منتديات الموازين الرسميه

منتديات الموازين الرسميه (http://www.almouazeen.com/index.php)
-   ديــــــوان الشاعر عبدالرحمن العــــقيلي (http://www.almouazeen.com/forumdisplay.php?f=118)
-   -   قصيدة في الشيخ كايد العقيلي (http://www.almouazeen.com/showthread.php?t=24735)

عبدالرحمن العقيلي 17 - 02 - 10 06:39 PM

قصيدة في الشيخ كايد العقيلي
 
بسم الله الرحمن الرحيم


قصيدة في
الشيخ:كايد العقيلي

http://www.almizany.info//uploads/im...481eddf079.jpg
الشيخ: كايد العقيلي (أبوطلال)



اذا عصاك القاف حده على الجال= لاتتركه حتى يطاوعك مجبور
ديني ودين الشعر لاصال ثم جال= وليا بدا اللازم بدا يلف ويدور
سنّه مثل سَن القنا اقفاي واقبال=وان ماعرفت اسم القنا؟سَن ساطور
زلزل حروف الشعر بالشعر زلزال=اللي صفا يصفي وماراح معذور
اكتب وقل والرجل يصدق ليا قال=ومدح الملا زود(ن)على حقوقها زور
ولا تشتكي همك على اى رجال= ماكل رجال(ن)يبدي لك الشور
اقصد كريم اليا حداك اشهب اللال= واخذ الحذر لاتشكي الجور للجور
احذر غشيم(ن)ماطرا لك على البال=ينطق بها والناس من حوله حظور
تراك منتب ناقص(ن)حكي عذال=يزداد همك وانت من قبل معثور
اتعيش بزمه مالها أي حللال=معقده مثل ازمة اقليم دافور
اصبروحس بقيمة الصبر لوطال=تراك من ربي على الصبرماجور
واذا بغيت الراي؟ياطيّب الفال=اقرب واخذ لك راي وافي ومقصور
ملفاك من ملبوس تاج الشرف نال=(كايد)ليا ذكرو هل الراي والشور
مادربه عوده على جمع الاموال=رابي ببيت بسيرة الرب معمور
ازبن بظل مسلية كل مهتال=اللي لهم معنى الوفا وافي شبور
يازين ملفاهم لياجيت مرسال=عصير والا الصبح مع طلعت النور
لمقدمة بيته معاميل ودلال=وعود(ن)يعج ازرق من السور للسور
يشفي لك جروح(ن)عليها الزمن حال=بفنجال هيل مع اشقر البن مديور
راعيه شيخ للابته قيف وظلال=وافي ومن شوفة طراقيه مسرور
ابشر بفزعه ماتبي حذفة عقال=اركد ولو انك من الضيم مقهور
ولا قال كيف الحال قله عن الحال=وخل الامر لمبدل الحزن بسرور
وكايد ليا كادتك عسرات الاشكال=الكايد لكايد مبسط وميسور
افعاله تنومسك واقواله افعال=(كايد) على حل الصعيبات دكتور
اليا سمع همك لشكواك يشتال=وجميع ماتبدي عن الناس مستور
يراقب الرحمن في كل الاعمال=صدره وطن لاضاقت بهمك صدور
حلحيل تغلب حيلته كل محتال=الحق عنده حق والظلم مقبور
الله من هم(ن)على يدينه انزال=ومن خاطر(ن)يظحك بعد كان مكسور
يوقف نهار مشيّبت روس الاطفال=في وقفة(ن)فيهاعلى الجاير يجور
رجل(ن)خلق يامر وينها له ارجال= ولياعرفته قلت منهي ومامور
من التواضع صرح عالي للامثال=فيه التواضع جد عن جد مذخور
ومن الكرم حاتم على الارض مازال=الا؟؟لحاتم يبدي الراي ويشور
وفي ساحة اهل الطيب فارس وخيّال=له هيبة(ن)منها اسحم السبع مذعور
مالوم من سمو على(كايد)عيال=صقور لكن نظرة صقور لصقور
تدرون؟ لوللي بعرش السما عال= واخاف من شي(ن)من الدين محذور
لصعد قمم وانحت صخرواطع جبال=اصعد جبال الارض وجّمّع ضخور
وانحت عليها اسمه من الكاف للدال=واضيف من تحت الاسم جملة سطور
حتى يضاف لمجد تاريخ الابطال=ويبقى بعدنا عصور وعصور وعصور
تحكي به اجيال(ن)ورانا للاجيال=والمجد ياخذ منه للمجد دستور
يابنت يلي معك قلب العنا مال=من شوفتك كني على نار تنور
ام الجديل اللي على المتن ميال=لاشفتها ودك تقدم لها ازهور
ادري نظرها؟يم(كايد)وتختال=تحلم تبنى بسمه احلام وقصور
منتي بحوله بينك وبينه اميال=تدرين كم يبغن كايد من الحور؟
غيرك بنات انواع واصناف واشكال=واللي مثل شرواك خمسين طابور
(كايد)ترجّّح كفته كل معدال=ويعطي مؤشر وزن تنبيه محظور
ماهو غرور؟الا كذا(كايد)لحال=وليا بغيت تقول مغرور؟مغرور
مادام ابن عمي لحمل الوفا شال= يحق لي لاصابني موجة اغرور
والله لاكتب عنه من ضاف الاطلال=مادام لي عزوه ولي دم(ن)ايفور
اكتب كلام الصدق والصدق ينقال=محلا الشعرلاصارمن صادق شعور
لحظة ذكرت اسمه بدا الشعر ينهال=استغفر الله ظني الشعر مسحور
ياشيخ لاسمك لاحت بروق وخيال=غرب الحطيم وغرب قمة جبل ثور
وامطر على راسي تقل وبل همال=شي(ن)كتبت وشي مازال منثور
وابل شعر لو مر واد الرشا؟سال=ويجلس ثمان سنين سايل وممطور
من الثنا ماتنثني دونك حبال=ومنك الردا مجفي ومنفي ومهجور
ومنك الوفا ياخذ مساحه ومنزال=ومنك السموحه لاحصل مني قصور

قاسم الزراقي 17 - 02 - 10 06:46 PM

رد: قصيدة في الشيخ كايد العقيلي
 
ولا تشتكي همـك علـى اى رجـال=ماكـل رجال(ن)يبـدي لـك الشـور
اقصد كريم اليا حداك اشهـب الـلال=واخذ الحذر لاتشكي الجـور للجـور
احذر غشيم(ن)ماطرا لك على البـال=ينطق بها والناس من حوله حظـور


بيض الله وجهك ويستاهل الشيخ كايد ها القصيدة
ولا هي غريه من شاعر أُسطورة
بيض الله وجهك ابو حمد

عبدالرحمن العقيلي 21 - 02 - 10 09:43 PM

رد: قصيدة في الشيخ كايد العقيلي
 
وانت ايضا بيض الله وجهك على المرور ياقاااسم

وشهادتك دااااائما مصدر فخر

وتقبل تحياتي

أبو راكان 21 - 02 - 10 09:48 PM

رد: قصيدة في الشيخ كايد العقيلي
 
صح لسانك يابوحمد.ويستاهل الممدوح المدح

ابن صحران 21 - 02 - 10 10:06 PM

رد: قصيدة في الشيخ كايد العقيلي
 
صح لسانك يابوحمد.ويستاهل الممدوح المدح


ولا هنت

عــزيـز النفــس 22 - 02 - 10 10:30 PM

رد: قصيدة في الشيخ كايد العقيلي
 
صح لسانك أخوي عبدالرحمن

خـالـدالـمـيزاني 22 - 02 - 10 10:48 PM

رد: قصيدة في الشيخ كايد العقيلي
 
صح لسانك اخوي عبد الرحمن العقيلي

عبدالرحمن العقيلي 24 - 02 - 10 11:30 AM

رد: قصيدة في الشيخ كايد العقيلي
 
اقتباس:

المشاركة الأصلية كتبت بواسطة أبو راكان (المشاركة 253608)
صح لسانك يابوحمد.ويستاهل الممدوح المدح

صح بدنك يابو راكان

وتتاهل الطيب

تقبل تحياتي

عبدالرحمن العقيلي 24 - 02 - 10 11:31 AM

رد: قصيدة في الشيخ كايد العقيلي
 
اقتباس:

المشاركة الأصلية كتبت بواسطة ابن صحران (المشاركة 253630)
صح لسانك يابوحمد.ويستاهل الممدوح المدح


ولا هنت



صح بدنك يبن صحراااااان


وتستاهل الطيب


تقبل تحياتي

عبدالرحمن العقيلي 24 - 02 - 10 11:32 AM

رد: قصيدة في الشيخ كايد العقيلي
 
اقتباس:

المشاركة الأصلية كتبت بواسطة عــزيـز النفــس (المشاركة 254157)
صح لسانك أخوي عبدالرحمن

صح بدنك وتقبل تحياتي


الساعة الآن 02:18 AM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها