منتديات الموازين الرسميه - هذا قصيدي وينهم ناقدينه ؟

ياشعر ذا حالي وحالك من سنين
والحظ عاثر والسبب جاهلينه
نكتب بدم عروقنا والشرايين
ولالقينا غير هم وغبينه
احلامنا شابت على ضفة المين
وايامنا مرت علينا حزينه
واللي وهبني خالقي حامي الدين
اني لأفك قيود عبره سجينه
واطلق سراح الهمهمه والعناوين
واسج في عرض الفضا والمدينه
مالي مع اللي في عماها مقيمين
لي الحروف ونظمها والسفينه
اقطع بها بحر الشعر والدواوين
ماهبت كبر الموج وملاطمينه
واليوم جيت وقلت عند الموازين
علم القصيد وشعرنا كاتبينه
كتبت من شعري على القاف بيتين
هذا قصيدي وينهم ناقدينه ؟