الصاحب الي عليناطول غيابه = مانيب ناسيه لو انه تناساني

له مدةٍ منقطع مدري وش اسبابه= مدري زعل منه والاضاع عنواني

وانامفارق حبيب الروح مارضابه= مقدر على غيبتك ياسيد خلاني

لياذكرت العيون السود واهدابه= اقول يالله ياربي لاتبلاني

صحيح بالناس يوجد ناس جذابه= وصحيح بالناس رومنسي ووجداني

لكن قلبي مايرضا غير باحبابه= وليا نصحته على الباقين يعصاني

القلب ماغير خلي يكسب اعجابه= الصاحب الي بوسط القلب وحداني

لولا الحيا كان والله لاتعزوا به = واردد اسمه مع الاقصين والداني

ياليت ربي خلقني اقرب اقرابه= والا خلق داعج العينين ميزاني

الصاحب الي سلب عقلي وعيا به= حبه سرا في معاليقي وشرياني

حبٍ على سنة العشاق نبدا به= ومنزّهٍ عن كلام فلان وفلاني

والاغرام الجهاله مامشينا به = الي نهاية هواهم مقصدٍ ثاني

المشاركة الأصلية كتبت بواسطة دخيل الغلإ (المشاركة 181612) صح لسانك ابو عيسي ع الابيات الجميل ومتميز وفي طرحك ذووق وانتظر جديدك

المشاركة الأصلية كتبت بواسطة أبو راكان (المشاركة 181633) صح لسانك يابو عيسى .مبدع دائما.تقبل اعجابي

المشاركة الأصلية كتبت بواسطة الفارس (المشاركة 181649) حبٍ على سنة العشاق نبـدا بـه ومنزّهٍ عن كـلام فـلان وفلانـي والاغرام الجهالـه مامشينـا بـه الي نهاية هواهـم مقصـدٍ ثانـي ابداع يابو عيسى .. صح لسانك

المشاركة الأصلية كتبت بواسطة ابن مشدد (المشاركة 183430) هذي عليها طلابات واجد يابوعيسى <ههههههههههه صح لسانك وقصيده روعه