعدالضيق عنا = وربعن لهم بالطيب شهره ومنباع
نبا اربوعن ذودهم شرق عنا = شرق القواعيه وراشرفت القاع
ربعن تخلط الهيل من فوق بنا = حمايت الذيدان من كل طماع
بقيادت اللي يدحم الخصم عنا = ابوبنش ريف الخطاطيرالاجياع
وخالي بنش واللي معه ذخراهلنا = راع القعود اللي على ذكره ايشاع
وعبدالله ملفاهن ليادرهمنا = حدب الركاب اللي مراكيبها ابتاع
وذوي امناجا اللي على دربهنا = عفرن يحالن الغرانيق وقاع
ودي بهم لوالليالي حدنا = اذن عني تنجلي كل الاوجاع

الشاعرجساس بن فارس الميزاني

أبن مصاول 27 - 12 - 08 01:27 AM

رد: ضدالرصاص وكل شغله بفنا
 
ضدالرصاص وكـل شغلـه بفنـا=وسع الغماره عشـره امتـاروذراع
لمبـات طبلونـه انجـوم اسهرنـا=ومصممله بوصلـه جنـب مذيـاع
عشـره اقـيـوره لامشاعشقـنـا=خمسه تماتيـك ابتصاميـم صنـاع
توانك خمسـه تشيـل الـف طنـا=يمشي بها شهرين لوسايقـه ضـاع
وديتـره مصنـوع تمـلاه دنــا=وجنب الاديترخانه الغسـل الامتـاع
عشـره شكاميـنـه سويرطنـنـا=يسمع صداها من ورا اجبال ورياع

صح لسانك يا جساس وقصيدة طيبه من وجه طيب وصراحة بالأبيات أعلاه أثبت أن هذا الجيب مصمم فقط لكم أنتم

ضد الرصاص,طول غمارته عشرة امتار وذراع,وعشرة قيوره , توانك تشيل الف طنا,يمشي بها شهرين!!وديتره تملاه دنا!! عشرة شكامينه !!

ثم تقول:

اليانتـهـض ثــم الكفردرجـنـا=يشبه لفرخن شايف الجـول نـزاع

ولكنني اعتقد انه بعد ان يحمل الف طن من الوقود وأديتر تملاه دنا سوف يكون من الصعب أن يطير إلا ان كان طيارة بوينج هههههههههههههههههههه .

قصيدة جميله وصح لسانك يا أبوفارس

أخوك أبن مصاول

جساس الميزاني 27 - 12 - 08 01:01 PM

رد: ضدالرصاص وكل شغله بفنا
 
شكرا اخوي بن مصاول على مرورك اما موضوع الجيب هوجيب مخصص لقبيلة الموازين بمواصفات بوينق

الفيصل 27 - 12 - 08 01:45 PM

رد: ضدالرصاص وكل شغله بفنا
 
اقتباس:

عشـره شكاميـنـه سويرطنـنـا يسمع صداها من ورا اجبال ورياع
ياخوي بتروع العالم بصوت موترك ؟؟؟


صح لسانك ياجساس فانت شاعر مبدع

وقصديتك فيها ابداع وخيال واسع

تقبل مروري الفيصل

صبي التوحيد 27 - 12 - 08 04:12 PM

رد: ضدالرصاص وكل شغله بفنا
 
صح لسانك يابو فهد وياليت تضيف رد نايف مع الشكر

جساس الميزاني 27 - 12 - 08 08:40 PM

رد: ضدالرصاص وكل شغله بفنا
 
هذا ردالشاعرنايف بن عطاالله بن شامان الميزاني
سرياقلم لجل الرفيق المعنا = ورسم مكاتيبي بتحريك الاصباع
الصاحب اللي في زمانه تعنا = ونحى عليه البعد والوقت لواع
مادمت مشتاقن لشوفت ضعنا = ودك بربعن للنواميس طماع
اركب على جكسارنا لكتملنا = وخل الطرف لدريولن يرمع ارماع
وازهل مخاسيره ومايخرنا = تغييرزيت وحط تشحيم الاذراع
جيبن جديدوعدته جهزنا = تسعه اقيور وقيرهزازهزاع
رسمت شطرطونه جديلن امحنا = يلفح به الغربي على خدلماع
ونجيت من قدمه بعيرن امثنا = ورفارفه فوق الكفارات هناع
من شان صافوق الهواء عكفنا = صنعت على رسمت اكروكي وصناع
ونوار غازن باالطلب صممنا = لجل المساري والمخاليق هجاع
رسمت على حجت هنوفن تمنا = شوفت عشيقن فول الخيل بتاع
وقزازتين بموخريلمعنا = وعشرين شمه تحتهن تلمع الماع
واليا لمس فرامله يالعنا = تشبه لجمرن فاخرالليل شعشاع
وليا نقرت اسويتشه ثم دنا = دنت حمامن قاعة البير سجاع
وقيوره العشره لياحركنا = من قوماطوره يبا يقلع اقلاع
نسري عليه وخاطرك مرجهنا = نقطع تهاتيه الخرايم والابتاع
والصبح عند اربوعنا لن وصنا = ويطيح من همك تخاميس ورباع
في وسط ربعن هرجهم ماشحنا = وسوالفن يطرب لها كل سماع
ولياقربنا للوجاروركنا = صبيت من صفرن على الجمر ركاع
مع حيدنجرن حسيته ولمنا = يناشه المهوى يجيله تصرقاع
وصبيتلك يابوفهدماتمنا = حليب عفرن عشرت عقب مرباع
والعصر نلحق ذودنا ونتهنا = ونمشي مع ارضن عشبها اشكال ونواع
وتشوفهن فالصبح يازرفلنا = زرفال ذيبن معطين خشم مخواع
وتسمع بتال الليل بكرن تحنا = حنن يجرالقلب من بين الاضلاع
كله سبب من بالبدوولعنا = ومن حبهن فالقلب تسعين مرقاع

هذارد الشاعرنايف بن عطالله بن شامان الميزاني

بنت مطير 27 - 12 - 08 08:46 PM

رد: ضدالرصاص وكل شغله بفنا
 
يعطيك العافيه

أحمد الميزآني 27 - 12 - 08 09:28 PM

رد: ضدالرصاص وكل شغله بفنا
 
صح لسانك


قصيده جميله جدآ اعجبتني كثيرآ

فيصل القحم 28 - 12 - 08 11:37 AM

رد: ضدالرصاص وكل شغله بفنا
 
اخوي الغالي جساس

صح لسانك وبيض الله وجهك

لاهنت يالنشمي

بانتظار جديدك

تقبل مروري

اخوك فيصل

خـالـدالـمـيزاني 24 - 02 - 10 02:55 PM

رد: ضدالرصاص وكل شغله بفنا
 
صح لسانكـ واعتلى شانكـ
يا أبو فهد اللهـ يعطيكـ ألف عااااافيهـ


الساعة الآن 10:06 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها