منتديات الموازين الرسميه

منتديات الموازين الرسميه (http://www.almouazeen.com/index.php)
-   الشعر العام والفصيح (http://www.almouazeen.com/forumdisplay.php?f=34)
-   -   خاطره .. وقصيده (http://www.almouazeen.com/showthread.php?t=32690)

ابن الشاعر 29 - 07 - 10 02:00 AM

خاطره .. وقصيده
 
السلام عليكم ورحمة الله وبركاته
بقلم صــديــق لي واحببت نقلها لكم اتمنى ان تنال اعجابكم...


اولا .. انا اعجبتني هالخاطره وكتبت عليها قصيده ..واتركم معها ...


اخليكم مع الخاطره اول ...!!

تدري إذا البنت عشقت وش ممكن يصير؟!
يوووه...
لوتدري وش عشق البنات؟!
موت وحياة..
وأشياء أبد ماتنوصف..
تبي تعرف البنت إذا دشت هوى؟!
تنثر لها دمعة حلوه..
تشبه لحبات المطر..
بس دافية حييييل..
وتشتري لها شمعة لونها وردي..
وتفرح إذا هي تحترق..
وتجلس بغرفتها كثيير ..
تصحى
وتنام
ودايم كسل..
تضحك شوي..
وتبكي شوي..
وتقول أحيانا كلام..
هي نفسها ماتفهمة..
وتشتري لها دفتر جديد..
وتكتب عليه بعض الطلاسم والحروف ..
والباقي كلة شخمطة ..
وتغير العطر القديم...
..وتكرة ملابسها القديمة
وتموت بالليمون..والشاهي الخفيف
وتقرى شعر كلة غزل وتقول:
يوووه.. الله على عشق البنات ياحليلهم
مرة يحبون الهوى وإذا دخلوة ضاعوا ومادلوا الطريق
أمشي على شط الهوى وشوف البنات
هذي غرقانة..
وهذي تصيح..
والثالثة تمشي وتطيح..
وبحر الهوى مايرحم أحد..
يموت في قتل البنات
تقوووول
حبيبي!!!..
تدري بشي..
أنا بصراحة خايفة..
أخاف يوم تتركني على حال الطريق
وترحل بعيييد ... ... ...
وتصبح مثل باقي الرجال ماتفهم قلوب البنات.
وتقوووول
تدري وش يصير..!؟!
والله لأموت من القهر,, وآخذ عزا كل البنات!
وأكتب رسالة للقمر,,
وأقوله: ...
لاتنخدع من الرجال...
مهماوصفوك ..
ومهماتغنوا في بهاك..!
باكر يخلونك تموووت من القهر
مثل البنات .....

إلى كل شاب متلاعب بمشاعر البنات .....؟


يالــــي خذيــت الهـوى وناســه وفلـــه

تضحك على ساره وتلعب على منيفـــه

خــــل التلاعـــب ياميــت القلــب خلــــه

لا وفّــــق الله من هــذي ســـواليــفـــه

حب الرهيـــفه قبـــل ماتحب خــاف الله

خـــل النـــوايا بضميــــرك دايم نظيـفــه

وش ذنـــبهـــا حـــبتــك من قلـــبها كلـــه

مــاتدري انــك عــديم احســاس ياجيفـه

البـــنت دمــع الهــوى من نسمه تـهلـــه

كما الفـــراشه رقيـــقه حيــل ورهيــفــه

احساسها احساس شاعر حاضنن خله

واشواقها اشـــواق من ودّع مــواليفــه

جـــرّب اذا فيـــه يومـــن صابتـــك عــله

شوف الوفــا كيف عمــره لجلك تعـــيفـه

تمــلك مشـــاعر تــنش القلــب وتبــلـــه

الله علــى حــــبها لا صـــار مــن كيــفـــه

حـــرام فـــي هالبـــراءه سيفك تســلــه

ارحــم قبـل لا يجـي من يعدمك سيــفــه

وخـــــل التــلاعــب ياميــت القلــب خــلـه

لا وفّــــق الله مــن هــذي ســوالــيـفــــه


وسلامتكم ....




محــــار 29 - 07 - 10 02:29 AM

رد: خاطره .. وقصيده
 
يسلمو خيو ع الكلام الرائع

ملكة القوافي 29 - 07 - 10 03:56 AM

رد: خاطره .. وقصيده
 
خاطرة مميزة وجميله أشكرك على نقلها وصح لسانك أخوي ابن الشاعر

ابن الشاعر 29 - 07 - 10 04:46 PM

رد: خاطره .. وقصيده
 
اقتباس:

المشاركة الأصلية كتبت بواسطة محــــار (المشاركة 340158)
يسلمو خيو ع الكلام الرائع

مشكوووور اخوي محار ويسلم مرورك ...

فارس المصاوله 29 - 07 - 10 04:49 PM

رد: خاطره .. وقصيده
 
مشكور أخوي أبن الشاعر

أبن مصاول 29 - 07 - 10 05:10 PM

رد: خاطره .. وقصيده
 
خاطرة جميلة ومعبرة ونشكر صديقك على هذا الطرح كما نشكرك يا ابو نواف على إدراجها كمدخل للقصيدة ..

القصيدة جميلة جداً واعجبني البيت الذي يقول:


وش ذنـــبهـــا حـــبتــك من قلـــبها كلـــه=مــاتدري انــك عــديم احســاس ياجيفـه

وما اكثر هولاء الجيف الذين لا يعرفون من الحب إلا حروفه الثلاثة أما غير ذلك فلا يعرفون من الحب إلا الرغبة فقط , بعيداً عن الحب الحقيقي .

ولكن وكما ان هناك جيف فهناك بنات سطحيات تحب شخص فقط لشخصيته أو انه وسيم!!!او انا معجبة به فقط !!! بل ان اكثرهن يذهبن لأكثر من ذلك الى حب الشخصيات التلفزيونيه وهو حب هزلي بعيد عن الحب الصحيح وهو حب الأرواح والحب العفيف الصادق بدون إنتظار أي مقابل.

ولكن وما اكثر من يحب اكثر من واحدة ويضحك عليهن جميعاً فيتلاعب بقلوب العذارى وربما يكسر القوارير بتلاعبه هذا الذي فيه كثير من الأنانية وحب النفس والوصولية بغض النظر عن الحب الحقيقي..

هذا زمنٌ تغيرت فيه المفاهيم بعيداً عن قول طلال السعيد:

الفاتـنـات الغالـبـات المغـالـيـب
يامـا عشقناهـن و يامـا عشقـنـا
عشـقٍ يثلـب ثومـة القلـب تثليـب
يجبـرك تسهـر بالكـرى مـا تهنـا
عشقٍ يهـذب مولـع القلـب تهذيـب
مـا يلتفـت لا شـاف غصـنٍ تثنـى
حنا دخلنا الحـب مـن غيـر تدريـب
حـب الوفـا والا الـردى مـا شحنـا
يشهد علينـا اصحابنـا و الاجانيـب
يامـا خذينـا الحـق منهـن مثنـى
و بالرغم من ذلك حفظنـا المواجيـب
و حنـا سترناهـن و هـن ستـرنـا
نحفظ عهدنـا لا نشهـر و لا نعيـب
علـى العهـد وافيـن ولا يـوم خنـا
على النقـا حـبٍ بعيـدٍ عـن العيـب
نمشي مماشي الصـدق مـا عذربنـا
ندخل بطيب و عقبهـا نطلـع بطيـب
هــذي مماشيـنـا و لا عيـبـنـا
حب الوفا مـا فيـه شـكٍ ولا ريـب
قولـوا لحـب اليـوم وشلـون كنـا
حـب النشامـا عارفيـن الأسالـيـب
حـبٍ بعـمـدان الشهـامـة يبـنـى

سعوديه عزيزة نفس 29 - 07 - 10 05:37 PM

رد: خاطره .. وقصيده
 
نقل متميز ومختلف بنفس الوقت
فيض ودي~

ابن الشاعر 30 - 07 - 10 12:00 AM

رد: خاطره .. وقصيده
 
اقتباس:

المشاركة الأصلية كتبت بواسطة ملكة القوافي (المشاركة 340237)
خاطرة مميزة وجميله أشكرك على نقلها وصح لسانك أخوي ابن الشاعر

مشكوره اختي ملكه على مرورك الجميل ........

أبو بندر 01 - 08 - 10 10:18 PM

رد: خاطره .. وقصيده
 
مشكور اخوي ابن الشاعر على النقل
خاطره وقصيده رائعه جدا
تسلم على النقل
دمت بخير

درة الموازين 02 - 08 - 10 08:47 AM

رد: خاطره .. وقصيده
 
اشكرك اخي ابن الشاعر على الابداااع ...
الخاطره حميله والاجمل القصيده ... ويعطيك العافيه .......


الساعة الآن 03:00 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها