|
قصيدة للشاعر / زبن بن ثامر الميزاني
هذه ابيات شعرية بمناسبة سخرية من احد الشباب لمجموعة من الشيبان عندما كانوا يسترجعون ما مضى لهم في الصيد وطرد الصيد فالزمن الماضي وذلك بقوله انكم ليس بفيد الصيد ....
ورد عليه الشاعر زبن بن ثامر الميزاني يقول:
بديت انا رجم طويل معداه=اطرا علي مامضى قبل شيبي يازين مطلاعه ويزين مبداه=عز الله ان القلب جاب الحضيبي في موقع خالي ولاطبته شاه =لاقال مصبح فيه نزله عزيبي مافيه غير الصيد حنا طردناه=مستتبعين اللي تضد الحريبي عقب الجفيل عيارهن طرحناه=ما خنت حبتها سهمها يصيبي انشهدن الصيد منها وجبناه=يوم الضعيف ما يطب الشعيبي ما ياصله ياكود منهو خاواه=متخوف والقلب دايم ارعيبي اليوم يضحكبي كبير معلباه=مايعرفون المخطيه والمصيبي ينهض بصوته فالمجالس مخاقاه=ما خاف ربه لبسه كل عيبي ما قيل عان الضيف عنده وشرواه=وماهو مراقب دورهم ما يغيبي يرقد ثلاث اوجاب والنوم مكفاه=متفاخر بالنوم ماهو غريبي ماهو كما اللي يعطي الحق من جاه=يخشى من المنقود حراً وديبي ان جاهم المحتاج يازين ملفاه=حصل جواب مثل شرب الحليبي يرتاح قلبه واكثر الهم ينساه=من جالس الشجعان همه يطيبي ولا الردي تقصر عن الطيب يمناه=يحدا عن الماجوب راد النصيبي ان جوه شمطان اللحى غثبرو ماه=حصل من الشجعان كلمة يهيبي |
رد: قصيدة للشاعر / زبن بن ثامر الميزاني
صح لسأن شاعرها وتسلم يميـن ناقلها.
تحيتي. :) |
رد: قصيدة للشاعر / زبن بن ثامر الميزاني
صح لسان الشاعر زبن بن ثامر وسلمت اخوي كنق ثرب على نقلها لنا وصراحة وفى وكفى في هذا الشاب اللي قاعد يتطاول على هولاء الشيبان ولا يعرف أن الصيد هو رياضة النبلاء..
لي ملاحظة في بداية القصيده وهي قول الشاعر : بديت انا رجم طويل معداه ؟؟؟؟؟؟؟؟؟؟؟؟ .............. عقب الجفيـل عيارهـن طرحنـاه ما خنت حبتها سهمهـا يصيبـي انشهـدن الصيـد منهـا وجبنـاه يوم الضعيف ما يطـب الشعيبـي ما ياصله ياكـود منهـو خـاواه متخوف والقلـب دايـم ارعيبـي الأشطر الأولى والتي لونتها بالأحمر بها مشكله واعتقد فقط بسبب النقل فبالنظر الى القصيدة إجمالاً نرى اننا نقف امام شاعر متمكن وقصيدة جزلة لا يمكن ان يقع في هذه الكسور . فليتك اخي تعيد كتابة القصيدة من جديد مع الأحتراس من الأخطاء الإملائية أو نقص الأحرف والكلمات أبن مصاول |
رد: قصيدة للشاعر / زبن بن ثامر الميزاني
صح لسان الشاعر وشكرا لك كنق ثرب |
رد: قصيدة للشاعر / زبن بن ثامر الميزاني
ماشالله من متى صارشاعر؟
|
رد: قصيدة للشاعر / زبن بن ثامر الميزاني
صح لسان الشاعر وشكراً للناقل
مع تحيات الراسي |
رد: قصيدة للشاعر / زبن بن ثامر الميزاني
اليوم يضحكبي كبير معلباه=مايعرفون المخطيه والمصيبي
ينهض بصوته فالمجالس مخاقاه=ما خاف ربه لبسه كل عيبي ما قيل عان الضيف عنده وشرواه=وماهو مراقب دورهم ما يغيبي يرقد ثلاث اوجاب والنوم مكفاه=متفاخر بالنوم ماهو غريبي ماهو كما اللي يعطي الحق من جاه=يخشى من المنقود حراً وديبي ان جاهم المحتاج يازين ملفاه=حصل جواب مثل شرب الحليبي يرتاح قلبه واكثر الهم ينساه=من جالس الشجعان همه يطيبي ولا الردي تقصر عن الطيب يمناه=يحدا عن الماجوب راد النصيبي ان جوه شمطان اللحى غثبرو ماه=حصل من الشجعان كلمة يهيبي كل القصيده جزله خصوصا هذه الابيات صح لسان الشاعر زبن بن ثامر الميزاني ( ابومحمد ) ومشكر ياكنق ثرب على هالنقل الرائع وبالتوفيق |
رد: قصيدة للشاعر / زبن بن ثامر الميزاني
اقتباس:
لاتظلمين حضك يابنت مطير قاهرة الغير زبن ثامر شاعر ومتمكن والي اعرفه ان قصايده بمناسبة وبالتوفيق انشاءالله |
رد: قصيدة للشاعر / زبن بن ثامر الميزاني
صح لسان الشاعر
ومشكور أخوي كنق شـكــ وبارك الله فيك ـــرا لك ... لك مني أجمل تحية . |
رد: قصيدة للشاعر / زبن بن ثامر الميزاني
صح السان الشاعر يعطيك الله العفيه اخوي كنق ثرب
|
| الساعة الآن 09:55 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
