ياهاجس اشعاري نبي طـرق معسـوف=ومهما عسفـت القـاف مابـي كلوفـه
انقـى فرايـد مابهـا ضلـع وسنـوف =وابـدي بــراي ٍ مايجيـبـه نكـوفـه
يـوم الاخـوه بيننـا سلـم مـعـروف =بيـن الحمايـل فـي سلـوم معروفـه
أمشي بها واضح علـى درب مكشـوف =واللـي مشاهـا ماتجـيـه الحفـوفـه
من محتوى المبداء شعر قافـي يـروف =واللي عنـاه القـاف يحفـظ حروفـه!
أشوف لي ناس ٍ يجي عندهـا ظـروف =وقشـر النوايـا هـي سبايـب ظروفـه
عن الطريق المستـوي جابـه صـدوف =الله يـاقـا مــن كثـيـره صـدوفـه
وحبل الضنون المخطيـه فيـه مكتـوف =ورمي البرايا شارب (ن) مـن رشوفـه
كنـه موكـل بالبشـر فيـه مكـلـوف =وغيـره بعيـن الطبـع عينـه تشوفـه
مايدري انـه فـي متاهـات وكهـوف =ويحسب كـل النـاس تدخـل كهوفـه!
عايش مدى عمره على الـذل والخـوف =ودلـوه عـن الجمـات دايـم زلـوفـه
وشمس الضحى بادي على ضوها كسوف =ماينجلـي بدنـيـا حـيـاة الكسـوفـه
والناس فيهـا شـاذ وبالنـاس ملقـوف =وراع الـردى دايـم تجيـه الحسـوفـه
والطيـر الابـرق بالمخاليـب منتـوف =والصايديـن تقـض مفـرق كتـوفـه
واللي علـي يمـرر الهـرج مايطـوف =يبطـي علـى مثلـي ومثلـه يطـوفـه
اعرف مغازي الهرج من ناظر الشـوف =ولا اجهد بـه التفكيـر ناطـق شفوفـه
وانا عن الهزلـه تـرى راسـي ينـوف =ونفسي على الطـالات تبقـى شروفـه
وانصحك ياللي واطي الـداب ماتشـوف =الناس تحرق مـن لعـب فـي كفوفـه؟

المشاركة الأصلية كتبت بواسطة أبن مصاول (المشاركة 198376) الله..الله..صح لسانك أخوي احمد العوفي واعتلى شانك وقد امتعتنا بهذه الجزلة وهي مصافحتك الأولى ولكنها جاءت تنبئ أنه انضم الينا شاعر من الطراز الرفيع , فنشكر العضو المميز ولد الدويله الذي دعاك لكي تمطرنا بروائعك وننتظر منك الجديد وجزل الشعر أبن مصاول