الى الأخ جساس عضو مكتب بيت الجنادرية
 

1- ماهي أخبار حفل السويرقية وهل حضره سوار الذهب والمنقره , وكيف تصف الحفله .

2- سمعت أخبار كثيرة عن مشكلة حصلت في الرياض يوم 5/ 7 / 1430 في الشفاء والحفل حضره سوار الذهب والدغيلبي وابن عياد ويقولون أن الدغيلبي وابن عياد زعلوا من سوار الذهب وغادروالحفل , منتديات عديدة تحدثت عن هذه المشكلة لكن لايوجد تفاصيل , وبما أنك مطلع مؤكد لديك معلومة عن ماحدث , وأذا شئت أرسل رسالة خاصة , واين أجد شريط الحفل وماهو المكتب الذي صور هذه الحفله .

3- هل للشاعر سوار الذهب محاورات أخرى عند مكتبكم أو عند مكاتب أخرى , ولماذا تواجده قليل جداً هذه الفترة .

رد: الى الأخ جساس عضو مكتب بيت الجنادرية
 

رد: الى الأخ جساس عضو مكتب بيت الجنادرية
 

الله يهديك يافايز السؤال موجه لشخص معين

ارجو الانتباه لمداخلاتك قبل اتخاذ اللازم من قبل الاداره

رد: الى الأخ جساس عضو مكتب بيت الجنادرية
 

اللي زعل يابن رباح من؟

مازعل ابن عياد

ابن عياد عند بني الحارث ربعه

كيف يزعل ويمشي انا كنت من الحضور

سوار الذهب أخطاأ وحصل مايكفيه وسرا

رد: الى الأخ جساس عضو مكتب بيت الجنادرية
 

طيب عطنا التفاصيل وش حصل بالضبط .

رد: الى الأخ جساس عضو مكتب بيت الجنادرية
 

هذي هي المحاورة اللي زعل منها ابن عياد مدري اذا انت اطلعت عليها والا لا لكن هذي هي

رد: الى الأخ جساس عضو مكتب بيت الجنادرية
 

ابن عياد :









مرحبـا فـي حلـة الشـدادي الله لايهيـنـه
من بني الحارث صلاب الروس خطلان الايادي




المطيـري لايحيلـون العـرب بينـي وبينـه
عنده جيوش وعتاد وعندي جيـوش وعتـادي










سوار الذهب









البقا بك وانت منته سور مكه والمدينـه
بس فيكم خير والحرث منزحة الاعادي






من هو اللي من بعد ياخذ كتابه في يمينه
ايتلفت في بلاد الناس والا فـي بـلادي










ابن عياد :







ليه يوم انك تصير اكبر بطل واكبر رهينه
بين سيل وبين ليل وراس ضلع وجال وادي




كن في عينك سراب وكن في صدرك مكينه
من مقابيس الشرار التي تناقلهـا الايـادي








سوار الذهب









الله اكبر وش يهم الصابرين مـن الغبينـه
بعضنا من بعضنا لو وضعنا ماهو بعـادي




لي صحيبن يوم اشوفه كن عين الذيب عينه
له ضلوع وله فزوع ن كثر عمدان الجرادي









ابن عياد :










يعرف اللي في يسار الدرب واللي في يمينه
لاعليه بالحرام اني ما اجنب عن مـرادي




امش فالدرب الصحيح وخذ زياره للمدينـه
واخذ في مكه ثمان ليال واخضع للجهـادي









سوار الذهب










الوجيه الضاحكـه مستبشـره والا حزينـه
وانت مايقطعك من نقل الصميل الا البرادي




حسب مااسمع عنك عند البدو منت ثقيل طينه
وانت يالمفتا قريب اعطيك من شربي وزادي










ابن عياد :











وين عبدالله عن الميزان والميزان وينـه
اصقه(ن) ماعاد يسمع لاصياح ولا منادي




زادكم ماهو بحلو ولا تغشاكـم سكينـه
تشربون من الحليب وتاكلون من التوادي








سوار الذهب









انت ابن عياد من انته لايقين ولا جهينـه
عدها لو الجواد المنعثر ماهـو جـوادي




قالوا العريف مظهار الفتى قـدام حينـه
وانت لو يعرفك ابن حثلين يجهلك المهادي










ابن عياد :









انت رجال متعلم مار في صـدرك ضغينـه
يوم تومي بك حدور ويوم تومي بك سنـادي




ماسبحت مع البحـور ولا تعليـت السفينـه
وان نشدنا عنك قالوا من حصا الحره وغادي








سوار الذهب







يالله ارحم والدي ويالله ارحم والدينـه
البسيطه كلها ريش ومخاليب وثنـادي




صاير البحار عيا يتفق دينـي ودينـه
بس انا رجال اصيد الا عليقه ماتصادي











ابن عياد :











الحسايف يوم قدمتك علـى راعـي الدفينـه
وانت وجه(ن ) لاش نار ولا شرار ولا زنادي




ان صدق حلمي لسان الرجل زايد عن يدينـه
ليت حمران النواظر طيـروه مـع الحنـادي









سوار الذهب







انت وش دخلك مابين الثلاثـه والثنينـه
حارثين منقسم نصك فحم نصك رمـادي




مابقي من لمة الجهال غيـر مصدقينـه
والا انا رجال يحكي لي لساني عن فوادي










ابن عياد :










هيه يالخباز ياللي ماتعـرف الا العجينـه
ملتوي وجهك تقول انك عن الدرب متحادي




ماطلبنا منك نقـد ولاطلبنـا منـك دينـه
البطولـه للهلال وللنصـر والاتـحـادي









سوار الذهب









اثر بعض الناس مكتوب الخطيه في جبينه
يمكن انه من عرب بين ام رابع وام حادي





لاتقلطنا ليـا جينـا علـى غيـر السمينـه
وانت هذا الوقت ماينقصك غير انتل ورادي

رد: الى الأخ جساس عضو مكتب بيت الجنادرية
 

البريهي

سلمت يدك على نقل هذه المحاوره القويه بين عملاقين من عمالقت الشعر

تقبل تحياتي

رد: الى الأخ جساس عضو مكتب بيت الجنادرية