بدون عنوان
 

عديت لي مرقاب ياوي مرقاب
مرقب عقاب غير مرقب حنادي
مرقب عقاب يودع الدم صباب
منه الحرار يصيبهن جتلادي
اللي يحط بعين الاخصام مشهاب
ويدق مسمارن بكبد المعادي
وانا مع اللي علمهم صدق وآداب
وانته مع اللي شيلوك الهوادي
رزلين نذلين يحوشون الاسباب
وسوو لنا خطك علي غير قادي
غنيت شعرن نايلن منه الاعجاب
لكن عكسه صار ضدك نكادي
اما تنازل ثم جنب تجناب
والا لمثلك محتسين القيادي
يانذل ما تفهم وغشوك الاصحاب
من غشهم عيدت قبل العيادي
يضحك بوجهك ضحكتن من طرف ناب
من ضحكته جاء عندك الجو هادي
ودخلك بالخيشه وحطك وراء الباب
وتراه والله منتقدك انتقادي
عوض ينادي مير محدن له اجاب
وشغله وحقه مستحله بجادي
وانتها سببها الله يعرضك الاسباب
يا ابو حقب ياللي عن الدرب غادي
ترى ابرق الجنحان للصيد ما جاب
ولاهو بصايد خايف انه يصادي
افواهكم بالشين تطعن بالاحراب
ولو قلت اسد الدرب ماانته بسدادي
اسد وحنا اللي ضربناله حساب
وعدنا لها مجد الشرف يالربادي
ماهمنا فالناس حاسد وكذاب
يالبوم ماتنهد وقت الهدادي
ومن يعتمد على المخاليق قد خاب
وانا على المعبود كل اعتمادي
ومن يعرف الموضوع بقوليلي صاب
ياكود ملحد ينتجاهد جهادي
لن اعترضت الله يعرضك الانشاب
ولو تعند مانت قد العنادي
ضعيف عقل وضايعه فيك الاطباب
لعل مالك في عرفات المنادي
يانذل تبغالك على الخشم مشعاب
ان كان مانته عن الردى بمتهادي
والله لسويلك مناكح ومقلاب
ان كان زودت الردى والعنادي
ان طاب لك ذا العلم وان كان ماطاب
الشر لأهل الشر ربح ورشادي
ضاري على الشدة وضاري للالعاب
وعلى الذي نبغى نمس الشدادي
ان قلت شنعن منظري قلت ذا باب
والا انت كنك من بنات المهادي
كنك عروسه تدلهب تدلهاب
تمتاز في لبس الثياب الجدادي
في الجيب حطت عطرها ند واطياب
تبي من الصاحب تنال المرادي
مثل الغزز بين اللعيبات لاعاب
وشلون لعب المنسرد والسرادي
زينها ملا فيكم عسى فالكم طاب
معطرين وعطركم بالزبادي
رجعتلك برفقت خطابك خطاب
اقرا الخطاب وصفقوا بالايادي

تحياتي للجميع وعسى ان تنال اعجابكم :0091:

رد : بدون عنوان