خلاص مالك في ضميري ولا شي=ولاعاد لك فالقلب مثقال ذره
صح ان حبك كاوين ضامري كي=وصح ان بعدك ياوليفي مضره
لكن انا باطا على قلبي اشوي=قررت بعدي عنك ياحلو مره
مالي ومالك وانت مالك ومالي=كلن وشأنه ياضبي المجره
ذوقتني يازين موتي وانا حي=وضريتني ياحلو عقب المسره
حبك طواني طي طياً على طي=وازداد قلبي حرّ من فوق حره
عليك وجدي وجد ضامن يبا المي=بارضً خلا وقطوع ماحداً يمره
الوجد ما ظني يرد امر مقضي=قضي الأمر يازين خيره وشره
دايم تذكر واحداً فيك مبلي=حبك دخل دولاب قلبه وفره
وحاله غدا سبة محبتك مبري=هذي سنه والقلب حبك يجره
محبةً بالذل الله ولا هي=حب المذله لأ لأ والف مره

وصح ان بعدك ياوليفي مضره

صح لسااانك يا الذيب

قصيده جزله من شاااعر جزل بمعنى الكلمه

قمت الابدااااع هناااا ....... ابو ماااااجد لا زلت ارااهن عليك وشهاادتي فيك مجرووحه

فى انتظاااار جديدك بكل شوووق

دمت بحفظ الرحمن,,,,,

و

مع الشكر