منتديات الموازين الرسميه

منتديات الموازين الرسميه (http://www.almouazeen.com/index.php)
-   ديــــــوان الشاعر عبدالرحمن العــــقيلي (http://www.almouazeen.com/forumdisplay.php?f=118)
-   -   اكاديمي ستار (http://www.almouazeen.com/showthread.php?t=47388)

عبدالرحمن العقيلي 05 - 02 - 15 07:44 PM

اكاديمي ستار
 
امرحبامليون يـا نجـل الاحـرار=يبن الرجال اهل الخيول الاصيلـه
واهلا وسهلا بك عدد وبل الامطار=واعداد مالاحـت بـروق مخيلـه
بسمي وبسم الاهل غايب وحظـار=ارحب عدد تمر القصيـم ونخيلـه
الك القوافي يا ابيض الوجه تحتار=ما للجزيـل الا معانـي الجزيلـه
الك اتنقا طيـب الشعـر واختـار=وان ماصلح لي قـاف ادور بديلـه
انابـدوي وهوايتـي شبـة النـار=وابـوي قبلـي بالمراجـل دليلـه
انا ولد من يكرم الضيـف والجـار=ويسعى وراء المعروف بايت وسيله
يشهد له الاجواد في كـل الاقطـار=وافي ورمز(ن) للوفـا والفضيلـه
غابت على الشمس والليـل غـدار=ولاعاد لي بمعانـد الحـظ حيلـه
قالوا تزوج واعتبر شـي ماصـار=تكفي بدال البنـت بنت(ن)جميلـه
ماهو عذر تصبر ولو كنت صبـار=او مستحـي والا الدراهـم قليلـه
قلت اسمحو لي ياهل الراي الاخيار=ماكل بنت اليـوم تصلـح حليلـه
ولا كـل رجـالا نبديـه بالشـار=ولا كـل واحـد للنسـب ينعنيلـه
وجدي على منسب طويلين الاشبار=من ربعنا والا من اقصـى قبيلـه
وبنت(ن) ربت على التلاوه ؤالاذكار=ما ناظرت بافـلام بوسـي وليلـه
ولاصفقت فرحة لاكاديمـي استـار=ولا قلد ت هيفـا بلبـس الفنيلـه
يظرب بها الامثال في حفظ الاسرار=لبيتهـا ضل(ن)غصونـه ضليلـه
الدين والعفه من الله لهـا شعـار=ساس النظا فه والعـروق النبيلـه
غأية دواك ان كنت تأيه ومحتـار=بلسم جروح(ن)في فـؤادك عليلـه
اتعب لها لو دونهـا الـف مليـار=ومن ماتعب مـن اجلهـا عزتيلـه


الساعة الآن 06:56 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها