يادار شنتي عقب غالب وغلاب = كنك من السكان صرتي خليه

يادار ودعتي عريبين الانساب = روس الرجال اهل العزوم القويه

الي بوقفتهم يفكون الانشاب = لاجا اللزوم وجا نهار الحميه

راحو هل الطاله طويلين الاشناب = وانا بعدهم صرت اصفق يديه

الموت حق وكل شيٍ له اسباب = لكن نجم سهيل مابه حليه

يوم اتذكر فعلهم بين الاجناب = محصلين الطيب والمقدريه

وليا نصاهم طالب الشئ ماخاب = يقضون مطلوبه بليا جزيه

والضيف لاجاهم يزولن الاتعاب = يقلط على روس الغنم بالصنيه

وقت اللوازم مايحسبون بحساب = ماهم من اهل الحقد والعنجهيه

ومن عقبهم نور السعد ياسعد غاب = وانا اتفكر بين هــــــــذي وذيه

ليا نظرت آثارهم ناظري شاب = واشيب عيني يوم تطري عليه

والدمع من عيني على الخد سكاب = واحاول ادله بين روحه وجيه

جرحي عميق ويبطي الجرح ماطاب = ولا القا علاج الجرح بالصيدليه

يالله ترحـــــــــم روح غالب وغلاب = وتعوضنا فاهل العزوم القويه

المشاركة الأصلية كتبت بواسطة ابو تركـــي (المشاركة 93302) والضيف لاجاهم يزولـن الاتعـاب ...يقلط على روس الغنـم بالصنيـه وقت اللوازم مايحسبون بحسـاب ...ماهم من اهل الحقـد والعنجهيـه صح لسانك يا شاعر الموازين قسم بالله ابداع رباني >>>>> بيشكك في نفسك وغالب وغلاب ما يحتاج تقول عنهم شي معروفين عند القبايل بالطيب والشجاعه والكرم اشكرك ولا تقطعنا من جديدك

المشاركة الأصلية كتبت بواسطة علي حميدان الدجيما (المشاركة 93303) الله يرحمهم ويرحم اموات المسلمين جميعا والله لايوريك مكروه يابوعيسى وطول الله عمرك وهذا الشبل من ذاك الاسد ومن خلف مامات