سلام ياخاتم زبون المجد ومن العايدين = سلام ياشبل المراجل والمواقف كلها
سلام ياسيف الوفا سلام يالقلب الفطين = سلام ياللي كل عقدة في الزمان اتحلها
جعله يعود العيد وانت من العباد الفايزين = ياالشامخ اللي لاعشقت الطايله تاصلها
انا أشهد انك قمة النوماس ياشهم الذهين = من سطوتك كل المواقف بسطر تحتلها
غانم تسد اللازمة ومن الرجال الغانمين = كل العلوم اللي تجمل في يديك اسجلها
لك وقفتين ينصر بها المظيوم يا الجنب المتين= عسى سنين العافية تقبلك وتقبلها
اسمك يابن موسم فخروالشك يقطع باليقين=من عزوتن روس الاعادي في اللقاء تذعلها
عز الله إنك ذخر للمطران ياليث العرين = والكايدة راسك ياشيخ الطايلة قدلها
انت الذي مواقفك لامالت الدنيا تبين = وانت الذي كل الحمول الجايرات اتشلها
وانت الذي من قو باسك قدمك القاسي يليين=وانت الذي كل العيون الحاسدات اتخلها
وانت الذي من عاندك حبه يبا يرجع طحين = مثل السيوف المرهفات اللي يروع سلها
طيب وطيبك من علي وروس الرجال الأولين =واف الخصايل والمدايح والنعم كفوًلها
نهجت مع درب العلآ والعاقبة للمتقين = بالمعرفة كبدن تعالجها وكبدن اتعلها
من لاذبك ينعم بزود ودونه الحصن الحصين = وعباتك اللي فوق كتفك يهتنا في ضلها
جودك مثل وبل المزون الينهمر منها الغشين =وفزعتك ياطير السعد دايم تجي في حلها
من يحتزمبك ياصل الهقوات والمولى يعين = وينال شفه والكبود اليابسات اتبلها
شخصيتك في المجتمع تاريخ ياذرب اليمين = كل اللوازم ياوسيع المعرفة عم لها
قسمك من اخيار القسوم وحشتها دنيا ودين = فاهم وتفرق فسوالف دقها من جلها
مجملك رب الملآ ومكملك فاالحالتين = شوق الهنوف اللي تبختر والقرون اتفلها
وأختامها سلام ياضرغام ومن العايدين = العذر ياشبل المراجل والمواقف كلها