السلام عليكم ورحمة الله وبركاته

اعتذر عن غيابي الطويل عن المنتدى والذي كان خارج عن ارادتي..



منهم يقول العيب!!

جزل البيوت اليوم مخزونها خف=مدري حيا والا خجل واحتواني
ارقب عيونن سببت كايد النزف=من لحظها سيف الغرايز غزاني
حلو الشفايف وسطها العقد مصطف=يبرق لمبسمها سهيل اليماني
يبلّ شهده صافي الريق لاجف=نبعن تفجر به شريب الغواني
لامن حكى لي يكسر الذوق والعرف=غصبن تثنى له جزيل المعاني
يملك حروف الطيب والخافق الترف=صوته على الامال دوم يحداني
العين ماترفع اذا ناظر السقف=والحرف يبقى منعقد به لساني
هذا حبيبي غايتي والهوى شف=هذا البحر لو باعداتنا المواني
جمعني به ليلن وماغمض الطرف=الا وانا اسبح في بحور المحاني
هذي المحبه والبلا راق لي العزف=على جروحن جددت لي زماني
منهو يقول العيب!! ياصاحبي خِف=ترى المحبه سيفي اللي حماني
من قبلها قلبي على الحزن ملتف=والهم لحدود الخطايا خذاني
ومن بعدها صغت الاماني على حرف=منهو غرسني حب ثمن سقاني
جمله اخيره..قالها الخاطر العف=جيش المحبه ياعذولي سباني

المشاركة الأصلية كتبت بواسطة عنود الصيد (المشاركة 467806) صح لسانك اختي ويعطيك العافية

المشاركة الأصلية كتبت بواسطة أبن مصاول (المشاركة 467838) صح لسانك أختي الشاعره المميزه هاجر وقصيدة غزلية جريئة وفي أبياتها الأولى وكان المتحدث بلسان رجل ولكن هذه هي هاجر بقوتها وشجاعتها المعهودة