منتديات الموازين الرسميه

منتديات الموازين الرسميه (http://www.almouazeen.com/index.php)
-   ديوان الشاعر عبدالرحمن بن غلاب (http://www.almouazeen.com/forumdisplay.php?f=97)
-   -   تكفى يابو متعب ترا الناس تنخاك(كارثة جده) (http://www.almouazeen.com/showthread.php?t=20666)

عبدالرحمن بن غلاب الميزاني 03 - 12 - 09 03:41 PM

تكفى يابو متعب ترا الناس تنخاك(كارثة جده)
 

يالله يالي كلـــــنا نطـــــلب رضــــاك = يامن تجــــازي كل نفـــس بعملها
يالي على رايك يدور(ن) الافــــــــــلاك = تستر على جــــده وتلطف باهلها
وانت الـــذي في ساعة الضيق ننصاك = يامحصيٍ(ن) كل البشر وانت املـــها
تلــطــف بمنهم شارفـــو حوض الادراك = وكبــــود هم من فقد الاحباب ولها
شافـــــو قرايبهم على روس الاشـــواك = مناظـــــرٍ ماكلنـــــا نحــــتــملها
والمشكــــــله مابين هـــــذا وهـــــذاك = كلٍ يقــــــول الكارثه من عمــلها
ليت الخســــاره بالــــوثايق والاملاك = يمكـــــن مــــع الايام يلقـــا بدلها
بس المصيــــبه صار للــــدم سفـــاك = وكـلٍ يخفـــي فعلتــــه لافعـــــلها
ياخــــــادم البيتين والــــناس تنخـــاك = يامروض الصعبات وانته جملها
اللـــــــوم كله ياخـــونــوره تعــــداك = يامرجــــع البسمه على شفاه اهلها
ومرت بالتحقيــق يــــوم الخبرجــاك = وامــــرك يابو متعب يعـــدل خللها
الناس تنــظر يمــــنا لاعــــدمـــــناك = الي براس الضــــلع والاسهـــلــــــها
والعلـــم يارمــــز الرجوله مايخفاك = اهــــل الدول قامــت تجـــاوز دولها
والمملكه ياطير حوران بحمـــــــاك = ياخـــــــادم البيتين وانتــــــــــه بطـلها
وحنـــا نتفاخر فيك وايضا بشرواك = ياقـــــايد الامــــــه ومشفـــــي عللها
لكن مانبغــــــا هـــــــل الحقد تشناك = الشـــــله الي غارقـــــه في جهـــــلها
ان كان يوجــــدفعل فاعل وماادراك = اهــــل الكــــراسي والوساطات شلهــا
الي فعـــــايلهــم على الخــافي تحـــاك = وعـــن واجــبات النــاس والحـــق تــلــها
اوقـــف لهــــم وقفـــــت بطل تقهر عداك = وتلجــم هـــــل التحــريض وايا شـــللها
تكفــى يابو متعـــــب ترا النـــاس تنخــاك = يامــــروض الصعـــبـات وانتــــــه جمـــلها

علي حميدان الدجيما 03 - 12 - 09 06:05 PM

رد: تكفى يابو متعب ترا الناس تنخاك(كارثة جده)
 
وش بقول لك يابو عيسى والله انك اكبر من الكلام اللي بقوله

ولا انت محتاج لشهادتي ولاكن الله يوفقك

ووفيت وكفيت وقلت الكلام اللي حاصل فالمجتمع

ولاكن نحن قويين بالله ثم بالمليك الله يحفضه

تحياتي لك يابو عيسى

أبو راكان 03 - 12 - 09 06:19 PM

رد: تكفى يابو متعب ترا الناس تنخاك(كارثة جده)
 
صح لسانك يابوعيسى على هالقصيدة .عز الله انك وفيت وكفيت. وبيض الله وجهك

الفيصل 03 - 12 - 09 06:29 PM

رد: تكفى يابو متعب ترا الناس تنخاك(كارثة جده)
 
صح لسانك

والله يستر على اهل جده وانشاء الامل كبير بطويل العمر

عبدالرحمن بن غلاب الميزاني 03 - 12 - 09 07:13 PM

رد: تكفى يابو متعب ترا الناس تنخاك(كارثة جده)
 
اقتباس:

المشاركة الأصلية كتبت بواسطة علي حميدان الدجيما (المشاركة 204899)
وش بقول لك يابو عيسى والله انك اكبر من الكلام اللي بقوله

ولا انت محتاج لشهادتي ولاكن الله يوفقك

ووفيت وكفيت وقلت الكلام اللي حاصل فالمجتمع

ولاكن نحن قويين بالله ثم بالمليك الله يحفضه

تحياتي لك يابو عيسى

صح بدنك ياخالي ابوحسين

عبدالرحمن بن غلاب الميزاني 03 - 12 - 09 07:14 PM

رد: تكفى يابو متعب ترا الناس تنخاك(كارثة جده)
 
اقتباس:

المشاركة الأصلية كتبت بواسطة أبو راكان (المشاركة 204904)
صح لسانك يابوعيسى على هالقصيدة .عز الله انك وفيت وكفيت. وبيض الله وجهك

صح بدنك يابو راكان واشكرك على التنسيق

عبدالرحمن بن غلاب الميزاني 03 - 12 - 09 07:14 PM

رد: تكفى يابو متعب ترا الناس تنخاك(كارثة جده)
 
اقتباس:

المشاركة الأصلية كتبت بواسطة الفيصل (المشاركة 204912)
صح لسانك

والله يستر على اهل جده وانشاء الامل كبير بطويل العمر

صح بدنك اخي الفيصل

أبن مصاول 03 - 12 - 09 07:23 PM

رد: تكفى يابو متعب ترا الناس تنخاك(كارثة جده)
 
صح لسانك يا أبوعيسى وقصيدة جزله وانت تحري بالجزاله ..

ما حدث في جده هو شئ غير عادي ويجب ان يحرك دم كل من به دم فما بالك بالشعراء الذين المفروض يكون لهم تأثير بقصائدهم ويوضحون ما حدث هناك في ثناياها ..

انا مستغرب من شعرائنا عداك كيف لم يتفاعلوا مع الحدث وهذا حدث يؤثر في كل سعودي نبيل ولم أرى تحرك أيضاً فيما يخص الحوثيون ومناوشاتهم وما فعله أبطلانا في الجبهة هناك؟؟!!

وفي الأخير أقول صح لسانك يا أبوعيسى وهذا هو الشعر الذي دائماً يلامس المجتمع واحداثه وهمومه


والـمــشــكــلــه مـــابـــيـــن هــــــــــذا وهــــــــــذاك=كـــــــلٍ يـــقــــول الــكــارثـــه مـــــــن عــمــلــهــا
والله اللي عملها سوف تخرجه اللجنة العليا الذي شكلها البطل أبن البطل بإذن الله وقال سوف يحاسب كل من تسبب في هذه الكارثة كائناً من كان



ان كــــان يـوجـدفـعـل فــاعــل ومــــاادراك=اهــــــل الــكــراســي والــوســاطــات شــلــهــا
الــــي فعـايـلـهـم عــلــى الـخــافــي تــحـــاك=وعــــن واجــبــات الــنــاس والــحــق تـلــهــا






أيبالله يوجد خونة ومفسدين



أبن مصاول

عز الخوي 03 - 12 - 09 07:56 PM

رد: تكفى يابو متعب ترا الناس تنخاك(كارثة جده)
 
صح لسانك يابو عيسى وبيض الله وجهك على القصيده

بدر المينيح 03 - 12 - 09 08:11 PM

رد: تكفى يابو متعب ترا الناس تنخاك(كارثة جده)
 
صح السانك يابوعيسى


الساعة الآن 11:58 AM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها