راكب اللي تطير من المطار=عقب شبو عليها بالسعير
يوم طارت مثل فرخ الحرار=قبل ترفُع لزوم(ن) تستدير
مامشت فالصحاري والغبار=فالفضاء مسكوها خط سير
قادها كافرٍ يشرب سكار=والمساعد عوين وله خشير
عاش دنياه واخرته دمار=يالله العفو من ذاك المصير
ان مشى الليل ولا بالنهار=عارفن سكته قبل المطير
الفخامه لها حطت اشعار= والكراسي ملبستن حرير
منوت اللي بعيدين الديار=منتوين السفر لوهو خطير
يوم وصلت مداها فالطيار=من تعب ينسدح فوق السرير
فوقها واحدً عني يسار=شفت زوله كبير وهو صغير
جيت اقدم عليه الاعتذار=كيف تجلس بجنبي مايصير
قال ابويه عليه مايغار=راقدً خلفها جاله شخير
قلت ابوها بضني مستعار=كان ابوها حقيقه هم دشير
ثم قامت تعاكسهم اجهار=والله إنا نبا عنها الفرير
ماتعرف الحمار من الصفار=لوحة الوان حايسها ضرير

أنت في الأبيات أعلاه تشجع على السفر وخاصة آخر بيت وكأنك داري أن لنا أكثر من سنة لم نخرج من السعوديه :wavetowel2:

المشاركة الأصلية كتبت بواسطة ابن مصاول الميزاني (المشاركة 297794) الله الله صح لسانك يا أبو نافع قصيدة جزله من شاعر جزل في رجولته وطيبه وكرمه ومثل ما قال ابن مصاول انت في ابياتك الاولى تشجع على السفر وأنا تشجعت على السفر لكن معك يا أبو نافع في ديار اخوان نوره الله يعطيك العافيه يا عميد شعراء الموازين عامه تقبل احترامي وتقديري

المشاركة الأصلية كتبت بواسطة ملكة القوافي (المشاركة 298150) صح لسانك أخوي مسند مازن الزحزوح