يامرحبا بالي تعنى وجانا=ويلبي الدعوه بعد مادعيناه
في حفلةٍ يطرب لها من نصانا=وحنا نرحب كثر ماسارت خطاه
القرم دايم لحيته من لحانا=والنذل فعل الطيب ماهو بوياه
والي حضر في حفلنا مانسانا=مشكور في وصله ويشكر بمسعاه
من سلم جدانٍ عليها مشانا=تورثوه احفاد الاجداد بوصاه
وان قيل عوني قلت هذا ندانا=أحد رموزه سيف متعب وشلفاه
من ذخر مبلش ماتهونوا عدانا=كم شيخ قومٍ طاح والدم ينحاه
وكم سربة عافت اليا جات رعانا=عقيدها شاف الدويمع وخلاه
من عزوةٍ محدٍ يجي في حمانا=وليا تجرى دقلة الخيل تاطاه
والخايف الي يلتجي في ذرانا=اليا زبنا من عدوه حميناه
يشهد على ماقلت كل حدادنا=من واقع التاريخ حنى ذكرناه
والضيف حنا نركمه من صخانا=يلقى الكرم منا ولانبحث أقصاه
ومنا العلوم الطيبة لقصرانا=ومنا قصير البيت ياويل من جاه
واليوم في حكم الشريعه غطانا=حكم العداله كل شعب يتمناه
والجهل راح ومنه صافٍ سمانا=وكلٍ على ماقيل ياخذ بيمناه
وصارت قبايلنا سواة الخوانا=وحقد الجهالة كل أبونا نبذناه
والختم صلى الله على من هدانا=عقب الجهل ربي رحمنا بدعواه

المشاركة الأصلية كتبت بواسطة شلاحية مطنوخة (المشاركة 426774) قصيدة جزله من راسٍ جزل صح لسانك حتى ترضى اخوي الكريم مسند مازن الزحزوح ولا هنت على هالمصافحه الجزله بعد طول الغيبات ..

المشاركة الأصلية كتبت بواسطة ابو العز (المشاركة 427416) قصيده رائعه من شاعر رائع صح لسانك مسند على القصيده الجزله

المشاركة الأصلية كتبت بواسطة مواعيـ سراب ـدك (المشاركة 427428) صح لسانك يامسند على القصيده الجزله ويستاهل ابن صالح القصيده وبالتوفيق له في حياته ان شاء الله ويعطيك الف عافيه .. وبنتظار كل جديد منك

المشاركة الأصلية كتبت بواسطة ملكة القوافي (المشاركة 427446) صح لسانك أخوي مسند مازن الزحزوح